'ਡਰ ਕੇ ਆਗੇ ਜੀਤ ਹੈ', ਸਾਈਕਲਿਸਟ ਨੇ ਕੀਤੇ ਅਨੋਖੇ ਸਟੰਟ (ਵੀਡੀਓ)

ਦੁਬਈ (ਬਿਊਰੋ)— ਦੁਨੀਆ ਵਿਚ ਆਪਣੇ ਡਰ ਨੂੰ ਖਤਮ ਕਰਨ ਦੀ ਹਿੰਮਤ ਬਹੁਤ ਘੱਟ ਲੋਕ ਹੀ ਦਿਖਾ ਪਾਉਂਦੇ ਹਨ। 'ਡਰ ਕੇ ਆਗੇ ਜੀਤ ਹੈ' ਦੀ ਕਹਾਵਤ ਨੂੰ ਸੱਚ ਕਰਦਿਆਂ 26 ਸਾਲਾ ਸ਼ਖਸ ਨੇ ਅਨੋਖੇ ਸਟੰਟ ਕੀਤੇ।

ਦੁਬਈ ਵਿਚ 26 ਸਾਲ ਦੇ ਇਕ ਸਾਈਕਲਿਸਟ ਨੇ 700 ਫੁੱਟ ਉੱਚੀ ਇਮਾਰਤ ਤੋਂ ਛਾਲ ਮਾਰ ਕੇ ਅਨੋਖੇ ਸਟੰਟ ਕੀਤੇ। ਸਕਾਟਲੈਂਡ ਦੇ ਇਸ ਸਾਈਕਲਿਸਟ ਦਾ ਨਾਮ ਕ੍ਰਿਸ ਕਾਇਲ ਹੈ। ਛਾਲ ਮਾਰਨ ਦੇ ਬਾਅਦ ਕ੍ਰਿਸ ਨੇ ਪੂਰੇ ਦੁਬਈ ਨੂੰ ਬੀ.ਐੱਮ.ਐਕਸ. ਪਲੇਅਗ੍ਰਾਊਂਡ ਬਣਾ ਦਿੱਤਾ ਅਤੇ ਪੂਰੇ ਸ਼ਹਿਰ ਦਾ ਚੱਕਰ ਲਗਾਇਆ। 

ਹੈਲੀਕਾਪਟਰ ਜ਼ਰੀਏ ਕ੍ਰਿਸ ਨੇ ਬੁਰਜ ਖਲੀਫਾ ਦੇ ਉੱਪਰ ਬਣੇ ਹੈਲੀਪੈਡ 'ਤੇ ਛਾਲ ਮਾਰੀ ਅਤੇ ਉੱਥੇ ਬਣੇ ਲੱਕੜ ਦੇ ਰੈਂਪ ਜ਼ਰੀਏ ਉਹ ਹੇਠਾਂ ਆ ਗਏ। ਇਸ ਸਮਾਚਾਰ ਏਜੰਸੀ ਨਾਲ ਗੱਲਬਾਤ ਵਿਚ ਕ੍ਰਿਸ ਨੇ ਦੱਸਿਆ,'' ਮੈਨੂੰ ਉੱਚਾਈ ਤੋਂ ਡਰ ਲੱਗਦਾ ਹੈ। ਇਸੇ ਡਰ ਨੂੰ ਖਤਮ ਕਰਨ ਲਈ ਮੈਂ ਇਸ ਸਟੰਟ ਨੂੰ ਕੀਤਾ।''

ਕ੍ਰਿਸ ਨੇ ਦੱਸਿਆ ਕਿ ਹੈਲੀਕਾਪਟਰ ਤੋਂ ਛਾਲ ਮਾਰਨ ਤੋਂ ਪਹਿਲਾਂ ਉਹ ਖੁਦ ਨਾਲ ਗੱਲ ਕਰ ਰਹੇ ਸਨ ਅਤੇ ਬਾਰ-ਬਾਰ ਦੁਹਰਾ ਰਹੇ ਸਨ ਕਿ ਮੈਂ ਇਹ ਕਰਨ ਜਾ ਰਿਹਾ ਹਾਂ ਅਤੇ ਅਜਿਹਾ ਮੈਂ ਬਿਲਕੁੱਲ ਕਰਾਂਗਾ। ਕ੍ਰਿਸ ਦੇ ਇਸ ਸਟੰਟ ਨੂੰ ਮੁਸ਼ਕਲ ਸਟੰਟਾਂ ਵਿਚੋਂ ਇਕ ਮੰਨਿਆ ਜਾ ਰਿਹਾ ਹੈ।