ਫਿਲਮ ''ਦਿ ਭੂਤਨੀ'' ਤੋਂ ਸੰਜੇ ਦੱਤ ਦਾ ਪਹਿਲਾ ਲੁੱਕ ਪੋਸਟਰ ਰਿਲੀਜ਼

ਮੁੰਬਈ (ਏਜੰਸੀ)- ਬਾਲੀਵੁੱਡ ਦੇ ਮਾਚੋ ਹੀਰੋ ਸੰਜੇ ਦੱਤ ਦੀ ਆਉਣ ਵਾਲੀ ਫਿਲਮ 'ਦਿ ਭੂਤਨੀ' ਤੋਂ ਉਨ੍ਹਾਂ ਦਾ ਪਹਿਲਾ ਲੁੱਕ ਪੋਸਟਰ ਰਿਲੀਜ਼ ਹੋ ਗਿਆ ਹੈ। ਸੰਜੇ ਦੱਤ ਪਿਛਲੇ ਕੁਝ ਸਮੇਂ ਤੋਂ ਆਪਣੀ ਆਉਣ ਵਾਲੀ ਫਿਲਮ 'ਦਿ ਭੂਤਨੀ' ਨੂੰ ਲੈ ਕੇ ਸੁਰਖੀਆਂ ਵਿੱਚ ਹਨ। ਇਹ ਫ਼ਿਲਮ ਇਸ ਸਾਲ ਦੀਆਂ ਸਭ ਤੋਂ ਵੱਧ ਚਰਚਿਤ ਫ਼ਿਲਮਾਂ ਵਿੱਚੋਂ ਇੱਕ ਹੈ, ਜਿਸਦਾ ਦਰਸ਼ਕ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਨਿਰਮਾਤਾਵਾਂ ਨੇ ਇਸ ਫਿਲਮ ਤੋਂ ਸੰਜੇ ਦੱਤ ਦਾ ਪਹਿਲਾ ਲੁੱਕ ਪੋਸਟਰ ਜਾਰੀ ਕੀਤਾ, ਪੋਸਟਰ ਵਿੱਚ ਉਹ 'ਬਾਬਾ' ਦੇ ਰੂਪ ਵਿੱਚ ਦਿਖਾਈ ਦੇ ਰਹੇ ਹਨ। ਸੰਜੇ ਦੱਤ ਤੋਂ ਇਲਾਵਾ ਫਿਲਮ ਦੀ ਸਟਾਰ ਕਾਸਟ ਮੋਨੀ ਰਾਏ, ਸੰਨੀ ਸਿੰਘ, ਪਲਕ ਤਿਵਾੜੀ ਦੇ ਪੋਸਟਰ ਵੀ ਜਾਰੀ ਕੀਤੇ ਗਏ ਹਨ।

ਸੰਜੇ ਦੱਤ ਨੇ ਸੋਸ਼ਲ ਮੀਡੀਆ 'ਤੇ ਇੱਕ ਪੋਸਟਰ ਸਾਂਝਾ ਕੀਤਾ ਹੈ। ਇਸ ਦੇ ਨਾਲ ਹੀ ਪੋਸਟ ਵਿੱਚ ਲਿਖਿਆ, ਜਿਨ੍ਹਾਂ ਤੋਂ ਭੂਤ, ਆਤਮਾ, ਜਿਨ ਅਤੇ ਪਿਸ਼ਾਚ ਵੀ ਡਰ ਕੇ ਜਾਣਗੇ ਭੱਜ, ਬਾਬਾ ਲਗਾਉਣਗੇ ਸਾਰਿਆਂ ਦੀ ਵਾਟ। ਟ੍ਰੇਲਰ 29 ਮਾਰਚ ਨੂੰ। 18 ਅਪ੍ਰੈਲ ਤੋਂ ਸਿਨੇਮਾਘਰਾਂ ਵਿੱਚ 'ਭੂਤਨੀ' ਲਈ ਤਿਆਰ ਹੋ ਜਾਓ। ਸੰਜੇ ਦੱਤ ਫਿਲਮ 'ਦਿ ਭੂਤਨੀ' ਵਿੱਚ ਬਾਬਾ ਦੀ ਭੂਮਿਕਾ ਨਿਭਾਉਣਗੇ। ਪੋਸਟਰ ਵਿੱਚ ਉਨ੍ਹਾਂ ਨੂੰ ਇੱਕ ਦਰੱਖਤ ਦੀਆਂ ਟਾਹਣੀਆਂ ਨਾਲ ਬੰਨ੍ਹਿਆ ਹੋਇਆ ਦਿਖਾਇਆ ਗਿਆ ਹੈ, ਜਦੋਂ ਕਿ ਉਨ੍ਹਾਂ ਦੇ ਹੱਥਾਂ ਵਿੱਚ ਅੱਗ ਦੀਆਂ ਲਪਟਾਂ ਨਾਲ ਘਿਰੀਆਂ ਦੋ ਤਲਵਾਰਾਂ ਦਿਖਾਈ ਦੇ ਰਹੀਆਂ ਹਨ। ਫਿਲਮ 'ਦਿ ਭੂਤਨੀ' ਵਿੱਚ ਮੋਨੀ ਰਾਏ, ਸੰਨੀ ਸਿੰਘ, ਪਲਕ ਤਿਵਾੜੀ, ਆਸਿਫ ਖਾਨ ਵਰਗੇ ਕਲਾਕਾਰ ਵੀ ਨਜ਼ਰ ਆਉਣਗੇ। ਇਸ ਫਿਲਮ ਦਾ ਨਿਰਦੇਸ਼ਨ ਸਿਧਾਂਤ ਸਚਦੇਵ ਨੇ ਕੀਤਾ ਹੈ ਅਤੇ ਇਸਨੂੰ ਲਿਖਿਆ ਵੀ ਉਨ੍ਹਾਂ ਨੇ ਹੀ ਹੈ। ਸੰਜੇ ਦੱਤ ਨੇ ਇਸ ਫਿਲਮ ਦਾ ਨਿਰਮਾਣ ਦੀਪਕ ਮੁਕੁਟ ਨਾਲ ਕੀਤਾ ਹੈ।