Oppo ਦਾ ਵੱਡਾ ਧਮਾਕਾ: Find X9 Ultra ਅਪ੍ਰੈਲ ''ਚ ਹੋਵੇਗਾ ਗਲੋਬਲ ਲਾਂਚ; ਪਹਿਲੀ ਵਾਰ ਚੀਨ...

ਗੈਜੇਟ ਡੈਸਕ: ਓਪੋ (Oppo) ਆਪਣੇ ਫਲੈਗਸ਼ਿਪ ਸਮਾਰਟਫੋਨ ਲਾਈਨਅੱਪ ਨੂੰ ਹੋਰ ਮਜ਼ਬੂਤ ਕਰਨ ਜਾ ਰਿਹਾ ਹੈ ਤੇ ਕੰਪਨੀ ਨੇ ਪੁਸ਼ਟੀ ਕੀਤੀ ਹੈ ਕਿ Oppo Find X9 Ultra ਨੂੰ ਅਪ੍ਰੈਲ 2026 ਵਿੱਚ ਗਲੋਬਲ ਮਾਰਕੀਟ ਵਿੱਚ ਲਾਂਚ ਕੀਤਾ ਜਾਵੇਗਾ। ਇਹ ਕੰਪਨੀ ਲਈ ਇੱਕ ਇਤਿਹਾਸਕ ਕਦਮ ਮੰਨਿਆ ਜਾ ਰਿਹਾ ਹੈ ਕਿਉਂਕਿ ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਓਪੋ ਆਪਣੀ 'Ultra' ਸੀਰੀਜ਼ ਦੇ ਫੋਨ ਨੂੰ ਚੀਨ ਦੀਆਂ ਸਰਹੱਦਾਂ ਤੋਂ ਬਾਹਰ ਕਿਸੇ ਹੋਰ ਦੇਸ਼ ਵਿੱਚ ਪੇਸ਼ ਕਰੇਗਾ,। ਕੰਪਨੀ ਦਾ ਕਹਿਣਾ ਹੈ ਕਿ ਇਹ ਫੈਸਲਾ ਗਲੋਬਲ ਮਾਰਕੀਟ ਵਿੱਚ ਪ੍ਰੀਮੀਅਮ ਸੈਗਮੈਂਟ ਵਿੱਚ ਆਪਣੀ ਪਕੜ ਮਜ਼ਬੂਤ ਕਰਨ ਦੀ ਰਣਨੀਤੀ ਦਾ ਹਿੱਸਾ ਹੈ।

ਕੈਮਰਾ ਅਤੇ ਡਿਜ਼ਾਈਨ 'ਚ ਵੱਡੇ ਬਦਲਾਅ 
Oppo Find X9 Ultra ਦੇ ਡਿਜ਼ਾਈਨ ਵਿੱਚ ਫਲੈਟ ਮੈਟਲ ਫ੍ਰੇਮ ਅਤੇ ਇੱਕ ਪ੍ਰੀਮੀਅਮ ਰੀਅਰ ਡਿਜ਼ਾਈਨ ਦੇਖਣ ਨੂੰ ਮਿਲ ਸਕਦਾ ਹੈ। ਇਸ ਦੇ ਨਾਲ ਹੀ, ਫੋਨ ਦੇ ਸਾਈਡ 'ਤੇ ਇੱਕ ਖਾਸ ਆਰੈਂਜ (ਸੰਤਰੀ) ਬਟਨ ਦਿੱਤਾ ਜਾ ਸਕਦਾ ਹੈ, ਜੋ ਖਾਸ ਤੌਰ 'ਤੇ ਕੈਮਰਾ ਕੰਟਰੋਲ ਲਈ ਵਰਤਿਆ ਜਾਵੇਗਾ। ਕੈਮਰੇ ਦੀ ਗੱਲ ਕਰੀਏ ਤਾਂ ਇਸ ਵਿੱਚ Hasselblad ਨਾਲ ਮਿਲ ਕੇ ਤਿਆਰ ਕੀਤਾ ਗਿਆ ਕੈਮਰਾ ਸਿਸਟਮ ਮਿਲੇਗਾ। ਲੀਕ ਹੋਈ ਜਾਣਕਾਰੀ ਮੁਤਾਬਕ, ਇਸ 'ਚ 200MP ਦਾ ਪੈਰੀਸਕੋਪ ਟੈਲੀਫੋਟੋ ਕੈਮਰਾ ਦਿੱਤਾ ਜਾਵੇਗਾ, ਜੋ ਸ਼ਾਨਦਾਰ ਜ਼ੂਮ ਸਮਰੱਥਾ ਪ੍ਰਦਾਨ ਕਰੇਗਾ।

ਦਮਦਾਰ ਬੈਟਰੀ ਅਤੇ ਪ੍ਰਦਰਸ਼ਨ
 ਇਸ ਫਲੈਗਸ਼ਿਪ ਫੋਨ ਵਿੱਚ 7000mAh ਤੋਂ ਜ਼ਿਆਦਾ ਦੀ ਵੱਡੀ ਬੈਟਰੀ ਮਿਲ ਸਕਦੀ ਹੈ, ਜੋ ਯੂਜ਼ਰਸ ਨੂੰ ਲੰਬੇ ਸਮੇਂ ਤੱਕ ਬੈਟਰੀ ਬੈਕਅੱਪ ਪ੍ਰਦਾਨ ਕਰੇਗੀ। Ultra ਮਾਡਲ ਦੇ ਨਾਲ ਹੀ ਕੰਪਨੀ Find X9s Pro ਨੂੰ ਵੀ ਲਾਂਚ ਕਰਨ ਦੀ ਤਿਆਰੀ ਵਿੱਚ ਹੈ,। ਰਿਪੋਰਟਾਂ ਅਨੁਸਾਰ Find X9s Pro ਵਿੱਚ MediaTek Dimensity 9500 ਪ੍ਰੋਸੈਸਰ ਹੋ ਸਕਦਾ ਹੈ, ਜੋ 3nm ਟੈਕਨਾਲੋਜੀ 'ਤੇ ਅਧਾਰਿਤ ਹੈ। ਇਸ ਮਾਡਲ ਵਿੱਚ ਵੀ 7000mAh ਬੈਟਰੀ ਅਤੇ ਡਿਊਲ 200MP ਕੈਮਰਾ ਸੈੱਟਅੱਪ ਹੋਣ ਦੀ ਸੰਭਾਵਨਾ ਹੈ। ਹਾਲਾਂਕਿ ਭਾਰਤ ਵਿੱਚ ਇਨ੍ਹਾਂ ਫੋਨਾਂ ਦੇ ਲਾਂਚ ਨੂੰ ਲੈ ਕੇ ਅਜੇ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e