ਭਾਰਤ-ਪਾਕਿ ਤਣਾਅ: ਕਮਲ ਹਾਸਨ ਦੀ ਫਿਲਮ ''ਠੱਗ ਲਾਈਫ'' ਦਾ ਆਡੀਓ ਲਾਂਚ ਪ੍ਰੋਗਰਾਮ ਮੁਲਤਵੀ

ਚੇਨਈ (ਏਜੰਸੀ)- ਅਦਾਕਾਰ ਕਮਲ ਹਾਸਨ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਦਿੱਗਜ ਫਿਲਮਕਾਰ ਮਣੀਰਤਨਮ ਨਾਲ ਉਨ੍ਹਾਂ ਦੀ ਨਵੀਂ ਫਿਲਮ "ਠੱਗ ਲਾਈਫ" ਦੇ ਆਡੀਓ ਲਾਂਚ ਪ੍ਰੋਗਰਾਮ ਨੂੰ "ਸਾਡੇ ਦੇਸ਼ ਦੀ ਸਰਹੱਦ 'ਤੇ ਹੋ ਰਹੇ ਘਟਨਾਕ੍ਰਮ ਅਤੇ ਮੌਜੂਦਾ ਹਾਈ ਅਲਰਟ ਦੀ ਸਥਿਤੀ" ਦੇ ਮੱਦੇਨਜ਼ਰ ਮੁੜ ਨਿਰਧਾਰਤ ਕੀਤਾ ਗਿਆ ਹੈ। ਹਾਸਨ ਨੇ ਇੱਕ ਬਿਆਨ ਵਿੱਚ ਕਿਹਾ ਕਿ ਫਿਲਮ ਦਾ ਆਡੀਓ ਲਾਂਚ ਪ੍ਰੋਗਰਾਮ 16 ਮਈ ਨੂੰ ਹੋਣਾ ਸੀ, ਪਰ ਹੁਣ ਇਹ ਇੱਕ ਨਵੀਂ ਤਰੀਕ 'ਤੇ ਹੋਵੇਗਾ, ਜਿਸਦਾ ਐਲਾਨ "ਬਾਅਦ ਵਿੱਚ ਕਿਸੇ ਹੋਰ ਢੁਕਵੇਂ ਸਮੇਂ 'ਤੇ" ਕੀਤਾ ਜਾਵੇਗਾ। ਉਨ੍ਹਾਂ ਕਿਹਾ, "ਕਲਾ ਇੰਤਜ਼ਾਰ ਕਰ ਸਕਦੀ ਹੈ। ਭਾਰਤ ਪਹਿਲਾਂ ਆਉਂਦਾ ਹੈ। ਸਾਡੇ ਦੇਸ਼ ਦੀ ਸਰਹੱਦ 'ਤੇ ਹੋ ਰਹੇ ਘਟਨਾਕ੍ਰਮ ਅਤੇ ਮੌਜੂਦਾ ਹਾਈ ਅਲਰਟ ਦੀ ਸਥਿਤੀ ਨੂੰ ਦੇਖਦੇ ਹੋਏ, ਅਸੀਂ 'ਠੱਗ ਲਾਈਫ' ਦੇ ਆਡੀਓ ਲਾਂਚ ਨੂੰ ਦੁਬਾਰਾ ਸ਼ਡਿਊਲ ਕਰਨ ਦਾ ਫੈਸਲਾ ਕੀਤਾ ਹੈ ਜੋ ਪਹਿਲਾਂ 16 ਮਈ ਨੂੰ ਕੀਤਾ ਗਿਆ ਸੀ।" 

ਇਹ ਵੀ ਪੜ੍ਹੋ: 'ਹੀਰੋ ਵਾਂਗ ਸਾਡੀ ਰੱਖਿਆ ਕੀਤੀ...', ਅਨੁਸ਼ਕਾ ਸ਼ਰਮਾ ਨੇ ਹਥਿਆਰਬੰਦ ਸੈਨਾਵਾਂ ਲਈ ਸਾਂਝੀ ਕੀਤੀ ਖਾਸ ਪੋਸਟ

ਹਾਸਨ ਨੇ ਕਿਹਾ, "ਸਾਡੇ ਸਿਪਾਹੀ ਸਾਡੀ ਮਾਤ ਭੂਮੀ ਦੀ ਰੱਖਿਆ ਲਈ ਅਦੁੱਤੀ ਹਿੰਮਤ ਨਾਲ ਸਭ ਤੋਂ ਅੱਗੇ ਖੜ੍ਹੇ ਹਨ। ਮੇਰਾ ਮੰਨਣਾ ਹੈ ਕਿ ਇਹ ਜਸ਼ਨ ਮਨਾਉਣ ਦਾ ਸਮਾਂ ਨਹੀਂ ਹੈ, ਸਗੋਂ ਏਕਤਾ ਦਿਖਾਉਣ ਦਾ ਹੈ। ਇਸ ਸਮੇਂ, ਸਾਡੀ ਹਮਦਰਦੀ ਸਾਡੇ ਹਥਿਆਰਬੰਦ ਬਲਾਂ ਦੇ ਉਨ੍ਹਾਂ ਬਹਾਦਰ ਪੁਰਸ਼ਾਂ ਅਤੇ ਔਰਤਾਂ ਨਾਲ ਹੈ, ਜੋ ਸਾਡੇ ਦੇਸ਼ ਦੀ ਸੁਰੱਖਿਆ ਦੀ ਰਾਖੀ ਕਰਦੇ ਹਨ।"  ਅਦਾਕਾਰ ਨੇ ਕਿਹਾ ਕਿ ਇਹ ਸਾਰੇ ਨਾਗਰਿਕਾਂ ਦਾ ਫਰਜ਼ ਹੈ ਕਿ ਉਹ "ਸੰਜਮ ਅਤੇ ਏਕਤਾ" ਨਾਲ ਪ੍ਰਤੀਕਿਰਿਆ ਦੇਣ। ਹਾਸਨ ਅਤੇ ਮਣੀ ਰਤਨਮ 35 ਸਾਲਾਂ ਦੇ ਅੰਤਰਾਲ ਤੋਂ ਬਾਅਦ ਗੈਂਗਸਟਰ ਡਰਾਮਾ ਫਿਲਮ 'ਠੱਗ ਲਾਈਫ' ਵਿੱਚ ਦੁਬਾਰਾ ਇਕੱਠੇ ਕੰਮ ਕਰ ਰਹੇ ਹਨ। ਇਹ ਤਾਮਿਲ ਸੁਪਰਸਟਾਰ ਦੀ 234ਵੀਂ ਫਿਲਮ ਹੋਵੇਗੀ। ਇਸ ਤੋਂ ਪਹਿਲਾਂ ਦੋਵਾਂ ਨੇ 1987 ਦੀ ਹਿੱਟ ਫਿਲਮ 'ਨਾਇਕਨ' ਵਿੱਚ ਕੰਮ ਕੀਤਾ ਸੀ। ਫਿਲਮ 'ਠੱਗ ਲਾਈਫ' 5 ਜੂਨ ਨੂੰ ਦੇਸ਼ ਭਰ ਦੇ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਣ ਜਾ ਰਹੀ ਹੈ।

ਇਹ ਵੀ ਪੜ੍ਹੋ: ਭਾਰਤ-ਪਾਕਿ ਤਣਾਅ ਦਰਮਿਆਨ ਲਖਵਿੰਦਰ ਵਡਾਲੀ ਨੇ ਆਪਣਾ ਅੱਜ ਦਾ ਮੁੰਬਈ ਸ਼ੋਅ ਕੀਤਾ ਰੱਦ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8