6300mAh ਦੀ ਦਮਦਾਰ ਬੈਟਰੀ ਵਾਲਾ Xiaomi ਦਾ ਸਸਤਾ ਫੋਨ ਲਾਂਚ

ਗੈਜੇਟ ਡੈਸਕ- ਦਿੱਗਜ ਟੈੱਕ ਕੰਪਨੀ Xiaomi ਨੇ ਭਾਰਤੀ ਬਾਜ਼ਾਰ ਵਿੱਚ ਆਪਣਾ ਨਵਾਂ ਅਤੇ ਕਿਫਾਇਤੀ ਸਮਾਰਟਫੋਨ REDMI 15A 5G ਲਾਂਚ ਕਰ ਦਿੱਤਾ ਹੈ। ਇਸ ਫੋਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦੀ 6300mAh ਦੀ ਵਿਸ਼ਾਲ ਬੈਟਰੀ ਹੈ, ਜੋ ਇਸ ਸੈਗਮੈਂਟ ਵਿੱਚ ਇਸਨੂੰ ਖ਼ਾਸ ਬਣਾਉਂਦੀ ਹੈ। ਕੰਪਨੀ ਨੇ ਇਸ ਨੂੰ 'The Real Hero' ਵਜੋਂ ਪੇਸ਼ ਕੀਤਾ ਹੈ।

ਕੀਮਤ ਅਤੇ ਉਪਲਬਧਤਾ 

REDMI 15A 5G ਨੂੰ ਤਿੰਨ ਸਟੋਰੇਜ ਵੇਰੀਐਂਟਸ ਵਿੱਚ ਲਾਂਚ ਕੀਤਾ ਗਿਆ ਹੈ :

4GB ਰੈਮ + 64GB ਸਟੋਰੇਜ: 12,999 ਰੁਪਏ।
4GB ਰੈਮ + 128GB ਸਟੋਰੇਜ: 13,499 ਰੁਪਏ।
6GB ਰੈਮ + 128GB ਸਟੋਰੇਜ: 16,499 ਰੁਪਏ। 

ਇਸ ਸਮਾਰਟਫੋਨ ਦੀ ਵਿਕਰੀ 3 ਅਪ੍ਰੈਲ ਤੋਂ ਸ਼ੁਰੂ ਹੋਵੇਗੀ।

ਫੋਨ ਵਿੱਚ 6300mAh ਦੀ ਬੈਟਰੀ ਦੇ ਨਾਲ ਬਾਕਸ ਵਿੱਚ 15W ਦਾ ਫਾਸਟ ਚਾਰਜਰ ਮਿਲਦਾ ਹੈ। ਖ਼ਾਸ ਗੱਲ ਇਹ ਹੈ ਕਿ ਇਸ ਵਿੱਚ ਰਿਵਰਸ ਵਾਇਰ ਚਾਰਜਿੰਗ ਦਾ ਸਪੋਰਟ ਵੀ ਦਿੱਤਾ ਗਿਆ ਹੈ, ਜਿਸ ਦੀ ਮਦਦ ਨਾਲ ਤੁਸੀਂ ਦੂਜੇ ਸਮਾਰਟਫੋਨਾਂ ਨੂੰ ਵੀ ਚਾਰਜ ਕਰ ਸਕਦੇ ਹੋ।

ਫੋਨ ਵਿੱਚ 6.9 ਇੰਚ ਦੀ HD+ ਡਿਸਪਲੇਅ ਦਿੱਤੀ ਗਈ ਹੈ, ਜੋ 120Hz ਰਿਫ੍ਰੈਸ਼ ਰੇਟ ਅਤੇ 660 ਨਿਟਸ ਦੀ ਬ੍ਰਾਈਟਨੈੱਸ ਨੂੰ ਸਪੋਰਟ ਕਰਦੀ ਹੈ। ਫੋਨ ਵਿੱਚ Unisoc T8300 (6nm) ਆਕਟਾਕੋਰ ਪ੍ਰੋਸੈਸਰ ਅਤੇ Mali G57 MC2 GPU ਦੀ ਵਰਤੋਂ ਕੀਤੀ ਗਈ ਹੈ। ਯੂਜ਼ਰਸ ਇਸ ਵਿੱਚ 1TB ਤੱਕ ਦਾ ਮਾਈਕ੍ਰੋ ਐਸਡੀ ਕਾਰਡ ਵੀ ਲਗਾ ਸਕਦੇ ਹਨ।

ਫੋਟੋਗ੍ਰਾਫੀ ਲਈ ਇਸ ਦੇ ਪਿਛਲੇ ਪਾਸੇ ਡੁਅਲ AI ਕੈਮਰਾ ਸੈੱਟਅੱਪ ਹੈ, ਜਿਸ ਵਿੱਚ 32MP ਦਾ ਪ੍ਰਾਇਮਰੀ ਕੈਮਰਾ ਅਤੇ 8MP ਦਾ ਸੈਕੰਡਰੀ ਕੈਮਰਾ ਸ਼ਾਮਲ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ ਫੋਨ ਦੇ ਫਰੰਟ ਵਿੱਚ 32MP ਦਾ ਦਮਦਾਰ ਕੈਮਰਾ ਦਿੱਤਾ ਗਿਆ ਹੈ। ਇਹ ਸਮਾਰਟਫੋਨ ਐਂਡਰਾਇਡ 16 'ਤੇ ਆਧਾਰਿਤ Xiaomi HyperOS 3.0 'ਤੇ ਕੰਮ ਕਰਦਾ ਹੈ। 

ਕੰਪਨੀ ਨੇ ਵਾਅਦਾ ਕੀਤਾ ਹੈ ਕਿ ਇਸ ਫੋਨ ਨੂੰ 4 ਸਾਲ ਦੇ ਮੇਜਰ ਐਂਡਰਾਇਡ ਅਪਡੇਟ ਅਤੇ 6 ਸਾਲ ਦੇ ਸੁਰੱਖਿਆ ਅਪਡੇਟ ਮਿਲਣਗੇ। ਸੁਰੱਖਿਆ ਲਈ ਇਸ ਵਿੱਚ ਸਾਈਡ-ਮਾਊਂਟਡ ਫਿੰਗਰਪ੍ਰਿੰਟ ਸਕੈਨਰ ਅਤੇ ਆਡੀਓ ਲਈ 3.5mm ਜੈਕ ਵੀ ਦਿੱਤਾ ਗਿਆ ਹੈ।