Google ਦਾ ਸਭ ਤੋਂ ਸਸਤਾ Pixel 10a ਭਾਰਤ ''ਚ ਲਾਂਚ, ਜਾਣੋ ਕੀਮਤ ਤੇ ਧਾਂਸੂ ਫੀਚਰਸ

ਨਵੀਂ ਦਿੱਲੀ : ਤਕਨੀਕੀ ਦਿੱਗਜ ਗੂਗਲ (Google) ਨੇ ਭਾਰਤ ਸਮੇਤ ਗਲੋਬਲ ਮਾਰਕੀਟ ਵਿੱਚ ਆਪਣਾ ਨਵਾਂ ਸਮਾਰਟਫੋਨ Pixel 10a ਲਾਂਚ ਕਰ ਦਿੱਤਾ ਹੈ। ਇਹ Pixel 10 ਸੀਰੀਜ਼ ਦਾ ਸਭ ਤੋਂ ਸਸਤਾ ਸਮਾਰਟਫੋਨ ਹੈ, ਜਿਸ ਵਿੱਚ ਕੰਪਨੀ ਨੇ ਕਈ ਸ਼ਾਨਦਾਰ ਫੀਚਰਸ ਦਿੱਤੇ ਹਨ।

ਕੀਮਤ ਅਤੇ ਉਪਲਬਧਤਾ 
ਭਾਰਤ ਵਿੱਚ Pixel 10a ਦੀ ਸ਼ੁਰੂਆਤੀ ਕੀਮਤ 49,999 ਰੁਪਏ ਰੱਖੀ ਗਈ ਹੈ। ਇਸ ਫੋਨ ਦੇ ਪ੍ਰੀ-ਆਰਡਰ ਸ਼ੁਰੂ ਹੋ ਚੁੱਕੇ ਹਨ ਅਤੇ ਇਸ ਦੀ ਪਹਿਲੀ ਸੇਲ 6 ਮਾਰਚ 2026 ਨੂੰ ਹੋਵੇਗੀ। ਇਹ ਹੈਂਡਸੈੱਟ ਚਾਰ ਆਕਰਸ਼ਕ ਰੰਗਾਂ—ਲਵੈਂਡਰ (Lavender), ਓਬਸੀਡੀਅਨ (Obsidian), ਫੌਗ (Fog) ਅਤੇ ਬੇਰੀ (Berry) ਵਿੱਚ ਉਪਲਬਧ ਹੋਵੇਗਾ।

ਲਾਂਚ ਆਫਰ ਅਤੇ ਡਿਸਕਾਊਂਟ 
ਲਾਂਚ ਆਫਰ ਦੇ ਤਹਿਤ, ਗਾਹਕਾਂ ਨੂੰ ਚੁਣੇ ਹੋਏ ਬੈਂਕ ਕਾਰਡਾਂ ਦੀ ਵਰਤੋਂ ਕਰਨ 'ਤੇ 3,000 ਰੁਪਏ ਦਾ ਇੰਸਟੈਂਟ ਕੈਸ਼ਬੈਕ ਮਿਲੇਗਾ। ਇਸ ਤੋਂ ਇਲਾਵਾ, ਗਾਹਕਾਂ ਲਈ 24 ਮਹੀਨਿਆਂ ਤੱਕ ਦੀ ਨੋ-ਕੋਸਟ EMI ਦਾ ਵਿਕਲਪ ਵੀ ਦਿੱਤਾ ਗਿਆ ਹੈ।

Pixel 10a ਦੇ ਖ਼ਾਸ ਫੀਚਰਸ:
• ਡਿਸਪਲੇਅ: ਇਸ ਵਿੱਚ 6.3-ਇੰਚ ਦੀ Actua ਡਿਸਪਲੇਅ ਦਿੱਤੀ ਗਈ ਹੈ, ਜੋ 3,000 ਨਿਟਸ ਦੀ ਪੀਕ ਬ੍ਰਾਈਟਨੈੱਸ ਦੇ ਨਾਲ ਆਉਂਦੀ ਹੈ। ਇਹ ਪਿਕਸਲ 'ਏ' ਸੀਰੀਜ਼ ਦਾ ਹੁਣ ਤੱਕ ਦਾ ਸਭ ਤੋਂ ਜ਼ਿਆਦਾ ਬ੍ਰਾਈਟਨੈੱਸ ਵਾਲਾ ਡਿਵਾਈਸ ਹੈ।
• ਪ੍ਰੋਸੈਸਰ: ਇਹ ਸਮਾਰਟਫੋਨ Google Tensor G4 ਚਿਪਸੈੱਟ 'ਤੇ ਕੰਮ ਕਰਦਾ ਹੈ ਅਤੇ ਸੁਰੱਖਿਆ ਲਈ ਇਸ ਵਿੱਚ Titan M2 ਚਿੱਪ ਦਿੱਤੀ ਗਈ ਹੈ।
• ਸਟੋਰੇਜ: ਇਸ ਵਿੱਚ 8GB ਰੈਮ (RAM) ਅਤੇ 256GB ਇੰਟਰਨਲ ਸਟੋਰੇਜ ਮਿਲੇਗੀ।
• ਕੈਮਰਾ ਸੈੱਟਅੱਪ: ਫੋਨ ਦੇ ਪਿਛਲੇ ਹਿੱਸੇ ਵਿੱਚ ਡੁਅਲ ਕੈਮਰਾ ਸੈੱਟਅੱਪ ਹੈ, ਜਿਸ ਵਿੱਚ 48-ਮੈਗਾਪਿਕਸਲ ਦਾ ਪ੍ਰਾਇਮਰੀ ਕੈਮਰਾ ਅਤੇ 13-ਮੈਗਾਪਿਕਸਲ ਦਾ ਅਲਟਰਾ-ਵਾਈਡ ਐਂਗਲ ਲੈਂਸ ਸ਼ਾਮਲ ਹੈ। ਸੈਲਫੀ ਲਈ ਫਰੰਟ 'ਤੇ 13-ਮੈਗਾਪਿਕਸਲ ਦਾ ਕੈਮਰਾ ਦਿੱਤਾ ਗਿਆ ਹੈ।
• ਬੈਟਰੀ ਅਤੇ ਚਾਰਜਿੰਗ: ਇਸ ਵਿੱਚ 5,100mAh ਦੀ ਦਮਦਾਰ ਬੈਟਰੀ ਹੈ। ਇਹ 30W ਵਾਇਰਡ ਫਾਸਟ ਚਾਰਜਿੰਗ ਅਤੇ 10W ਵਾਇਰਲੈੱਸ ਚਾਰਜਿੰਗ ਨੂੰ ਸਪੋਰਟ ਕਰਦਾ ਹੈ। ਕੰਪਨੀ ਦਾ ਦਾਅਵਾ ਹੈ ਕਿ ਫੁੱਲ ਚਾਰਜ ਹੋਣ 'ਤੇ ਇਹ 30 ਘੰਟਿਆਂ ਦਾ ਬੈਟਰੀ ਬੈਕਅੱਪ ਦੇਵੇਗਾ।