ਮਿਸਰ : ਸਵੇਜ਼ ਨਹਿਰ ''ਚ ਫਸੇ ਜਹਾਜ਼ ਨੂੰ ਕੱਢਿਆ ਗਿਆ
Monday, Jan 09, 2023 - 02:41 PM (IST)
ਕਾਹਿਰਾ (ਏ.ਪੀ.): ਸਵੇਜ਼ ਨਹਿਰ ਅਥਾਰਟੀ ਨੇ ਸੋਮਵਾਰ ਨੂੰ ਕਿਹਾ ਕਿ ਮਿਸਰ ਦੇ ਜਲ ਮਾਰਗਾਂ 'ਚ ਫਸੇ ਇਕ ਕਾਰਗੋ ਜਹਾਜ਼ ਨੂੰ ਬਾਹਰ ਕੱਢ ਲਿਆ ਗਿਆ ਹੈ। ਨਹਿਰ 'ਤੇ ਸੇਵਾਵਾਂ ਪ੍ਰਦਾਨ ਕਰਨ ਵਾਲੀ ਕੰਪਨੀ ਲੇਥ ਏਜੰਸੀਆਂ ਨੇ ਕਿਹਾ ਕਿ ਐਮਵੀ ਗਲੋਰੀ ਨਾਮ ਦਾ ਜਹਾਜ਼ ਇਸਮਾਈਲੀਆ ਦੇ ਸਵੇਜ਼ ਨਹਿਰ ਸੂਬੇ ਦੇ ਕਾਂਤਾਰਾ ਸ਼ਹਿਰ ਨੇੜੇ ਫਸ ਗਿਆ ਸੀ। ਕੰਪਨੀ ਨੇ ਕਿਹਾ ਕਿ ਜਹਾਜ਼ ਨੂੰ ਹਟਾਉਣ ਲਈ ਤਿੰਨ 'ਕੈਨਲ ਟੱਗਬੋਟਸ' (ਬਚਾਅ ਕਿਸ਼ਤੀਆਂ) ਨੂੰ ਸੇਵਾ ਵਿੱਚ ਲਗਾਇਆ ਗਿਆ।
ਪੜ੍ਹੋ ਇਹ ਅਹਿਮ ਖ਼ਬਰ-ਟਿਊਨੀਸ਼ੀਆ ਨੇ ਗੈਰ ਕਾਨੂੰਨੀ ਢੰਗ ਨਾਲ ਇਟਲੀ ਜਾ ਰਹੇ 305 ਪ੍ਰਵਾਸੀਆਂ ਨੂੰ ਬਚਾਇਆ
ਅਧਿਕਾਰੀਆਂ ਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਸੀ ਕਿ ਜਹਾਜ਼ ਕਿਸ ਕਾਰਨ ਫਸਿਆ। ਉੱਤਰੀ ਸੂਬਿਆਂ ਸਮੇਤ ਮਿਸਰ ਦੇ ਕੁਝ ਹਿੱਸਿਆਂ ਵਿੱਚ ਐਤਵਾਰ ਨੂੰ ਮੌਸਮ ਖ਼ਰਾਬ ਰਿਹਾ। ਨਹਿਰੀ ਸੇਵਾਵਾਂ ਦੇਣ ਵਾਲੀ ਕੰਪਨੀ ਨੇ ਸੋਮਵਾਰ ਨੂੰ ਦੱਸਿਆ ਕਿ ਮਿਸਰ ਦੀ ਸਵੇਜ਼ ਨਹਿਰ 'ਚ ਇਕ ਕਾਰਗੋ ਜਹਾਜ਼ ਫਸ ਗਿਆ ਸੀ। ਫੌਰੀ ਤੌਰ 'ਤੇ ਇਹ ਸਪੱਸ਼ਟ ਨਹੀਂ ਹੋ ਸਕਿਆ ਹੈ ਕਿ ਜਹਾਜ਼ ਦੇ ਫਸਣ ਕਾਰਨ ਨਹਿਰ ਦੀ ਆਵਾਜਾਈ ਪ੍ਰਭਾਵਿਤ ਹੋਈ ਹੈ ਜਾਂ ਨਹੀਂ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।
