ਪਲੇਨ ਕਰੈਸ਼ ਤੋਂ ਬਾਅਦ ਡਰੇ ਮਸ਼ਹੂਰ ਅਦਾਕਾਰ ਨੇ ਵਸੀਅਤ ਤਿਆਰ ਕਰਵਾ ਕੀਤਾ Air India ਦਾ ਸਫ਼ਰ

ਐਂਟਰਟੇਨਮੈਂਟ ਡੈਸਕ- 12 ਜੂਨ ਨੂੰ ਅਹਿਮਦਾਬਾਦ ਵਿੱਚ ਇੱਕ ਜਹਾਜ਼ ਹਾਦਸਾ ਹੋਇਆ ਸੀ, ਜਿਸ ਵਿੱਚ 241 ਜਾਨਾਂ ਗਈਆਂ ਸਨ। ਲੋਕ ਇਸ ਭਿਆਨਕ ਹਾਦਸੇ ਨੂੰ ਕਦੇ ਨਹੀਂ ਭੁੱਲ ਸਕਣਗੇ। ਬਹੁਤ ਸਾਰੇ ਲੋਕਾਂ ਦੇ ਮਨ 'ਚ ਏਅਰ ਇੰਡੀਆ ਦੀਆਂ ਉਡਾਣਾਂ ਨੂੰ ਲੈ ਕੇ  ਡਰ ਬੈਠ ਗਿਆ ਹੈ। ਹਾਲਾਂਕਿ ਹੌਲੀ-ਹੌਲੀ ਲੋਕ ਫਿਰ ਤੋਂ ਆਮ ਹੋ ਰਹੇ ਹਨ ਅਤੇ ਜਹਾਜ਼ ਰਾਹੀਂ ਯਾਤਰਾ ਕਰ ਰਹੇ ਹਨ। ਕਈ ਮਸ਼ਹੂਰ ਹਸਤੀਆਂ ਨੇ ਵੀ ਇਸ ਹਾਦਸੇ ਤੋਂ ਬਾਅਦ ਏਅਰ ਇੰਡੀਆ ਦੀਆਂ ਉਡਾਣਾਂ ਲੈ ਕੇ ਲੋਕਾਂ ਦੇ ਡਰ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ। ਇਸ ਦੌਰਾਨ ਹਾਲ ਹੀ ਵਿੱਚ ਮਸ਼ਹੂਰ ਅਦਾਕਾਰ ਕੰਵਲਜੀਤ ਸਿੰਘ ਨੇ ਏਅਰ ਇੰਡੀਆ ਦੀ ਉਡਾਣ ਭਰੀ ਅਤੇ ਇਹ ਵੀ ਦੱਸਿਆ ਕਿ ਉਹ ਆਪਣੀ ਵਸੀਅਤ ਤਿਆਰ ਕਰਕੇ ਆਏ ਹਨ।
ਕੰਵਲਜੀਤ ਸਿੰਘ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ 'ਤੇ ਇੱਕ ਵੀਡੀਓ ਸਾਂਝੀ ਕੀਤੀ, ਜਿਸ ਵਿੱਚ ਉਹ ਹਵਾਈ ਅੱਡੇ 'ਤੇ ਲਾਉਂਜ ਵਿੱਚ ਬੈਠੇ ਦਿਖਾਈ ਦੇ ਰਹੇ ਹਨ। ਉਹ ਆਪਣੇ ਆਪ ਨੂੰ ਰਿਕਾਰਡ ਕਰਦੇ ਕਹਿ ਰਹੇ ਸਨ- 'ਮੈਂ ਕੋਲੰਬੋ ਜਾ ਰਿਹਾ ਹਾਂ। ਵਸੀਅਤ ਬਣਾ ਦਿੱਤੀ ਹੈ। ਆਓ ਕੋਲੰਬੋ ਵਿੱਚ ਮਿਲਦੇ ਹਾਂ। ਮੈਂ ਏਅਰ ਇੰਡੀਆ ਰਾਹੀਂ ਉਡਾਣ ਭਰ ਰਿਹਾ ਹਾਂ।

ਕੰਵਲਜੀਤ ਦੀ ਇਸ ਵੀਡੀਓ ਨੂੰ ਦੇਖਣ ਤੋਂ ਬਾਅਦ ਉਪਭੋਗਤਾਵਾਂ ਨੇ ਇਸ 'ਤੇ ਬਹੁਤ ਟਿੱਪਣੀਆਂ ਕਰਨੀਆਂ ਸ਼ੁਰੂ ਕਰ ਦਿੱਤੀਆਂ। ਇੱਕ ਨੇ ਲਿਖਿਆ- 'ਸਰ, ਕੀ ਤੁਹਾਨੂੰ ਵਕੀਲ ਦੀ ਲੋੜ ਹੈ?' ਦੂਜੇ ਨੇ ਕਿਹਾ, 'ਏਅਰ ਇੰਡੀਆ ਨੇ ਭਾਰਤ ਦੀ ਹਵਾ ਕੱਢ ਦਿੱਤੀ ਹੈ।' ਕਿਸੇ ਨੇ ਲਿਖਿਆ, 'ਇਸ ਤਰ੍ਹਾਂ ਗੱਲ ਨਾ ਕਰੋ ਸਰ। ਸਕਾਰਾਤਮਕ ਰਹੋ।'
ਤੁਹਾਨੂੰ ਦੱਸ ਦੇਈਏ ਕਿ ਜਹਾਜ਼ ਹਾਦਸੇ ਤੋਂ ਕੁਝ ਦਿਨ ਬਾਅਦ ਅਦਾਕਾਰਾ ਰਵੀਨਾ ਟੰਡਨ ਅਤੇ ਜ਼ੀਨਤ ਅਮਾਨ ਨੇ ਏਅਰ ਇੰਡੀਆ ਦੀ ਉਡਾਣ ਭਰੀ ਅਤੇ ਸੋਸ਼ਲ ਮੀਡੀਆ 'ਤੇ ਆਪਣਾ ਤਜਰਬਾ ਸਾਂਝਾ ਕੀਤਾ ਸੀ।