ਕੈਥੋਲਿਕਾਂ ਨੇ ਪੁਰਾਣੇ ਯੇਰੂਸ਼ਲਮ ਚਰਚ ''ਚ ਮਨਾਇਆ ਈਸਟਰ

ਯੇਰੂਸ਼ਲਮ (ਭਾਸ਼ਾ)— ਇਕ ਸਮਾਚਾਰ ਏਜੰਸੀ ਦੀ ਖਬਰ ਮੁਤਾਬਕ ਸੈਂਕੜੇ ਈਸਾਈ ਪੁਰਾਣੇ ਯੇਰੂਸ਼ਲਮ ਦੇ ਚਰਚ ਆਫ ਹੋਲੀ ਸੈਪਲਕਰ ਪਹੁੰਚ ਕੇ ਈਸਟਰ ਮਨਾ ਰਹੇ ਹਨ। ਮੰਨਿਆ ਜਾਂਦਾ ਹੈ ਕਿ ਇਸੇ ਸਥਾਨ 'ਤੇ ਪ੍ਰਭੂ ਯੀਸ਼ੂ ਨੂੰ ਸੂਲੀ 'ਤੇ ਚੜ੍ਹਾ ਦਿੱਤਾ ਗਿਆ ਸੀ ਅਤੇ ਦਫਨਾ ਦਿੱਤਾ ਗਿਆ ਸੀ ਪਰ ਉਹ ਦੁਬਾਰਾ ਜਿਉਂਦੇ ਹੋ ਗਏ ਸਨ। ਸ਼ਰਧਾਲੂਆਂ ਨੇ ਯੇਰੂਸ਼ਲਮ ਦੇ ਓਲਡ ਸਿਟੀ ਦੇ ਇਸ ਚਰਚ ਵਿਚ ਐਤਵਾਰ ਨੂੰ ਪ੍ਰਾਰਥਨਾ ਸਭਾ ਵਿਚ ਹਿੱਸਾ ਲਿਆ। ਉਹ ਉਸ ਸਮਾਧੀ ਦੇ ਕਰੀਬ ਪਹੁੰਚੇ, ਜਿਸ ਦੇ ਬਾਰੇ ਵਿਚ ਕਹਿਣਾ ਹੈ ਕਿ ਇਹ ਯੀਸ਼ੂ ਦੀ ਸਮਾਧੀ ਹੈ। ਬੀਤੇ ਸਾਲ ਹੀ ਇਤਿਹਾਸਿਕ ਯੂਨਾਨ ਬਹਾਲੀ ਦਾ ਕੰਮ ਪੂਰਾ ਕੀਤਾ ਗਿਆ ਸੀ, ਜਿਸ ਦਾ ਉਦੇਸ਼ ਸਾਲਾਂ ਤੋਂ ਪਾਣੀ ਅਤੇ ਨਮੀ ਦੀ ਮਾਰ ਦੇ ਪ੍ਰਭਾਵਾਂ ਨੂੰ ਪਲਟਨਾ ਸੀ। ਇਸ ਚਰਚ ਦੇ ਕੇਂਦਰ ਵਿਚ ਸੰਗਰਮਰਮਰ ਦੀ ਬਣਤਰ ਹੈ।