GST ਕੌਂਸਲ ਨੇ ਦਿੱਤੀ ਮਨਜ਼ੂਰੀ, SUV 'ਤੇ 7% ਤੇ ਲਗਜਰੀ ਕਾਰਾਂ 'ਤੇ 5% ਵਧਿਆ ਸੈੱਸ
09/10/2017 12:02:51 AM
ਨਵੀਂ ਦਿੱਲੀ —ਵਿੱਤ ਮੰਤਰੀ ਅਰੁਣ ਜੇਤਲੀ ਸ਼ਨੀਵਾਰ ਨੂੰ 21ਵੀਂ ਗੁਜਰਾਤ ਅਤੇ ਸਰਵਿਸਿਜ਼ ਟੈਕਸ (ਜੀ. ਐਸ. ਟੀ.) ਕੌਂਸਲ ਦੀ ਬੈਠਕ ਦੀ ਪ੍ਰਧਾਨਗੀ ਕਰਨ ਲਈ ਹੈਦਰਾਬਾਦ ਪੁੱਜੇ। ਬੈਠਕ ਤੋਂ ਬਾਅਦ ਪੱਤਰਕਾਰਾਂ ਨੂੰ ਸੰਬੋਧਨ ਕਰਦਿਆਂ ਵਿੱਤ ਮੰਤਰੀ ਨੇ ਕਿਹਾ ਕਿ ਜਿਹੜੇ ਲੋਕ 20 ਲੱਖ ਰੁਪਏ ਤੋਂ ਘੱਟ ਉਤਪਾਦਾਂ ਦੀ ਵਿਕਰੀ ਕਰਦੇ ਹਨ ਅਤੇ ਆਪਣੇ ਵਪਾਰ ਲਈ ਗੁਆਂਢੀ ਦੇਸ਼ਾਂ 'ਚ ਜਾਂਦੇ ਹਨ, ਉਨ੍ਹਾਂ ਨੂੰ ਸੈਕੰਡਰੀ ਰਜਿਸਟਰੇਸ਼ਨ ਕਰਨ ਦੀ ਲੋੜ ਨਹੀਂ ਪਵੇਗੀ। ਉਨ੍ਹਾਂ ਇਹ ਵੀ ਐਲਾਨ ਕੀਤਾ ਕਿ ਛੋਟੀਆਂ ਕਾਰਾਂ 'ਤੇ ਕੋਈ ਵਾਧੂ ਬੋਝ ਨਹੀਂ ਹੈ। ਉਨ੍ਹਾਂ ਕਿਹਾ ਕਿ ਐਸ. ਯੂ. ਵੀ. ਕਾਰਾਂ 'ਤੇ ਸੈੱਸ 7 ਫੀਸਦੀ ਤੋਂ ਵਧਾ ਦਿੱਤਾ ਗਿਆ ਹੈ। ਉਥੇ ਹੀ ਮਿਡ ਸੈਗਮੇਟ ਦੀਆਂ ਕਾਰਾਂ 'ਤੇ 5 ਫੀਸਦੀ ਵਾਧਾ ਕੀਤਾ ਗਿਆ ਹੈ ਅਤੇ ਛੋਟੀਆਂ ਕਾਰਾਂ 'ਤੇ ਸੈਸ 'ਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਹੈ, ਜੋ 2 ਫੀਸਦੀ ਹੀ ਰਹੇਗਾ। ਜੇਟਲੀ ਨੇ ਕਿਹਾ ਕਿ ਰਬੜ ਬੈਂਡ 'ਤੇ ਜੀ. ਐਸ. ਟੀ. ਵਧਾ ਕੇ 12 ਫੀਸਦੀ ਕੀਤੀ ਗਈ ਹੈ। ਇਸ ਤੋਂ ਇਲਾਵਾ ਬਿਨਾ ਬ੍ਰੈਂਡ ਵਾਲੇ 30 ਖਾਧ ਪਦਾਰਥਾਂ 'ਤੇ ਜੀ. ਐਸ. ਟੀ. ਨਹੀਂ ਲੱਗੇਗੀ ਜਿਵੇਂ ਕਿ ਕਿ ਭੂਨੇ ਸ਼ੌਲੇ, ਡੋਸਾ, ਤੇਲ ਕੇਕ, ਰੇਨਕੋਟਸ, ਰਬੜ ਦੇ ਬੈਂਡਾਂ ਅਤੇ ਹੋਰ ਚੀਜ਼ਾਂ 'ਤੇ ਜੀ. ਐਸ. ਟੀ. ਦੀ ਦਰ ਘਟਾਈ ਗਈ ਹੈ। ਇਸ ਦੌਰਾਨ ਕੌਂਸਲ ਨੇ ਮੰਤਰੀਆਂ ਦੀ ਇਕ ਕਮੇਟੀ ਦੀ ਨਿਯੁਕਤੀ ਕਰਨ ਦਾ ਫੈਸਲਾ ਵੀ ਕੀਤਾ, ਜੋ ਸਮੂਹਿਕ ਪਰਿਵਰਤਨ ਨੂੰ ਯਕੀਨੀ ਬਣਾਉਣ ਲਈ ਜੀ. ਐਸ. ਟੀ. ਨੈਟਵਰਕ ਨਾਲ ਲਗਾਤਾਰ ਸਪੰਰਕ 'ਚ ਰਹੇ।
