ਗੈਜੇਟ ਡੈਸਕ - ਮੋਟੋਰੋਲਾ ਨੇ ਆਪਣੇ ਪ੍ਰੀਮੀਅਮ ਫਲਿੱਪ ਸਮਾਰਟਫੋਨ Motorola Razr 50 Ultra ਦੀ ਕੀਮਤ 'ਚ ਭਾਰੀ ਕਟੌਤੀ ਕਰ ਦਿੱਤੀ ਹੈ, ਜਿਸ ਨਾਲ ਇਹ ਹੁਣ ਤੱਕ ਦੀ ਸਭ ਤੋਂ ਘੱਟ ਕੀਮਤ 'ਤੇ ਉਪਲਬਧ ਹੈ। ਮਈ 2026 ਦੀਆਂ ਤਾਜ਼ਾ ਰਿਪੋਰਟਾਂ ਅਨੁਸਾਰ, ਇਹ ਫੋਨ ਆਪਣੀ ਲਾਂਚ ਕੀਮਤ ਤੋਂ ਲਗਭਗ 43,000 ਰੁਪਏ ਸਸਤਾ ਮਿਲ ਰਿਹਾ ਹੈ।

ਕੀਮਤ ਅਤੇ ਬੈਂਕ ਆਫਰਸ

Motorola Razr 50 Ultra ਦਾ 12GB RAM ਅਤੇ 512GB ਸਟੋਰੇਜ ਵਾਲਾ ਵੇਰੀਐਂਟ ਜੁਲਾਈ 2024 'ਚ 99,999 ਰੁਪਏ 'ਚ ਲਾਂਚ ਕੀਤਾ ਗਿਆ ਸੀ। ਹੁਣ ਈ-ਕਾਮਰਸ ਪਲੇਟਫਾਰਮ 'ਤੇ ਇਸ ਦੀ ਕੀਮਤ ਘਟ ਕੇ 59,450 ਰੁਪਏ ਰਹਿ ਗਈ ਹੈ। ਇਸ ਦੇ ਨਾਲ ਹੀ, ਜੇਕਰ ਤੁਸੀਂ ਫਲਿੱਪਕਾਰਟ ਐਕਸਿਸ ਬੈਂਕ ਕ੍ਰੈਡਿਟ ਕਾਰਡ ਦੀ ਵਰਤੋਂ ਕਰਦੇ ਹੋ, ਤਾਂ ਤੁਹਾਨੂੰ 2,973 ਰੁਪਏ ਦੀ ਵਾਧੂ ਛੋਟ ਮਿਲ ਸਕਦੀ ਹੈ, ਜਿਸ ਨਾਲ ਫੋਨ ਦੀ ਪ੍ਰਭਾਵੀ ਕੀਮਤ ਸਿਰਫ 56,477 ਰੁਪਏ ਰਹਿ ਜਾਵੇਗੀ।

ਫੋਨ ਦੇ ਮੁੱਖ ਫੀਚਰਸ :-

ਡਿਸਪਲੇਅ
- ਇਸ ਫੋਨ 'ਚ 6.9 ਇੰਚ ਦੀ ਮੁੱਖ pOLED LTPO ਡਿਸਪਲੇਅ ਹੈ, ਜਿਸਦਾ ਰਿਫ੍ਰੈਸ਼ ਰੇਟ 165Hz ਤੱਕ ਹੈ। ਇਸ ਤੋਂ ਇਲਾਵਾ, ਬਾਹਰਲੇ ਪਾਸੇ 4 ਇੰਚ ਦੀ ਸੈਕੰਡਰੀ ਡਿਸਪਲੇਅ ਦਿੱਤੀ ਗਈ ਹੈ।

ਪ੍ਰੋਸੈਸਰ
- ਬਿਹਤਰ ਕਾਰਗੁਜ਼ਾਰੀ ਲਈ ਇਸ 'ਚ ਕੁਆਲਕਾਮ ਸਨੈਪਡ੍ਰੈਗਨ 8s ਜੇਨ 3 ਪ੍ਰੋਸੈਸਰ ਲਗਾਇਆ ਗਿਆ ਹੈ।

ਕੈਮਰਾ ਸੈੱਟਅੱਪ
- ਫੋਨ ਦੇ ਪਿਛਲੇ ਪਾਸੇ ਦੋ ਕੈਮਰੇ ਹਨ - 50 ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ ਅਤੇ 50 ਮੈਗਾਪਿਕਸਲ ਦਾ ਟੈਲੀਫੋਟੋ ਕੈਮਰਾ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 32 ਮੈਗਾਪਿਕਸਲ ਦਾ ਫਰੰਟ ਕੈਮਰਾ ਦਿੱਤਾ ਗਿਆ ਹੈ।

ਬੈਟਰੀ ਅਤੇ ਚਾਰਜਿੰਗ
- ਇਸ 'ਚ 4,000mAh ਦੀ ਬੈਟਰੀ ਹੈ, ਜੋ 44 ਵਾਟ ਦੀ ਟਰਬੋ ਫਾਸਟ ਚਾਰਜਿੰਗ ਅਤੇ 15 ਵਾਟ ਦੀ ਵਾਇਰਲੈੱਸ ਚਾਰਜਿੰਗ ਨੂੰ ਸਪੋਰਟ ਕਰਦੀ ਹੈ।

ਇਹ ਫੋਨ ਐਂਡਰਾਇਡ 14 'ਤੇ ਚੱਲਦਾ ਹੈ ਅਤੇ ਇਸ 'ਚ 12GB ਰੈਮ ਦੇ ਨਾਲ 512GB ਦੀ ਇੰਟਰਨਲ ਸਟੋਰੇਜ ਦਿੱਤੀ ਗਈ ਹੈ। ਜਿਹੜੇ ਲੋਕ ਇਕ ਸਟਾਈਲਿਸ਼ ਅਤੇ ਸ਼ਕਤੀਸ਼ਾਲੀ ਫਲਿੱਪ ਫੋਨ ਖਰੀਦਣਾ ਚਾਹੁੰਦੇ ਹਨ, ਉਨ੍ਹਾਂ ਲਈ ਇਹ ਇਕ ਸੁਨਹਿਰੀ ਮੌਕਾ ਹੈ।