ਖ਼ੌਫ ''ਚ ਪਾਕਿ ਫੌਜ, ਕੰਟਰੋਲ ਰੂਮ ਅਤੇ ਹੈੱਡਕੁਆਰਟਰ ਪਹਾੜਾਂ ''ਤੇ ਸ਼ਿਫਟ ਕਰਨ ਦੀ ਤਿਆਰੀ

ਇਸਲਾਮਾਬਾਦ- ਭਾਰਤੀ ਫੌਜ ਵੱਲੋਂ ਚਲਾਏ ਆਪ੍ਰੇਸ਼ਨ ਸਿੰਦੂਰ ਨਾਲ ਪਾਕਿਸਤਾਨ ਹਾਲੇ ਤੱਕ ਖੌਫ਼ ਵਿਚ ਹੈ। ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਤਣਾਅ ਵਿਚਕਾਰ 8-9 ਮਈ ਦੀ ਰਾਤ ਨੂੰ ਜਦੋਂ ਬ੍ਰਹਮੋਸ ਮਿਜ਼ਾਈਲ ਨੇ ਰਾਵਲਪਿੰਡੀ ਏਅਰਬੇਸ 'ਤੇ ਤਬਾਹੀ ਮਚਾਈ, ਤਾਂ ਪਾਕਿਸਤਾਨੀ ਫੌਜ ਦੇ ਪੈਰਾਂ ਹੇਠੋਂ ਜ਼ਮੀਨ ਖਿਸਕ ਗਈ। ਨਤੀਜਾ ਇਹ ਹੋਇਆ ਕਿ ਫੌਜੀ ਹੈੱਡਕੁਆਰਟਰ ਨੂੰ ਰਾਵਲਪਿੰਡੀ ਤੋਂ ਇਸਲਾਮਾਬਾਦ ਤਬਦੀਲ ਕਰਨ ਦਾ ਪ੍ਰੋਜੈਕਟ, ਜੋ ਕਈ ਸਾਲਾਂ ਤੋਂ ਰੁਕਿਆ ਹੋਇਆ ਸੀ, ਹੁਣ ਗਤੀ ਫੜ ਗਿਆ ਹੈ। ਨਵਾਂ ਜਨਰਲ ਹੈੱਡਕੁਆਰਟਰ (GHQ) ਇਸਲਾਮਾਬਾਦ ਵਿੱਚ ਮਾਰਗਲਾ ਪਹਾੜੀਆਂ ਦੀਆਂ ਤਲਹਟੀਆਂ ਵਿੱਚ ਤਬਦੀਲ ਕੀਤਾ ਜਾ ਰਿਹਾ ਹੈ। GHQ ਯਾਨੀ ਪਾਕਿਸਤਾਨੀ ਫੌਜ ਦੀ ਸਿੱਧੀ ਰਿਪੋਰਟਿੰਗ ਅਤੇ ਕਮਾਂਡ ਪੋਸਟ ਇੱਥੇ ਸਥਿਤ ਹੈ।

ਕਿਸੇ ਵੀ ਮਿਜ਼ਾਈਲ ਜਾਂ ਅੱਤਵਾਦੀ ਹਮਲੇ ਤੋਂ ਪੂਰੀ ਸੁਰੱਖਿਆ ਨੂੰ ਯਕੀਨੀ ਬਣਾਉਣ ਲਈ ਪਹਾੜਾਂ ਦੇ ਅੰਦਰ ਨਵਾਂ ਫੌਜ ਕੰਟਰੋਲ ਰੂਮ ਅਤੇ ਫੌਜ ਮੁਖੀ ਦਾ ਦਫਤਰ ਵੀ ਬਣਾਇਆ ਜਾ ਰਿਹਾ ਹੈ। ਕੰਟਰੋਲ ਰੂਮ ਨੂੰ ਪਹਾੜਾਂ ਦੇ ਅੰਦਰ 10 ਕਿਲੋਮੀਟਰ ਲੰਬੀ ਸੁਰੰਗ ਰਾਹੀਂ ਸੁਰੱਖਿਅਤ ਕੀਤਾ ਜਾ ਰਿਹਾ ਹੈ। ਇਸ ਜਗ੍ਹਾ ਨੂੰ ਮਿਜ਼ਾਈਲ ਹਮਲਿਆਂ ਤੋਂ ਸੁਰੱਖਿਆ ਦੇ ਲਿਹਾਜ਼ ਨਾਲ ਸੁਰੱਖਿਅਤ ਮੰਨਿਆ ਜਾਂਦਾ ਹੈ। ਇਸਲਾਮਾਬਾਦ ਵਿੱਚ ਪ੍ਰਸਤਾਵਿਤ ਨਵੇਂ ਫੌਜੀ ਹੈੱਡਕੁਆਰਟਰ ਤੋਂ ਹਵਾਈ ਸੈਨਾ ਦਾ ਅੱਡਾ ਸਿਰਫ਼ 3 ਕਿਲੋਮੀਟਰ ਅਤੇ ਜਲ ਸੈਨਾ ਦਾ ਮੁੱਖ ਦਫਤਰ 6 ਕਿਲੋਮੀਟਰ ਦੂਰ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਬ੍ਰਹਮੋਸ ਮਿਜ਼ਾਈਲ ਨੇ ਰਾਵਲਪਿੰਡੀ ਦੇ ਚੱਕਲਾਲਾ ਵਿਖੇ ਸਥਿਤ ਨੂਰਖਾਨ ਏਅਰਬੇਸ 'ਤੇ ਵੀ ਤਬਾਹੀ ਮਚਾਈ ਸੀ। ਇਹ ਮੌਜੂਦਾ GHQ ਤੋਂ ਸਿਰਫ਼ 8 ਕਿਲੋਮੀਟਰ ਦੂਰ ਸੀ। 

ਪੜ੍ਹੋ ਇਹ ਅਹਿਮ ਖ਼ਬਰ-Trump ਨੇ ਸੱਤਵੀਂ ਵਾਰ ਲਿਆ ਭਾਰਤ-ਪਾਕਿ ਜੰਗਬੰਦੀ ਦਾ ਕ੍ਰੈਡਿਟ, ਨਾਲ ਕਹੀ ਇਹ ਗੱਲ

ਇਹ ਕੰਮ 18 ਸਾਲਾਂ ਤੋਂ ਚੱਲ ਰਿਹਾ ਹੈ, ਹੁਣ ਇਸ ਵਿੱਚ ਆਵੇਗੀ ਤੇਜ਼ੀ

ਨਵੀਂ ਜਨਰਲ ਹੈੱਡਕੁਆਰਟਰ (GHQ) ਇਮਾਰਤ ਵਿੱਚ 90 6-ਬੈੱਡਰੂਮ ਵਾਲੇ ਬੰਗਲੇ, 300 4-ਬੈੱਡਰੂਮ ਵਾਲੇ ਬੰਗਲੇ ਅਤੇ 14,750 ਲਗਜ਼ਰੀ ਅਪਾਰਟਮੈਂਟ ਬਣਾਏ ਜਾ ਰਹੇ ਹਨ। ਇਸ ਤੋਂ ਇਲਾਵਾ ਕੈਂਪਸ ਵਿੱਚ 45 ਏਕੜ ਵਿੱਚ ਫੈਲੀਆਂ ਤਿੰਨ ਝੀਲਾਂ ਵੀ ਬਣਾਈਆਂ ਜਾਣਗੀਆਂ। ਇੱਥੇ ਫੌਜੀ ਅਧਿਕਾਰੀਆਂ ਦੇ ਬੱਚਿਆਂ ਲਈ 12 ਸਕੂਲ ਅਤੇ 2 ਕਾਲਜ ਵੀ ਹੋਣਗੇ। ਇਹ ਦੁਨੀਆ ਦਾ ਪਹਿਲਾ GHQ ਹੋਵੇਗਾ, ਜਿਸ ਵਿੱਚ ਵਪਾਰਕ ਉੱਚੀਆਂ ਇਮਾਰਤਾਂ ਵੀ ਹੋਣਗੀਆਂ। ਇੱਥੇ ਦੱਸ ਦਈਏ ਕਿ ਅਕਤੂਬਰ 2008 ਵਿੱਚ ਪਾਕਿਸਤਾਨ ਦੀ ਮਾੜੀ ਆਰਥਿਕ ਹਾਲਤ ਕਾਰਨ ਤਤਕਾਲੀ ਫੌਜ ਮੁਖੀ ਜਨਰਲ ਅਸ਼ਫਾਕ ਪਰਵੇਜ਼ ਕਿਆਨੀ ਨੇ ਇਸ ਪ੍ਰੋਜੈਕਟ ਨੂੰ ਰੋਕ ਦਿੱਤਾ ਸੀ। ਇਸ ਤੋਂ ਪਹਿਲਾਂ ਸਤੰਬਰ 2004 ਵਿੱਚ ਤਤਕਾਲੀ ਰਾਸ਼ਟਰਪਤੀ ਅਤੇ ਫੌਜ ਮੁਖੀ ਪਰਵੇਜ਼ ਮੁਸ਼ੱਰਫ ਨੇ ਇਸ ਪ੍ਰੋਜੈਕਟ ਦਾ ਨੀਂਹ ਪੱਥਰ ਰੱਖਿਆ ਸੀ। ਉਸਾਰੀ ਦਾ ਕੰਮ 2007 ਵਿੱਚ ਸ਼ੁਰੂ ਹੋਇਆ ਸੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਆਪਣੀ ਰਾਏ।