ਬ੍ਰਿਟੇਨ ਨੇ ਚੀਨ ''ਤੇ ਮਨੁੱਖੀ ਅਧਿਕਾਰਾਂ ਦੇ ਵਿਆਪਕ ਘਾਣ ਦਾ ਲਗਾਇਆ ਦੋਸ਼

7/20/2020 2:07:32 AM

ਲੰਡਨ(ਭਾਸ਼ਾ)- ਬ੍ਰਿਟੇਨ ਦੇ ਵਿਦੇਸ਼ ਮੰਤਰੀ ਡੋਮਿਨਿਕ ਰਾਬ ਨੇ ਐਤਵਾਰ ਨੂੰ ਚੀਨ ‘ਤੇ ਦੋਸ਼ ਲਗਾਇਆ ਕਿ ਉਹ ਉਈਗਰ ਆਬਾਦੀ ਵਿਰੁੱਧ ਮਨੁੱਖੀ ਅਧਿਕਾਰਾਂ ਦਾ ਘਾਣ ਕਰ ਰਿਹਾ ਹੈ। ਉਸਨੇ ਇਹ ਵੀ ਕਿਹਾ ਕਿ ਇਸ ਦੇ ਲਈ ਜ਼ਿੰਮੇਵਾਰ ਵਿਅਕਤੀਆਂ ਖਿਲਾਫ ਲਗਾਈਆਂ ਗਈਆਂ ਪਾਬੰਦੀਆਂ ਤੋਂ ਇਨਕਾਰ ਨਹੀਂ ਕੀਤਾ ਜਾ ਸਕਦਾ। 

ਉਸ ਨੇ ਬੀਬੀਸੀ ਨੂੰ ਦੱਸਿਆ ਕਿ ਮੁਸਲਿਮ ਸਮੂਹ ਦੇ ਵਿਆਪਕ ਸ਼ੋਸ਼ਣ ਤੇ ਜਬਰਦਸਤੀ ਨਸਲੀਕਰਨ ਦੀਆਂ ਰਿਪੋਰਟਾਂ ਨੇ ਉਨ੍ਹਾਂ ਨੂੰ ਉਨ੍ਹਾਂ ਚੀਜ਼ਾਂ ਦੀ ਯਾਦ ਦਿਵਾ ਦਿੱਤੀ ਜੋ ਲੰਬੇ ਸਮੇਂ ਤੋਂ ਨਹੀਂ ਵੇਖੀਆਂ ਗਈਆਂ ਸਨ। ਉਨ੍ਹਾਂ ਕਿਹਾ ਕਿ ਬ੍ਰਿਟੇਨ ਢੁੱਕਵੀਂ ਕਾਰਵਾਈ ਕਰਨ ਲਈ ਆਪਣੇ ਭਾਈਵਾਲਾਂ ਨਾਲ ਮਿਲ ਕੇ ਕੰਮ ਕਰੇਗਾ। ਉਹ ਸੋਮਵਾਰ ਨੂੰ ਸੰਸਦ ਵਿਚ ਇਸ ਬਾਰੇ ਯੂਕੇ ਦੇ ਜਵਾਬ ਬਾਰੇ ਬਿਆਨ ਦੇਣ ਵਾਲਾ ਹੈ। ਇਸ ਦੌਰਾਨ, ਅਟਕਲਾਂ ਹਨ ਕਿ ਬ੍ਰਿਟੇਨ ਆਪਣੀ ਸਾਬਕਾ ਕਲੋਨੀ ਹਾਂਗਕਾਂਗ ਨਾਲ ਮੌਜੂਦਾ ਹਵਾਲਗੀ ਸੰਧੀ ਨੂੰ ਰੱਦ ਕਰ ਦੇਵੇਗਾ। ਉਨ੍ਹਾਂ ਕਿਹਾ ਕਿ ਅਸੀਂ ਚੀਨ ਨਾਲ ਸਕਾਰਾਤਮਕ ਸੰਬੰਧ ਚਾਹੁੰਦੇ ਹਾਂ ਪਰ ਅਸੀਂ ਇਸ ਕਿਸਮ ਦਾ ਵਿਵਹਾਰ ਨਹੀਂ ਵੇਖ ਸਕਦੇ। ਇਸ ਦੌਰਾਨ ਬ੍ਰਿਟੇਨ ਵਿਚ ਚੀਨੀ ਰਾਜਦੂਤ ਲਿਯੂ ਜਿਆਮਿੰਗ ਨੇ ਕਿਹਾ ਕਿ ਸ਼ੋਸ਼ਣ ਕੈਂਪਾਂ ਦੀ ਗੱਲ ‘ਗਲਤ’ ਹੈ। ਉਸ ਨੇ ਬੀਬੀਸੀ ਨੂੰ ਦੱਸਿਆ ਕਿ ਉਈਗਰ ਨੂੰ ਵੀ ਦੇਸ਼ ਦੇ ਹੋਰ ਨਸਲੀ ਸਮੂਹਾਂ ਦੇ ਸਮਾਨ ਅਧਿਕਾਰ ਹਨ।


Baljit Singh

Content Editor Baljit Singh