ਟਰੇਨ ਹਾਦਸਾ ਹੋਣ ਦੇ ਬਾਵਜੂਦ ਵੀ ਨਹੀਂ ਸੁਧਰ ਰਹੇ ਲੋਕ, ਬੰਦ ਫਾਟਕ ਕਰ ਰਹੇ ਨੇ ਪਾਰ

ਅੰਮ੍ਰਿਤਸਰ (ਬੌਬੀ)— ਅੰਮ੍ਰਿਤਸਰ ਦੇ ਜੌੜਾ ਫਾਟਕ ਦੇ ਰੇਲਵੇ ਟਰੈਕ 'ਤੇ ਦੁਸਹਿਰੇ ਵਾਲੇ ਦਿਨ ਹੋਏ ਰੇਲ ਹਾਦਸੇ 'ਚ ਭਾਰੀ ਗਿਣਤੀ ਵਿਚ ਲੋਕਾਂ ਦੀ ਮੌਤ ਹੋ ਗਈ। ਜੌੜਾ ਫਾਟਕ ਰੇਲਵੇ ਕਰਾਸਿੰਗ 'ਤੇ ਪੁਲਸ ਦੇ ਤਾਇਨਾਤ ਹੁੰਦੇ ਹੋਏ ਵੀ ਰੇਲਵੇ ਲਾਈਨ ਪਾਰ ਕਰ ਰਹੇ ਹਨ।  

ਇੰਨਾ ਵੱਡਾ ਹਾਦਸਾ ਹੋਣ ਦੇ ਬਾਅਦ ਵੀ ਜਨਤਾ ਦੇ ਮਨ ਵਿਚ ਡਰ ਨਹੀਂ ਹੈ। ਲੋਕ ਸਮਝ ਨਹੀਂ ਪਾ ਰਹੇ ਬੰਦ ਫਾਟਕ ਨੂੰ ਪਾਰ ਕਰਨਾ ਇਕ ਕਾਨੂੰਨੀ ਜੁਰਮ ਹੈ। ਜਿਥੇ ਮਨੁੱਖ ਰਹਿਤ ਰੇਲਵੇ ਫਾਟਕ ਹੈ ਉੱਥੇ ਤਾਂ ਲੋਕਾਂ ਦਾ ਰੇਲਵੇ ਦੀ ਲਾਈਨ ਪਾਰ ਕਰਨਾ ਮਜਬੂਰੀ ਹੈ। ਰੇਲਵੇ ਲਾਈਨ 'ਤੇ ਕਈ ਹਾਦਸੇ ਹੋ ਚੁੱਕੇ ਹਨ ਜਿਥੇ ਲੋਕਾਂ ਨੂੰ ਆਪਣੀਆਂ ਜਾਨਾਂ ਤੋਂ ਹੱਥ ਧੋਣਾ ਪਿਆ ਹੈ ਪਰ ਇਹ ਜੋ ਹਾਦਸਾ ਜੌੜਾ ਫਾਟਕ ਵਿਚ ਹੋਇਆ ਹੈ, ਇਸ ਨੂੰ ਭੁਲਾਉਣਾ ਅਸੰਭਵ ਹੈ। ਇਸ ਹਾਦਸੇ ਵਿਚ ਕਈ ਬੱਚੇ ਯਤੀਮ ਹੋ ਗਏ ਹਨ। ਔਰਤਾਂ ਵਿਧਵਾ ਹੋ ਗਈਆਂ ਹਨ। ਅਜੇ ਹਾਦਸੇ ਨੂੰ 2 ਦਿਨ ਹੀ ਹੋਏ ਹਨ ਪਰ ਲੋਕ ਬੇਪ੍ਰਵਾਹ ਹੋ ਕੇ ਬੰਦ ਫਾਟਕਾਂ ਹੇਠੋਂ ਲਾਈਨਾਂ ਪਾਰ ਕਰ ਰਹੇ ਹਨ। ਇਹ ਟਰੈਕ ਇੰਨਾ ਰੁਝਿਆ ਰਹਿੰਦਾ ਹੈ ਕਿ ਇਥੇ ਟਰੇਨਾਂ ਦਾ ਆਉਣਾ-ਜਾਣਾ ਲੱਗਿਆ ਹੀ ਰਹਿੰਦਾ ਹੈ।