16 ਲੱਖ ਦੇ ਲਹਿੰਗੇ ਤੇ 45 ਲੱਖ ਦੇ ਗਹਿਣੇ ਪਹਿਨ ਭਰਾ ਦੇ ਵਿਆਹ ’ਚ ਨਜ਼ਰ ਆਈ ਕੰਗਨਾ, ਤਸਵੀਰਾਂ ਵਾਇਰਲ
11/12/2020 7:27:30 PM
ਜਲੰਧਰ (ਬਿਊਰੋ)– ਕੰਗਨਾ ਰਣੌਤ ਦੇ ਭਰਾ ਅਕਸ਼ਤ ਰਣੌਤ ਅੱਜ ਰਿਤੂ ਸਾਂਗਵਾਨ ਨਾਲ ਵਿਆਹ ਦੇ ਬੰਧਨ ’ਚ ਬੱਝ ਗਏ ਹਨ। ਕੰਗਨਾ ਨੇ ਆਪਣੇ ਭਰਾ ਲਈ ਵੈਡਿੰਗ ਡੈਸਟੀਨੇਸ਼ਨ ਦੇ ਤੌਰ ’ਤੇ ਰਾਜਸਥਾਨ ਦੇ ਪ੍ਰਸਿੱਧ ਉਦੈਪੁਰ ਨੂੰ ਚੁਣਿਆ, ਜਿਥੇ ਰਾਜਸਥਾਨੀ ਥੀਮ ਨਾਲ ਸ਼ਾਹੀ ਅੰਦਾਜ਼ ’ਚ ਇਹ ਵਿਆਹ ਹੋਇਆ।
ਕੋਰੋਨਾ ਵਾਇਰਸ ਦੇ ਚਲਦਿਆਂ ਵਿਆਹ ’ਚ ਖਾਸ ਮਹਿਮਾਨਾਂ ਨੂੰ ਹੀ ਸੱਦਾ ਦਿੱਤਾ ਗਿਆ ਸੀ। ਉਦੈਪੁਰ ਦੇ ਹੋਟਲ ਲੀਲਾ ਪੈਲੇਸ ’ਚ ਆਯੋਜਿਤ ਇਸ ਵਿਆਹ ’ਚ ਰਣੌਤ ਤੇ ਸਾਂਗਵਾਨ ਪਰਿਵਾਰ ਦੇ ਮੈਂਬਰ ਹੀ ਮੌਜੂਦ ਰਹੇ। ਕੰਗਨਾ ਨੇ ਇਸ ਵਿਆਹ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਸ਼ੇਅਰ ਕੀਤੀਆਂ ਹਨ।
ਇਸ ਵਿਆਹ ’ਚ ਕੰਗਨਾ ਦਾ ਖੂਬਸੂਰਤ ਲੁੱਕ ਸਾਰਿਆਂ ਦਾ ਧਿਆਨ ਆਪਣੇ ਵੱਲ ਖਿੱਚ ਰਿਹਾ ਸੀ।
ਕੰਗਨਾ ਰਣੌਤ ਇਸ ਵਿਆਹ ’ਚ ਕਸਟਮ ਮੇਡ ਬਾਂਧਨੀ ਲਹਿੰਗੇ ’ਚ ਨਜ਼ਰ ਆਈ। ਉਸ ਦਾ ਇਹ ਲਹਿੰਗਾ ਪੂਰੇ 14 ਮਹੀਨਿਆਂ ’ਚ ਬਣ ਕੇ ਤਿਆਰ ਹੋਇਆ ਹੈ ਤੇ ਇਸ ਨੂੰ ਕੰਗਨਾ ਲਈ ਅਨੁਰਾਧਾ ਵਕੀਲ ਨੇ ਤਿਆਰ ਕੀਤਾ ਹੈ।
ਕੰਗਨਾ ਦੇ ਇਸ ਲਹਿੰਗੇ ’ਚ ਡੀਪ ਪਰਪਲ ਕਲਰ ਦਾ ਬਲਾਊਜ਼ ਤੇ ਬਲਿਊ ਕਲਰ ਦਾ ਲਹਿਰੀਆ ਲਹਿੰਗਾ ਸੀ, ਜਿਸ ਨੂੰ ਉਸ ਨੇ ਗ੍ਰੀਨ ਤੇ ਪਰਪਲ ਕਲਰ ਦੇ ਦੁੱਪਟੇ ਨਾਲ ਟੀਮਅੱਪ ਕੀਤਾ ਸੀ। ਸੂਤਰਾਂ ਦੀ ਮੰਨੀਏ ਤਾਂ ਕੰਗਨਾ ਦੇ ਇਸ ਲਹਿੰਗੇ ਦੀ ਕੀਮਤ ਲਗਭਗ 16 ਲੱਖ ਰੁਪਏ ਹੈ।
ਕੰਗਨਾ ਨੇ ਆਪਣੇ ਲਹਿੰਗੇ ਤੋਂ ਤਿੰਨ ਗੁਣਾ ਜ਼ਿਆਦਾ ਕੀਮਤ ਦੇ ਗਹਿਣੇ ਪਹਿਨ ਰੱਖੇ ਸਨ। ਕੰਗਨਾ ਦੇ ਗਹਿਣੇ ਸਬਿਆਸਾਚੀ ਨੇ ਡਿਜ਼ਾਈਨ ਕੀਤੇ ਸਨ, ਜਿਸ ’ਚ ਗਲੇ ਦਾ ਚੋਕਰ, ਇਕ ਹਾਰ, ਕੰਨਾਂ ਦੇ ਝੁਮਕੇ ਤੇ ਮਾਂਗ ਟਿੱਕਾ ਨਜ਼ਰ ਆ ਰਿਹਾ ਸੀ। ਸੂਤਰਾਂ ਮੁਤਾਬਕ ਕੰਗਨਾ ਦੇ ਇਨ੍ਹਾਂ ਗਹਿਣਿਆਂ ਦੀ ਕੀਮਤ ਲਗਭਗ 45 ਲੱਖ ਰੁਪਏ ਹੈ।
ਕੰਗਨਾ ਨੇ ਆਪਣੇ ਇਸ ਭਾਰੀ ਲੁੱਕ ਨਾਲ ਮੇਕਅੱਪ ਬਿਲਕੁਲ ਸਾਦਾ ਰੱਖਿਆ ਸੀ।
