ਗੈਜੇਟ ਡੈਸਟ - ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਨੂੰ ਟੱਕਰ ਦੇਣ ਲਈ ਸਰਕਾਰੀ ਟੈਲੀਕਾਮ ਕੰਪਨੀ ਭਾਰਤ ਸੰਚਾਰ ਨਿਗਮ ਲਿਮਟਿਡ ਨੇ ਇਕ ਨਵਾਂ ਅਤੇ ਕਿਫਾਇਤੀ ਰੀਚਾਰਜ ਪਲਾਨ ਲਾਂਚ ਕੀਤਾ ਹੈ। ਕੰਪਨੀ ਵੱਲੋਂ ਪੇਸ਼ ਕੀਤਾ ਗਿਆ ਇਹ ਪਲਾਨ ਖਾਸ ਤੌਰ 'ਤੇ ਉਨ੍ਹਾਂ ਯੂਜ਼ਰਸ ਲਈ ਹੈ ਜੋ ਘੱਟ ਕੀਮਤ 'ਚ ਜ਼ਿਆਦਾ ਡੇਟਾ ਅਤੇ ਲੰਬੀ ਵੈਧਤਾ ਚਾਹੁੰਦੇ ਹਨ।

ਪਲਾਨ ਦੇ ਮੁੱਖ ਵੇਰਵੇ ਅਤੇ ਫਾਇਦੇ :-

ਕੀਮਤ ਅਤੇ ਵੈਲੀਡਿਟੀ 
- BSNL ਦਾ ਇਹ ਨਵਾਂ ਪ੍ਰੀਪੇਡ ਪਲਾਨ 599 ਰੁਪਏ ਦੀ ਕੀਮਤ 'ਚ ਆਉਂਦਾ ਹੈ ਅਤੇ ਇਸ ਦੀ ਵੈਲੀਡਿਟੀ 70 ਦਿਨਾਂ ਦੀ ਹੈ।

ਰੋਜ਼ਾਨਾ 3GB ਡੇਟਾ
- ਇਸ ਪਲਾਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਹ ਹੈ ਕਿ ਇਸ 'ਚ ਗਾਹਕਾਂ ਨੂੰ ਰੋਜ਼ਾਨਾ 3GB ਹਾਈ-ਸਪੀਡ ਡੇਟਾ ਮਿਲਦਾ ਹੈ। ਇਸ ਹਿਸਾਬ ਨਾਲ ਪੂਰੇ ਪਲਾਨ ਦੌਰਾਨ ਯੂਜ਼ਰਸ ਨੂੰ ਕੁੱਲ 210GB ਡੇਟਾ ਦਾ ਲਾਭ ਮਿਲੇਗਾ। ਜੇਕਰ ਰੋਜ਼ਾਨਾ ਡੇਟਾ ਦੀ ਲਿਮਟ ਖਤਮ ਹੋ ਜਾਂਦੀ ਹੈ, ਤਾਂ ਵੀ ਯੂਜ਼ਰਸ 40kbps ਦੀ ਸਪੀਡ 'ਤੇ ਅਨਲਿਮਟਿਡ ਡੇਟਾ ਦੀ ਵਰਤੋਂ ਕਰ ਸਕਦੇ ਹਨ।

ਅਨਲਿਮਟਿਡ ਕਾਲਿੰਗ
- ਗਾਹਕਾਂ ਨੂੰ ਪੂਰੇ ਭਾਰਤ 'ਚ ਅਨਲਿਮਟਿਡ ਕਾਲਿੰਗ ਅਤੇ ਮੁਫਤ ਨੈਸ਼ਨਲ ਰੋਮਿੰਗ ਦੀ ਸਹੂਲਤ ਦਿੱਤੀ ਗਈ ਹੈ।

SMS ਸਹੂਲਤ 
- ਇਸ ਪਲਾਨ 'ਚ ਰੋਜ਼ਾਨਾ 100 ਮੁਫਤ SMS ਵੀ ਸ਼ਾਮਲ ਹਨ।

ਮਨੋਰੰਜਨ ਦੇ ਸਾਧਨ
- ਯੂਜ਼ਰਸ ਨੂੰ ਇਸ ਪਲਾਨ ਦੇ ਨਾਲ BiTV ਦਾ ਐਕਸੈਸ ਵੀ ਮਿਲੇਗਾ, ਜਿਸ ਰਾਹੀਂ ਉਹ ਆਪਣੇ ਪਸੰਦੀਦਾ ਲਾਈਵ ਟੀਵੀ ਚੈਨਲ ਅਤੇ OTT ਪਲੇਟਫਾਰਮ ਦੇਖ ਸਕਦੇ ਹਨ।

ਪ੍ਰਾਈਵੇਟ ਕੰਪਨੀਆਂ ਨੂੰ ਮਿਲ ਰਹੀ ਹੈ ਚੁਣੌਤੀ :-

BSNL ਆਪਣੇ ਨੈੱਟਵਰਕ ਦੇ ਵਿਸਥਾਰ ਅਤੇ ਅਜਿਹੇ ਹਮਲਾਵਰ ਪਲਾਨਾਂ ਰਾਹੀਂ ਪ੍ਰਾਈਵੇਟ ਟੈਲੀਕਾਮ ਕੰਪਨੀਆਂ ਨੂੰ ਸਖ਼ਤ ਟੱਕਰ ਦੇ ਰਿਹਾ ਹੈ। ਇਹੀ ਕਾਰਨ ਹੈ ਕਿ ਪਿਛਲੇ ਕੁਝ ਮਹੀਨਿਆਂ 'ਚ ਲੱਖਾਂ ਨਵੇਂ ਯੂਜ਼ਰਸ BSNL ਦੇ ਨੈੱਟਵਰਕ ਨਾਲ ਜੁੜੇ ਹਨ। ਕੰਪਨੀ ਨੇ ਇਸ ਨਵੇਂ ਪਲਾਨ ਦੀ ਘੋਸ਼ਣਾ ਆਪਣੇ ਅਧਿਕਾਰਤ X (ਪਹਿਲਾਂ ਟਵਿੱਟਰ) ਹੈਂਡਲ ਰਾਹੀਂ ਕੀਤੀ ਹੈ।