ਪੈਟਰੋਲ-ਡੀਜ਼ਲ ਦੀਆਂ ਉੱਚੀਆਂ ਕੀਮਤਾਂ ਤੋਂ ਲੋਕ ਪ੍ਰੇਸ਼ਾਨ : ਗਡਕਰੀ

ਮੁੰਬਈ—ਮੁੰਬਈ 'ਚ ਪੈਟਰੋਲ ਦੀ ਕੀਮਤ 90 ਰੁਪਏ ਦੇ ਮਨੋਵਿਗਿਆਨਿਕ ਪੱਧਰ 'ਤੇ ਪਹੁੰਚਣ ਦੌਰਾਨ ਕੇਂਦਰੀ ਸੜਕ ਟਰਾਂਸਪੋਰਟ ਅਤੇ ਰਾਜਮਾਰਗ ਮੰਤਰੀ ਨਿਤਿਨ ਗਡਕਰੀ ਨੇ ਮੰਗਲਵਾਰ ਨੂੰ ਸਵੀਕਾਰ ਕੀਤਾ ਕਿ ਪੈਟਰੋਲ, ਡੀਜ਼ਲ ਦੀਆਂ ਕੀਮਤਾਂ ਕਾਫੀ ਉੱਚੀਆਂ ਹੋ ਚੁੱਕੀਆਂ ਹਨ ਅਤੇ ਇਸ 'ਚ ਜਨਤਾ ਪ੍ਰੇਸ਼ਾਨ ਹੋ ਰਹੀ ਹੈ। ਸ਼ਹਿਰ 'ਚ ਮੰਗਲਵਾਰ ਨੂੰ ਪੈਟਰੋਲ ਦੀ ਕੀਮਤ 89.54 ਰੁਪਏ ਲੀਟਰ ਵਿਕ ਰਿਹਾ ਸੀ। ਸੋਮਵਾਰ ਦੀ ਤੁਲਨਾ 'ਚ ਇਸ 'ਚ 10 ਪੈਸੇ ਦਾ ਵਾਧਾ ਹੋਇਆ ਹੈ। ਇਸ ਤਰ੍ਹਾਂ ਡੀਜ਼ਲ ਦੀ ਕੀਮਤ 9 ਪੈਸੇ ਦੇ ਵਾਧੇ ਨਾਲ 78.42 ਰੁਪਏ ਪ੍ਰਤੀ ਲੀਟਰ ਹੋ ਗਈ ਹੈ। ਸੂਬੇ ਦੇ ਕਰੀਬ ਦਰਜ਼ਨ ਭਰ ਸ਼ਹਿਰਾਂ 'ਚ ਪੈਟਰੋਲ 90 ਤੋਂ 91 ਰੁਪਏ ਲੀਟਰ ਅਤੇ  ਡੀਜ਼ਲ 80 ਰੁਪਏ ਲੀਟਰ ਤੋਂ ਉੱਪਰ ਹੋ ਚੁੱਕਾ ਹੈ। 
ਗਡਕਰੀ ਨੇ ਤੀਜੇ ਬਲੂਮਬਰਗ ਇੰਡੀਆ ਇਕਨੋਮਿਕ ਫੋਰਮ ਨੂੰ ਸੰਬੋਧਤ ਕਰਦੇ ਹੋਏ ਕਿਹਾ ਕਿ ਇਕ ਚੀਜ਼ ਹੈ ਕਿ ਈਂਧਣ ਦੀ ਕੀਮਤ ਕਾਫੀ ਉੱਚੀ ਹੈ। ਇਹ ਇਕ ਅਜਿਹੀ ਸਥਿਤੀ ਹੈ ਜਦੋਂ ਕਿ ਲੋਕਾਂ ਨੂੰ ਸਮੱਸਿਆਵਾਂ ਦਾ ਸਾਹਮਣਾ ਕਰਨਾ ਪਾ ਰਿਹਾ ਹੈ। ਗਡਕਰੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਦੱਸਿਆ ਗਿਆ ਹੈ ਕਿ ਇਸ ਗੱਲ ਦੀ ਸੰਭਾਵਨਾ ਹੈ ਕਿ ਸੰਸਾਰਕ ਪੱਧਰ 'ਤੇ ਕੱਚੇ ਤੇਲ ਦੀ ਕੀਮਤ ਹੇਠਾਂ ਆਵੇਗੀ। ਹਾਲਾਂਕਿ ਉਨ੍ਹਾਂ ਨੇ ਇਹ ਨਹੀਂ ਦੱਸਿਆ ਕਿ ਉਨ੍ਹਾਂ ਨੂੰ ਇਹ ਸੂਚਨਾ ਕਿਸ ਸਰੋਤ ਨੂੰ ਮਿਲੀ ਹੈ। 
ਪਨਭਰੀ, ਨੰਦਰਬਾਰ, ਨਾਂਦੇਡ, ਲਾਤੂਰ, ਜਲਗਾਂਓ, ਬੀਡ, ਔਂਰੰਗਾਬਾਦ ਅਤੇ ਰਤਨਗਿਰੀ ਵਰਗੇ ਸ਼ਹਿਰਾਂ 'ਚ ਪੈਟਰੋਲ ਦੀ ਕੀਮਤ 90 ਰੁਪਏ ਲੀਟਰ ਨੂੰ ਪਾਰ ਕਰ ਗਈ ਹੈ। ਗਡਕਰੀ ਨੇ ਕਿਹਾ ਕਿ ਉਨ੍ਹਾਂ ਨੂੰ ਵਿਸ਼ਵਾਸ ਹੈ ਕਿ 2019 'ਚ ਬੀ.ਜੇ.ਪੀ. ਫਿਰ ਸੱਤਾ 'ਚ ਆਵੇਗੀ।