''ਰੌਕੀ ਭਾਈ'' ਦੀ ਵਾਪਸੀ! ਫ਼ਿਲਮ ''ਟੌਕਸਿਕ'' ਦਾ ਧਮਾਕੇਦਾਰ ਪੋਸਟਰ ਰਿਲੀਜ਼, ਕੱਲ੍ਹ ਸਵੇਰੇ ਆਵੇਗਾ ਟੀਜ਼ਰ

ਮੁੰਬਈ (ਏਜੰਸੀ) : 'KGF' ਫੇਮ ਸੁਪਰਸਟਾਰ ਯਸ਼ ਦੇ ਪ੍ਰਸ਼ੰਸਕਾਂ ਲਈ ਵੱਡੀ ਖ਼ਬਰ ਹੈ। ਯਸ਼ ਦੀ ਅਗਲੀ ਫ਼ਿਲਮ 'ਟੌਕਸਿਕ: ਏ ਫੇਅਰੀਟੇਲ ਫਾਰ ਗ੍ਰੋਨ-ਅੱਪਸ' (Toxic: A Fairy Tale for Grown-ups) ਦਾ ਨਵਾਂ ਪੋਸਟਰ ਜਾਰੀ ਕਰਦਿਆਂ ਮੇਕਰਸ ਨੇ ਫ਼ਿਲਮ ਦੇ ਟੀਜ਼ਰ ਦੀ ਰਿਲੀਜ਼ ਡੇਟ ਦਾ ਐਲਾਨ ਕਰ ਦਿੱਤਾ ਹੈ। ਫ਼ਿਲਮ ਦਾ ਬੇਸਬਰੀ ਨਾਲ ਉਡੀਕਿਆ ਜਾ ਰਿਹਾ ਟੀਜ਼ਰ 20 ਫਰਵਰੀ ਨੂੰ ਸਵੇਰੇ 9:35 ਵਜੇ ਰਿਲੀਜ਼ ਕੀਤਾ ਜਾਵੇਗਾ।

ਇਹ ਵੀ ਪੜ੍ਹੋ: ਵਿਵੇਕ ਅਗਨੀਹੋਤਰੀ ਦਾ ਨਵਾਂ ਧਮਾਕਾ! 'The Kashmir Files' ਤੋਂ ਬਾਅਦ ਹੁਣ 'ਆਪਰੇਸ਼ਨ ਸਿੰਦੂਰ' 'ਤੇ ਬਣਾਉਣਗੇ ਫਿਲਮ

ਪੋਸਟਰ ਨੇ ਵਧਾਈਆਂ ਧੜਕਣਾਂ

ਤਾਜ਼ਾ ਪੋਸਟਰ ਵਿੱਚ ਯਸ਼ ਆਪਣੇ ਕਿਰਦਾਰ 'ਰਾਇਆ' ਦੇ ਰੂਪ ਵਿੱਚ ਬੇਹੱਦ ਖ਼ਤਰਨਾਕ ਲੁੱਕ ਵਿੱਚ ਨਜ਼ਰ ਆ ਰਹੇ ਹਨ। ਖੂਨ ਨਾਲ ਲੱਥਪੱਥ, ਬਰਫੀਲੇ ਤੂਫ਼ਾਨ ਦੇ ਵਿਚਕਾਰ ਖੜ੍ਹੇ ਯਸ਼ ਦਾ ਅੱਧਾ ਚਿਹਰਾ ਢੱਕਿਆ ਹੋਇਆ ਹੈ ਅਤੇ ਹੱਥ ਵਿੱਚ ਬੋਤਲ ਫੜੀ ਹੋਈ ਹੈ। ਇਹ ਪੋਸਟਰ ਕਿਸੇ ਰਹੱਸਮਈ ਅਤੇ ਤਬਾਹੀ ਭਰੀ ਦੁਨੀਆ ਦੀ ਝਲਕ ਪੇਸ਼ ਕਰਦਾ ਹੈ, ਜਿਸ ਨੇ ਦਰਸ਼ਕਾਂ ਵਿੱਚ ਉਤਸੁਕਤਾ ਸਿਖਰਾਂ 'ਤੇ ਪਹੁੰਚਾ ਦਿੱਤੀ ਹੈ।

ਇਹ ਵੀ ਪੜ੍ਹੋ: ਵਿਆਹ ਤੋਂ ਪਹਿਲਾਂ ਹੀ Pregnant ਹੋ ਗਈ ਸੀ ਇਹ ਮਸ਼ਹੂਰ ਅਦਾਕਾਰਾ, ਮਾਪਿਆਂ ਨੇ ਦਿੱਤਾ ਸੀ 72 ਘੰਟਿਆਂ ਦਾ ਅਲਟੀਮੇਟਮ!

ਵੱਡੀ ਸਟਾਰ ਕਾਸਟ ਅਤੇ ਦਮਦਾਰ ਕਿਰਦਾਰ

ਇਸ ਫ਼ਿਲਮ ਵਿੱਚ ਯਸ਼ ਦੇ ਨਾਲ ਕਿਆਰਾ ਅਡਵਾਨੀ: 'ਨਾਦੀਆ' ਦੇ ਕਿਰਦਾਰ ਵਿੱਚ, ਹੁਮਾ ਕੁਰੈਸ਼ੀ: 'ਐਲਿਜ਼ਾਬੈਥ' ਦੇ ਖ਼ਤਰਨਾਕ ਅੰਦਾਜ਼ ਵਿੱਚ ਅਤੇ ਨਯਨਤਾਰਾ: 'ਗੰਗਾ' ਦੇ ਕਿਰਦਾਰ ਵਿੱਚ ਕਹਾਣੀ ਨੂੰ ਨਵਾਂ ਮੋੜ ਦੇਵੇਗੀ। ਇਨ੍ਹਾਂ ਤੋਂ ਇਲਾਵਾ ਤਾਰਾ ਸੁਤਾਰੀਆ ਤੇ ਰੁਕਮਣੀ ਵਸੰਤ: ਰਹੱਸਮਈ ਅਤੇ ਪ੍ਰਭਾਵਸ਼ਾਲੀ ਭੂਮਿਕਾਵਾਂ ਵਿੱਚ ਨਜ਼ਰ ਆਉਣਗੀਆਂ।

ਇਹ ਵੀ ਪੜ੍ਹੋ: ਸੰਗੀਤ ਜਗਤ 'ਚ ਸੋਗ ਦੀ ਲਹਿਰ; ਮਸ਼ਹੂਰ ਅਮਰੀਕੀ ਰੈਪਰ ਨੇ 25 ਸਾਲ ਦੀ ਉਮਰ 'ਚ ਛੱਡੀ ਦੁਨੀਆ

ਤਕਨੀਕੀ ਪੱਖੋਂ ਮਜ਼ਬੂਤ ਫ਼ਿਲਮ

ਫ਼ਿਲਮ ਦਾ ਨਿਰਦੇਸ਼ਨ ਗੀਤੂ ਮੋਹਨਦਾਸ ਵੱਲੋਂ ਕੀਤਾ ਗਿਆ ਹੈ। ਫ਼ਿਲਮ ਦੀ ਖ਼ਾਸ ਗੱਲ ਇਹ ਹੈ ਕਿ ਇਸ ਦੇ ਐਕਸ਼ਨ ਸੀਨ ਹਾਲੀਵੁੱਡ ਦੇ ਮਸ਼ਹੂਰ ਐਕਸ਼ਨ ਡਾਇਰੈਕਟਰ ਜੇ ਜੇ ਪੈਰੀ ਦੀ ਦੇਖ-ਰੇਖ ਹੇਠ ਤਿਆਰ ਕੀਤੇ ਗਏ ਹਨ। ਸੰਗੀਤ ਰਵੀ ਬਸਰੂਰ ਨੇ ਦਿੱਤਾ ਹੈ, ਜੋ ਪਹਿਲਾਂ ਹੀ 'KGF' ਵਿੱਚ ਆਪਣਾ ਲੋਹਾ ਮਨਵਾ ਚੁੱਕੇ ਹਨ।

ਇਹ ਵੀ ਪੜ੍ਹੋ: ED ਦੇ ਸ਼ਿਕੰਜੇ 'ਚ ਫਸਿਆ ਮਸ਼ਹੂਰ ਅਦਾਕਾਰ, ਮਲਿਆਲਮ ਫ਼ਿਲਮ ਇੰਡਸਟਰੀ 'ਚ ਮਚੀ ਤੜਥੱਲੀ

ਕਦੋਂ ਹੋਵੇਗੀ ਰਿਲੀਜ਼?

ਇਹ ਫ਼ਿਲਮ ਕੰਨੜ ਅਤੇ ਅੰਗਰੇਜ਼ੀ ਵਿੱਚ ਇਕੱਠੀ ਸ਼ੂਟ ਕੀਤੀ ਗਈ ਹੈ ਅਤੇ ਹਿੰਦੀ, ਪੰਜਾਬੀ, ਤੇਲਗੂ, ਤਮਿਲ ਸਮੇਤ ਕਈ ਭਾਸ਼ਾਵਾਂ ਵਿੱਚ ਡਬ ਕੀਤੀ ਜਾਵੇਗੀ। 'ਟੌਕਸਿਕ' 19 ਮਾਰਚ 2026 ਨੂੰ ਦੁਨੀਆ ਭਰ ਦੇ ਸਿਨੇਮਾਘਰਾਂ ਵਿੱਚ ਦਸਤਕ ਦੇਵੇਗੀ।

ਇਹ ਵੀ ਪੜ੍ਹੋ: ਮੈਚ ਦੌਰਾਨ ਸਟੇਡੀਅਮ ਦੇ ਵਾਸ਼ਰੂਮ 'ਚ ਅਦਾਕਾਰਾ ਦੀ ਬਣਾਈ ਅਸ਼ਲੀਲ ਵੀਡੀਓ ! ਸਾਊਥ ਫਿਲਮ ਇੰਡਸਟਰੀ 'ਚ ਹੜਕੰਪ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e