''ਆਪ'' ਆਗੂਆਂ ਤੇ ਪੰਜਾਬ ਪੁਲਸ ''ਤੇ ਮੁੰਡੇ ਦੇ ਗੰਭੀਰ ਦੋਸ਼, MLA ਪਰਗਟ ਸਿੰਘ ਨੇ ਵੀਡੀਓ ਸਾਂਝੀ ਕਰ ਮੰਗੇ ਜਵਾਬ

ਜਲੰਧਰ (ਵੈੱਬ ਡੈਸਕ): ਕਾਂਗਰਸੀ ਵਿਧਾਇਕ ਤੇ ਸਾਬਕਾ ਕੈਬਨਿਟ ਮੰਤਰੀ ਪਰਗਟ ਸਿੰਘ ਨੇ ਇਕ ਵਿਦਿਆਰਥੀ ਵੱਲੋਂ ਪੁਲਸ ਅਫ਼ਸਰ ਨੂੰ ਪੁੱਛੇ ਗਏ ਸਿੱਧੇ ਸਵਾਲਾਂ ਦੀ ਵੀਡੀਓ ਸਾਂਝੀ ਕਰ ਕੇ ਸਰਕਾਰ ਤੇ ਪੁਲਸ ਪ੍ਰਸ਼ਾਸਨ ਤੋਂ ਸਪਸ਼ਟ ਜਵਾਬ ਦੀ ਮੰਗ ਕੀਤੀ ਹੈ। ਇਸ ਵੀਡੀਓ ਵਿਚ ਇਕ ਵਿਦਿਆਰਥੀ ਸਮਾਗਮ ਦੌਰਾਨ ਪੁਲਸ ਅਫ਼ਸਰਾਂ ਤੋਂ ਗੰਭੀਰ ਸਵਾਲ ਪੁੱਛਦਾ ਨਜ਼ਰ ਆ ਰਿਹਾ ਹੈ। 

Instead of dismissing such direct questions about the ground reality of #YudhNashianVirudh in Punjab as mere “speeches,” the police administration and the government must give clear and honest answers. pic.twitter.com/i4W1Z9f9H6

— Pargat Singh (@PargatSOfficial) February 25, 2026

ਵੀਡੀਓ ਵਿਚ ਨੌਜਵਾਨ ਆਮ ਆਦਮੀ ਪਾਰਟੀ ਦੇ ਕਈ ਵੱਡੇ ਲੀਡਰਾਂ ਦੇ ਨਾਂ ਲੈ ਕੇ ਦਾਅਵਾ ਕਰਦਾ ਹੈ ਕਿ ਉਨ੍ਹਾਂ ਦੇ ਕਰੀਬੀ ਨਸ਼ੇ ਦੇ ਮਾਮਲੇ ਵਿਚ ਫੜੇ ਗਏ ਹਨ ਤੇ ਨਾਲ ਹੀ ਇਹ ਵੀ ਪੁਛਦਾ ਹੈ ਕਿ ਪੰਜਾਬ ਪੁਲਸ ਆਪਣੇ ਮੁਲਾਜ਼ਮਾਂ ਖ਼ਿਲਾਫ਼ ਕਾਰਵਾਈ ਕਿਉਂ ਨਹੀਂ ਕਰਦੀ। ਸਟੇਜ 'ਤੇ ਮੌਜੂਦ ਅਫ਼ਸਰ ਵੱਲੋਂ ਇਨ੍ਹਾਂ ਸਵਾਲਾਂ ਨੂੰ 'ਭਾਸ਼ਣ' ਕਹਿ ਕੇ ਟਾਲੇ ਜਾਣ 'ਤੇ ਪਰਗਟ ਸਿੰਘ ਨੇ ਸਖ਼ਤ ਇਤਰਾਜ਼ ਜਤਾਇਆ ਹੈ। ਪਰਗਟ ਸਿੰਘ ਨੇ ਕਿਹਾ ਕਿ ਪੰਜਾਬ ਵਿਚ 'ਯੁੱਧ ਨਸ਼ਿਆਂ ਵਿਰੁੱਧ' ਦੀ ਜ਼ਮੀਨੀ ਹਕੀਕਤ ਨਾਲ ਜੁੜੇ ਅਜਿਹੇ ਸਿੱਧੇ ਸਵਾਲਾਂ ਨੂੰ “ਭਾਸ਼ਣ” ਕਹਿ ਕੇ ਟਾਲਣ ਦੀ ਬਜਾਏ, ਪੁਲਸ ਪ੍ਰਸ਼ਾਸਨ ਅਤੇ ਸਰਕਾਰ ਨੂੰ ਸਪੱਸ਼ਟ ਅਤੇ ਇਮਾਨਦਾਰ ਜਵਾਬ ਦੇਣੇ ਚਾਹੀਦੇ ਹਨ।