ਵਾਹ! ਕਾਫੀ ਪੀਣ ਨਾਲ ਵੀ ਵੱਧਦੀ ਹੈ ਉਮਰ? ਸਰੀਰ ਨੂੰ ਹੁੰਦੇ ਹਨ ਬੇਮਿਸਾਲ ਲਾਭ

ਹੈਲਥ ਡੈਸਕ - ਜੇਕਰ ਤੁਸੀਂ ਦਿਨ ਦੀ ਸ਼ੁਰੂਆਤ ਕਾਫੀ ਪੀਣ ਨਾਲ ਕਰਦੇ ਹੋ ਤਾਂ ਤੁਹਾਨੂੰ ਇਹ ਜਾਣ ਕੇ ਖੁਸ਼ੀ ਹੋਵੇਗੀ ਕਿ ਕਾਫੀ ਜੋ ਤੁਹਾਨੂੰ ਤਾਜ਼ਗੀ ਦਿੰਦੀ ਹੈ, ਤੁਹਾਡੀ ਉਮਰ ਵਧਾਉਣ 'ਚ ਵੀ ਮਦਦ ਕਰਦੀ ਹੈ। ਕਾਫੀ ਪੀਣ ਵਾਲਿਆਂ ਦੀ ਉਮਰ 2 ਸਾਲ ਤੱਕ ਵੱਧ ਸਕਦੀ ਹੈ। ਜਾਣੋ ਕਿਵੇਂ :-

ਪੜ੍ਹੋ ਇਹ ਵੀ ਖਬਰ - ਕੰਪਿਊਟਰ ਦੀ ਰਫਤਾਰ ਨਾਲ ਦੌੜੇਗਾ ਦਿਮਾਗ, ਬਸ ਅਪਣਾ ਲਓ ਇਹ ਤਰੀਕਾ

ਲੱਖਾਂ ਲੋਕ ਆਪਣੇ ਦਿਨ ਦੀ ਸ਼ੁਰੂਆਤ ਕਾਫੀ ਨਾਲ ਕਰਦੇ ਹਨ। ਜੇਕਰ ਤੁਸੀਂ ਸਵੇਰੇ 1 ਕੱਪ ਮਜ਼ਬੂਤ ​​ਕਾਫੀ ਪੀਂਦੇ ਹੋ ਤਾਂ ਤੁਹਾਡਾ ਸਰੀਰ ਪੂਰੀ ਤਰ੍ਹਾਂ ਤਰੋਤਾਜ਼ਾ ਹੋ ਜਾਂਦਾ ਹੈ। ਸਰੀਰ ਵਿਚ ਤਾਜ਼ਗੀ ਲਿਆਉਣ ਲਈ ਕਾਫੀ ਇਕ ਵਧੀਆ ਡਰਿੰਕ ਹੈ। ਕਾਫੀ ਦਾ ਕੱਪ ਸਰੀਰ ਵਿਚ ਤਾਜ਼ਗੀ ਲਿਆਉਂਦਾ ਹੈ। ਕੁਝ ਲੋਕ ਦਿਨ ਵਿਚ ਕਈ ਵਾਰ ਕਾਫੀ ਪੀਂਦੇ ਹਨ। ਜੇਕਰ ਤੁਸੀਂ ਵੀ ਕਾਫੀ ਦੇ ਸ਼ੌਕੀਨ ਹੋ ਤਾਂ ਜਾਣੋ ਕਿ ਕਾਫੀ ਨਾ ਸਿਰਫ ਸਵਾਦ ਨੂੰ ਵਧਾਉਂਦੀ ਹੈ ਸਗੋਂ ਉਮਰ ਵੀ ਵਧਾਉਂਦੀ ਹੈ। ਜੀ ਹਾਂ, ਇਕ ਨਵੀਂ ਖੋਜ ਵਿਚ ਸਾਹਮਣੇ ਆਇਆ ਹੈ ਕਿ ਕਾਫੀ ਪੀਣ ਵਾਲਿਆਂ ਦੀ ਉਮਰ ਆਮ ਲੋਕਾਂ ਨਾਲੋਂ 2 ਸਾਲ ਵੱਧ ਹੋ ਸਕਦੀ ਹੈ। ਇਕ ਰਿਸਰਚ ਵਿਚ ਪ੍ਰਕਾਸ਼ਿਤ ਇਕ ਰਿਪੋਰਟ ਵਿਚ ਪਾਇਆ ਗਿਆ ਹੈ ਕਿ ਕਾਫੀ ਪੀਣਾ ਸਰੀਰ ਲਈ ਫਾਇਦੇਮੰਦ ਹੁੰਦਾ ਹੈ।

ਪੜ੍ਹੋ ਇਹ ਵੀ ਖਬਰ -ਕੀ ਤੁਹਾਨੂੰ ਵੀ ਲੱਗਦੀ ਐ ਜ਼ਿਆਦਾ ਠੰਡ? ਪੇਸ਼ ਆ ਸਕਦੀਆਂ ਨੇ ਇਹ ਮੁਸ਼ਕਿਲਾਂ

ਇਸ ਖੋਜ 'ਚ ਕਾਫੀ 'ਚ ਪਾਏ ਜਾਣ ਵਾਲੇ 2,000 ਤੋਂ ਜ਼ਿਆਦਾ ਬਾਇਓਐਕਟਿਵ ਕੰਪਾਊਂਡਸ ਦੇ ਗੁਣਾਂ ਦਾ ਖੁਲਾਸਾ ਹੋਇਆ ਹੈ, ਜੋ ਸਿਹਤ ਲਈ ਫਾਇਦੇਮੰਦ ਹਨ। ਖੋਜ ਵਿਚ ਕਿਹਾ ਗਿਆ ਹੈ ਕਿ ਕਾਫੀ ਪੀਣ ਨਾਲ ਦਿਲ ਦੀਆਂ ਬਿਮਾਰੀਆਂ ਅਤੇ ਕਈ ਪੁਰਾਣੀਆਂ ਬਿਮਾਰੀਆਂ ਦਾ ਖ਼ਤਰਾ ਵੀ ਘੱਟ ਜਾਂਦਾ ਹੈ। ਇਸ ਖੋਜ ਵਿਚ ਸ਼ਾਮਲ ਲੇਖਕ ਦਾ ਕਹਿਣਾ ਹੈ ਕਿ ਦੁਨੀਆ ਦੀ ਆਬਾਦੀ ਤੇਜ਼ੀ ਨਾਲ ਬੁੱਢੀ ਹੋ ਰਹੀ ਹੈ। ਇਸ ਲਈ ਜ਼ਰੂਰੀ ਹੈ ਕਿ ਖੁਰਾਕ 'ਚ ਬਦਲਾਅ ਕੀਤਾ ਜਾਵੇ ਅਤੇ ਅਜਿਹੀਆਂ ਚੀਜ਼ਾਂ ਨੂੰ ਸ਼ਾਮਲ ਕੀਤਾ ਜਾਵੇ ਜੋ ਲੰਬੀ ਜ਼ਿੰਦਗੀ ਜਿਊਣ 'ਚ ਮਦਦਗਾਰ ਹੋਣ।

ਪੁਰਾਣੀਆਂ ਬਿਮਾਰੀਆਂ ਨੂੰ ਖਤਮ ਕਰਦੀ ਹੈ ਕਾਫੀ  

ਖੋਜ ਕਹਿੰਦੀ ਹੈ ਕਿ ਸਿਹਤਮੰਦ ਉਮਰ ਵਿਚ ਕਾਫੀ ਦੀ ਭੂਮਿਕਾ ਨੂੰ ਨਜ਼ਰਅੰਦਾਜ਼ ਕੀਤਾ ਗਿਆ ਹੈ ਪਰ ਕਾਫੀ ਪੀਣ ਨਾਲ ਕਈ ਪੁਰਾਣੀਆਂ ਬਿਮਾਰੀਆਂ ਨੂੰ ਦੂਰ ਕੀਤਾ ਜਾ ਸਕਦਾ ਹੈ। ਕਾਫੀ ਪੀਣ ਨਾਲ ਦਿਲ ਦੀਆਂ ਬਿਮਾਰੀਆਂ, ਬੁੱਧੀ ਅਤੇ ਤੰਤੂ ਸਬੰਧੀ ਸਮੱਸਿਆਵਾਂ ਅਤੇ ਕਈ ਹੋਰ ਪੁਰਾਣੀਆਂ ਬਿਮਾਰੀਆਂ ਦੇ ਜੋਖ਼ਮ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਕਾਫੀ ਇਕ ਸਿਹਤਮੰਦ ਜੀਵਨ ਜਿਊਣ ਵਿਚ ਮਦਦ ਕਰਦੀ ਹੈ।

ਪੜ੍ਹੋ ਇਹ ਵੀ ਖਬਰ - ਸ਼ਰਾਬ ਪੀਣ ਦੀ ਆਦਤ ਤੋਂ ਮਿਲੇਗਾ ਛਟਕਾਰਾ, ਬਸ ਕਰ ਲਓ ਇਹ ਕੰਮ

ਕੀ ਹਨ ਕਾਫੀ ਪੀਣ ਦੇ ਫਾਇਦੇ :-

ਕਾਫੀ ਵਿਚ 2,000 ਤੋਂ ਵੱਧ ਸੰਭਾਵੀ ਬਾਇਓਐਕਟਿਵ ਮਿਸ਼ਰਣ ਹੁੰਦੇ ਹਨ, ਜਿਨ੍ਹਾਂ ਵਿਚ ਐਂਟੀਆਕਸੀਡੈਂਟ ਅਤੇ ਐਂਟੀ-ਇਨਫਲੇਮੇਟਰੀ ਲਾਭ ਹੁੰਦੇ ਹਨ। ਇਹ ਨਿਊਰੋਇਨਫਲੇਮੇਸ਼ਨ ਨੂੰ ਘਟਾਉਂਦੇ ਹਨ ਅਤੇ ਇਨਸੁਲਿਨ ਸੰਵੇਦਨਸ਼ੀਲਤਾ ਨੂੰ ਕੰਟਰੋਲ ਕਰਦੇ ਹਨ। ਕਾਫੀ 'ਚ 'ਐਂਟੀ-ਏਜਿੰਗ' ਗੁਣ ਪਾਏ ਜਾਂਦੇ ਹਨ। ਕਾਫੀ ਪੀਣ ਨਾਲ ਲੀਵਰ ਨੂੰ ਸਿਹਤਮੰਦ ਰੱਖਣ 'ਚ ਮਦਦ ਮਿਲਦੀ ਹੈ। ਹਾਲਾਂਕਿ, ਬਹੁਤ ਜ਼ਿਆਦਾ ਕੌਫੀ ਪੀਣ ਨਾਲ ਵੀ ਨੁਕਸਾਨ ਹੋ ਸਕਦਾ ਹੈ। ਕਿਉਂਕਿ ਇਸ ਨਾਲ ਸਰੀਰ 'ਚ ਕੈਫੀਨ ਦੀ ਮਾਤਰਾ ਵਧ ਜਾਂਦੀ ਹੈ।

ਪੜ੍ਹੋ ਇਹ ਵੀ ਖਬਰ -  ਲਗਾਤਾਰ ਹੋ ਰਿਹਾ Cough ਅਤੇ Cold ਤਾਂ ਹੋ ਜਾਓ ਸਾਵਧਾਨ! ਹੋ ਸਕਦੀ ਹੈ ਗੰਭੀਰ ਸਮੱਸਿਆ

ਨੋਟ : ਦੱਸ ਦਈਏ ਕਿ ਉਪਰ ਦਿੱਤੇ ਗਏ ਤੱਥ ਆਮ ਜਾਣਕਾਰੀ ਉਤੇ ਆਧਾਰਿਤ ਹਨ। ਜਗਬਾਣੀ ਇਸ ਦੀ ਕੋਈ ਪੁਸ਼ਟੀ ਨਹੀਂ ਕਰਦਾ।  

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ