US : ਭਾਰਤੀ ਮੂਲ ਦਾ ਡਾਕਟਰ ਗੈਰ ਕਾਨੂੰਨੀ ਦਵਾਈਆਂ ਲਿਖਣ ਦੇ ਦੋਸ਼ ਹੇਠ ਗ੍ਰਿਫਤਾਰ
01/10/2020 11:11:03 AM
ਵਰਜੀਨੀਆ/ਅਮਰੀਕਾ (ਰਾਜ ਗੋਗਨਾ): ਬੀਤੇ ਦਿਨ ਫੇਅਰਫੈਕਸ ਕਾਉਂਟੀ ਦੇ ਸੂਬੇ ਵਰਜੀਨੀਆ ਵਿਚ ਫੈਡਰਲ ਏਜੰਟਾਂ ਦੀ ਪੜਤਾਲ ਤੋਂ ਬਾਅਦ ਭਾਰਤੀ ਮੂਲ ਦਾ ਇਕ ਡਾਕਟਰ ਸਲਾਖਾਂ ਦੇ ਪਿੱਛੇ ਹੈ, ਜੋ ਗ਼ੈਰ-ਕਾਨੂੰਨੀ ਦਵਾਈਆਂ ਲਿਖ ਕੇ ਖ਼ੂਬ ਡਾਲਰ ਬਣਾ ਰਿਹਾ ਸੀ। ਉਹਨਾਂ ਕਾਰਨਾਂ ਕਰਕੇ ਜੋ ਇਸ ਦੀ ਵਰਤੋਂ ਕਾਨੂੰਨ ਤੋਂ ਬਾਹਰ ਸੀ।ਵਰਜੀਨੀਆ ਦੇ ੳਕਟਨ ਸ਼ਹਿਰ ਦੇ ਇਕ 48 ਸਾਲਾ ਭਾਰਤੀ ਡਾ: ਗੁਰਪ੍ਰੀਤ ਸਿੰਘ ਬਾਜਵਾ, ਜਿਸ ਦਾ ਫੇਅਰਫੈਕਸ ਸ਼ਹਿਰ ਵਿੱਚ ਕਲੀਨਿਕ ਹੈ, ਪੂਰਬੀ ਜ਼ਿਲਾ ਵਰਜੀਨੀਆ ਦੇ ਯੂ.ਐਸ.ਏ ਦੇ ਅਟਾਰਨੀ ਦੇ ਮੁਤਾਬਕ, ਉਸ ਨੂੰ ਜਨਵਰੀ ਮਹੀਨੇ ਦੇ ਸੰਨ 2017 ਤੋਂ ਸਤੰਬਰ 2018 ਦੇ ਦਰਮਿਆਨ 15,000 ਵਾਰ ਐਡਡੇਲਰ ਨਾਂ ਦੀ ਇਕ ਦਵਾਈ ਦੀ ਨਜਾਇਜ਼ ਵੰਡ ਦਾ ਦੋਸ਼ੀ ਪਾਇਆ ਗਿਆ ਹੈ।
ਉਸ ਨੇ ਇੱਕ ਮਹੀਨੇ ਦੇ ਵਿੱਚ 700 ਤੋਂ ਵੀ ਵੱਧ ਵਾਰ ਇਸ ਦਵਾਈ ਨੂੰ ਲਿਖ ਕੇ ਦਿੱਤਾ। ਉਹ ਵੀ ਸਿਰਫ ਇਕੋ ਹੀ ਮਰੀਜ਼ ਨੂੰ, ਜੋ ਕਿ ਗ਼ੈਰ- ਕਾਨੂੰਨੀ ਹੈ। ਸਥਾਨਕ ਅਦਾਲਤ ਦੇ ਦਸਤਾਵੇਜ਼ਾਂ ਮੁਤਾਬਕ ਕੁਝ ਇਥੋਂ ਦੀਆਂ ਸਥਾਨਕ ਫਾਰਮੇਸੀਆਂ ਉਸ ਤੋਂ ਪਹਿਲਾਂ ਦਿੱਤੀਆਂ ਦਵਾਈਆਂ ਨੂੰ ਦੇਣ ਤੋ ਵੀ ਇਨਕਾਰ ਕਰਦੀਆਂ ਸਨ ਪਰ ਇਹ ਦੁਬਾਰਾ ਆਪਣੀ ਪਰਚੀ 'ਤੇ ਭਰਨ ਨੂੰ ਮਜਬੂਰ ਕਰਦਾ ਸੀ।ਜਦ ਕਿ ਫਾਰਮੇਸੀ ਦੇ ਦਵਾਈ ਵਿਕਰੇਤਾ ਉਸ ਨੂੰ ਨਹੀਂ ਭਰਨ ਨੂੰ ਕਹਿੰਦੇ ਸੀ।ਡਾਕਟਰ ਬਾਜਵਾ ਨੂੰ ਫੈਡਰਲ ਏਜੰਟਾਂ ਦੀ ਇੱਕ ਟੀਮ ਨੇ ਐਡਡੇਲਰ ਤਜਵੀਜ਼ ਕਰਨ ਤੋਂ ਬਾਅਦ ਗ੍ਰਿਫਤਾਰ ਕਰ ਲਿਆ, ਜਿਸ ਵਿੱਚ ਉਸ ਨੇ ਕਿਹਾ ਸੀ ਕਿ ਉਸ ਨੂੰ ਅਦਾਇਗੀ ਤੰਦਰੁਸਤੀ ਦੇ ਮਾਡਲ ਦੇ ਰੂਪ ਵਿੱਚ ਵਾਪਸ ਲਿਆਉਣ ਵਿੱਚ ਉਸ ਦੀ ਮਦਦ ਕਰਨ ਦੀ ਜ਼ਰੂਰਤ ਹੈ, ਜੋ ਕਿ ਐਡਰੇਲ ਦੀ ਵਰਤੋਂ ਤੋਂ ਬਾਹਰ ਹੈ।
ਐਫ.ਬੀ.ਆਈ. ਦਾ ਕਹਿਣਾ ਹੈ ਕਿ ਇਕ ਹੋਰ ਏਜੰਟ ਨੇ ਦੋ ਮਹੀਨਿਆਂ ਤੋਂ ਵੀ ਘੱਟ ਸਮੇਂ ਵਿਚ ਚਾਰ ਵਾਰ ਐਡਡੇਲਰ ਦੀ 30 ਦਿਨਾਂ ਦੀ ਸਪਲਾਈ ਖਰੀਦੀ ਸੀ। ਜੋ ਉਸ ਦੇ ਕਲੀਨਿਕ ਵਿੱਚ ਪੇਸ਼ ਹੋਣ ਤੋਂ ਬਾਅਦ ਅਤੇ ਬਿਨਾਂ ਮੁਲਾਕਾਤ ਤੋਂ ਬਿਨਾਂ ਉਸ ਵਲੋਂ ਨਗਦ ਅਦਾ ਕੀਤੀ ਗਈ ਸੀ।ਅਦਾਲਤ ਦੇ ਦਸਤਾਵੇਜ਼ਾਂ ਵਿੱਚ ਦਲੀਲ ਦਿੱਤੀ ਗਈ ਹੈ ਕਿ ਬਾਜਵਾ ਮਹੀਨੇ ਵਿੱਚ ਇੱਕ ਤੋਂ ਵੱਧ ਵਾਰ ਮਰੀਜ਼ਾਂ ਨੂੰ ਐਡਰੇਲ ਦੀ ਮਾਸਿਕ ਸਪਲਾਈ ਲਿਖਦਾ ਰਿਹਾ। ਕਈ ਵਾਰ ਅਮਰੀਕਾ ਦੇ ਦੂਜੇ ਸੂਬੇ ਫਲੋਰੀਡਾ ਤੋਂ ਬਹੁਤ ਦੂਰ ਦੂਰ ਤੋਂ ਐਡਰੇਲਰ ਦੇ ਨਾਲ-ਨਾਲ ਹੋਰ ਵੀ ਦਵਾਈਆਂ ਦੇ ਨੁਸਖੇ ਪ੍ਰਾਪਤ ਕਰਨ ਲਈ ਇਸ ਕੋਲ ਆਉਂਦੇ ਸਨ। ਸਾਲ 2012 ਵਿਚ ਵਰਜੀਨੀਆ ਦੇ ਸਿਹਤ ਪੇਸ਼ਿਆਂ ਦੇ ਵਿਭਾਗ ਨੇ ਡਾਕਟਰ ਬਾਜਵਾ ਦੇ ਲਾਈਸੈਂਸ ਨੂੰ ਦੋ ਮਹੀਨਿਆਂ ਲਈ ਵੀ ਮੁਅੱਤਲ ਕਰ ਦਿੱਤਾ ਸੀ ,ਕਿਉਂਕਿ ਉਸਦੀ ਤਜਵੀਜ਼ ਲਿਖਣ ਦੀ ਆਦਤ ਸੀ।
ਜਦੋਂ ਐਫ.ਬੀ.ਆਈ. ਨੇ ਉਸ ਦੀ ਜਾਂਚ ਸਾਲ 2018 ਵਿੱਚ ਕਰਨੀ ਸ਼ੁਰੂ ਕੀਤੀ ਸੀ, ਬਾਜਵਾ ਸਬੰਧੀ ਕਈ ਹੋਰ ਵੀ ਵਿਭਾਗ ਨੂੰ ਸ਼ਿਕਾਇਤਾਂ ਮਿਲਣ ਤੋਂ ਬਾਅਦ ਇੱਕ ਹੋਰ ਜਾਂਚ ਦੇ ਵਿਚਕਾਰ ਸੀ, ਜਿਸ ਵਿੱਚ ਉਸ ਦੇ ਇੱਕ ਸਾਬਕਾ ਮਰੀਜ਼ ਦੀ ਮਾਂ ਵੀ ਸ਼ਾਮਲ ਸੀ, ਜੋ ਨਜਾਇਜ਼ ਅਤੇ ਨੁਸਖ਼ੇ ਵਾਲੀਆਂ ਦਵਾਈਆਂ ਨਾਲ ਜੁੜੇ ਇੱਕ ਨਸ਼ੇ ਦੀ ੳਵਰਡੋਜ਼ ਨਾਲ ਮਰ ਗਈ ਸੀ।ਸਥਾਨਕ ਸੰਘੀ ਅਦਾਲਤ ਵਿੱਚ ਦਾਇਰ ਕੀਤੇ ਗਏ ਇੱਕ ਹਲਫਨਾਮੇ ਵਿੱਚ, ਐਫ.ਬੀ.ਆਈ. ਨੇ ਕਿਹਾ ਕਿ ਉਸ ਸਮੇਂ ਖਿੱਤੇ ਵਿੱਚ ਚਾਰ ਵੱਖ-ਵੱਖ ਕਾਨੂੰਨ ਲਾਗੂ ਕਰਨ ਵਾਲੀਆਂ ਏਜੰਸੀਆਂ ਸਨ ਜੋ ਬਾਜਵਾ ਤੋਂ ਸਥਾਨਕ ਨਸ਼ਾ ਤਸਕਰੀ ਦੇ ਨੈਟਵਰਕ ਅਤੇ ਮਰੀਜ਼ਾਂ ਦੇ ੳਵਰਡੋਜ਼ ਨਾਲ ਜੁੜੇ ਨੁਸਖ਼ਿਆਂ ਬਾਰੇ ਪੜਤਾਲ ਕਰ ਰਹੀਆਂ ਸਨ।
ਡਾਕਟਰ ਬਾਜਵਾ ਦੀ ਪਤਨੀ ਇਕ ਡੈਂਟਲ ਡਾਕਟਰ ਦੀ ਪ੍ਰੈਕਟਿਸ ਕਰਦੇ ਹਨ । ਉਹਨਾਂ ਕੁਝ ਵੀ ਕਹਿਣ ਤੋ ਸਾਫ਼ ਇਨਕਾਰ ਕੀਤਾ ਹੈ।ਸਾਊਥ ਏਸ਼ੀਅਨ ਕਮਿਊਨਟੀ ਵਿੱਚ ਕਾਫ਼ੀ ਰੋਸ ਹੈ ਕਿ ਡਾਲਰ ਦੇ ਲਾਲਚ ਵਿੱਚ ਸਾਡੇ ਨਾਮਵਰ ਪੇਸ਼ੇ ਵਾਲੇ ਲੋਕ ਕਾਨੂੰਨ ਨੂੰ ਛਿੱਕੇ ਟੰਗ ਦਿੱਤੇ ਹਨ। ਜਿਸ ਕਰਕੇ ਅਮਰੀਕਨ ਸਾਨੂੰ ਬੁਰੀ ਨਜ਼ਰ ਨਾਲ ਵੇਖਦੇ ਹਨ। ਇਸ ਲਈ ਹਰ ਕਾਰੋਬਾਰੀ ਨੂੰ ਅਮਰੀਕਾ ਵਿੱਚ ਕਾਨੂੰਨ ਦੇ ਦਾਇਰੇ ਵਿੱਚ ਰਹਿ ਕੇ ਵਿਚਰਨਾ ਚਾਹੀਦਾ ਹੈ। ਕਿਉਂਕਿ ਅਮਰੀਕਾ ਦਾ ਕਾਨੂੰਨ ਪੂਰੀ ਛਾਣਬੀਣ ਤੋਂ ਬਾਅਦ ਹੀ ਫੜਦਾ ਹੈ। ਜਿਸ ਸੰਬੰਧੀ ਦਲੀਲ ਦੇਣਾ ਵੀ ਨਾਂ- ਮੁਮਕਿਨ ਹੋ ਜਾਂਦਾ ਹੈ। ਸੋ ਸਾਨੂੰ ਕਾਨੂੰਨ ਨੂੰ ਮੋਹਰੇ ਰੱਖ ਕੇ ਵਿਚਰਨ ਨੂੰ ਤਰਜੀਹ ਦੇਣੀ ਚਾਹੀਦੀ ਹੈ।
