ਸੀ.ਬੀ.ਆਈ. ਨੇ ਕਾਰਪੋਰੇਟ ਵਿਚੋਲੇ ਦੀਪਕ ਤਲਵਾਰ ਵਿਰੁੱਧ ਦੋਸ਼ ਪੱਤਰ ਕੀਤਾ ਦਾਇਰ
09/23/2019 5:09:21 PM
ਨਵੀਂ ਦਿੱਲੀ— ਸੀ.ਬੀ.ਆਈ. ਨੇ ਹਵਾਬਾਜ਼ੀ ਘਪਲੇ ਦੇ ਸੰਬੰਧ 'ਚ ਕਾਰਪੋਰੇਟ ਵਿਚੋਲੇ ਦੀਪਕ ਤਲਵਾਰ ਵਿਰੁੱਧ ਸੋਮਵਾਰ ਨੂੰ ਕੋਰਟ 'ਚ ਦੋਸ਼ ਪੱਤਰ ਦਾਇਰ ਕੀਤਾ। ਇਸ ਘਪਲੇ ਨਾਲ ਏਅਰ ਇੰਡੀਆ ਕਥਿਤ ਤੌਰ 'ਤੇ ਨੁਕਸਾਨ ਹੋਇਆ ਸੀ। ਵਿਸ਼ੇਸ਼ ਜੱਜ ਅਨਿਲ ਕੁਮਾਰ ਸਿਸੋਦੀਆ ਦੇ ਸਾਹਮਣੇ ਭ੍ਰਿਸ਼ਟਾਚਾਰ ਰੋਕਥਾਮ ਐਕਟ ਦੀ ਧਾਰਾ 8 ਅਤੇ ਹੋਰ ਦੋਸ਼ਾਂ ਦੇ ਅਧੀਨ ਅੰਤਿਮ ਰਿਪੋਰਟ ਦਾਇਰ ਕੀਤੀ ਗਈ। ਦੋਸ਼ ਪੱਤਰ 'ਚ ਤਲਵਾਰ ਤੋਂ ਇਲਾਵਾ, ਉਸ ਦੇ ਕਰੀਬੀ ਯਾਸਮੀਨ ਕਪੂਰ, ਮਾਇਆ ਬੀ ਪੁਰੀ, ਸਟੋਨ ਟਰੈਵਲ ਪ੍ਰਾਈਵੇਟ ਲਿਮਟਿਡ, ਸੀਡਰ ਟਰੈਵਲਜ਼, ਦੀਪਕ ਤਲਵਾਰ ਐਂਡ ਐਸੋਸੀਏਟ ਅਤੇ ਏਸ਼ੀਆ ਫੀਲਡ ਲਿਮਟਿਡ ਦੇ ਵੀ ਨਾਂ ਹਨ। ਤਲਵਾਰ ਫਿਲਹਾਲ ਨਿਆਇਕ ਹਿਰਾਸਤ 'ਚ ਹੈ।
ਕੋਰਟ ਇਕ ਅਕਤੂਬਰ ਨੂੰ ਮਾਮਲੇ 'ਤੇ ਵਿਚਾਰ ਕਰ ਸਕਦੀ ਹੈ। ਜੱਜ ਨੇ 26 ਜੁਲਾਈ ਨੂੰ ਤਲਵਾਰ ਦੀ ਪੇਸ਼ਗੀ ਜ਼ਮਾਨਤ ਪਟੀਸ਼ਨ ਨੂੰ ਖਾਰਜ ਕਰ ਦਿੱਤਾ ਸੀ, ਜਿਸ ਦੇ ਕੁਝ ਦੇਰ ਬਾਅਦ ਹੀ ਸੀ.ਬੀ.ਆਈ. ਨੇ ਕੋਰਟ ਰੂਮ ਤੋਂ ਤਲਵਾਰ ਨੂੰ ਹਿਰਾਸਤ 'ਚ ਲੈ ਲਿਆ ਸੀ। ਉਸ ਨੂੰ 9 ਅਗਸਤ ਨੂੰ ਨਿਆਇਕ ਹਿਰਾਸਤ 'ਚ ਭੇਜ ਦਿੱਤਾ ਗਿਆ ਸੀ। ਏਜੰਸੀ ਅਨੁਸਾਰ ਤਲਵਾਰ ਨੇ ਏਅਰ ਇੰਡੀਆ ਦੇ ਲਾਭ ਵਾਲੇ ਮਾਰਗਾਂ ਅਤੇ ਸਮੇਂ ਨੂੰ ਛੱਡਣ ਲਈ ਅਤੇ ਵਿਦੇਸ਼ੀ ਏਅਰਲਾਈਨਾਂ ਨੂੰ ਫਾਇਦਾ ਪਹੁੰਚਾਉਣ ਲਈ ਗੱਲਬਾਤ 'ਚ ਵਿਚੋਲੇ ਦੇ ਤੌਰ 'ਤੇ ਕੰਮ ਕੀਤਾ ਸੀ। ਇਨ੍ਹਾਂ ਹਵਾਬਾਜ਼ੀ ਕੰਪਨੀਆਂ 'ਚ ਕਤਲ ਏਅਰਵੇਜ਼, ਏਮੀਰਾਤਸ ਅਤੇ ਏਅਰ ਅਰੇਬੀਆ ਸ਼ਾਮਲ ਹਨ। ਇਹ ਕਥਿਤ ਸੌਦਾ ਕਾਂਗਰਸ ਦੀ ਅਗਵਾਈ ਵਾਲੀ ਯੂ.ਪੀ.ਏ. ਸਰਕਾਰ ਦੌਰਾਨ ਹੋਇਆ ਸੀ।