ਯਸ਼ ਚੋਪੜਾ ਫਾਊਂਡੇਸ਼ਨ ਨੇ ‘ਸਾਥੀ ਪ੍ਰੋਗਰਾਮ 2026’ ਦੀ ਸ਼ੁਰੂਆਤ ਕੀਤੀ

ਮੁੰਬਈ- ਯਸ਼ ਚੋਪੜਾ ਫਾਊਂਡੇਸ਼ਨ, ਜੋ ਯਸ਼ ਰਾਜ ਫਿਲਮਜ਼ ਦੀ ਬ੍ਰਾਂਚ ਹੈ, ਨੇ ‘ਸਾਥੀ ਪ੍ਰੋਗਰਾਮ’ ਦੇ ਸ਼ੁਰੂਆਤ ਦਾ ਐਲਾਨ ਕੀਤਾ ਹੈ। ਇਹ ਸਾਲ ਭਰ ਚੱਲਣ ਵਾਲੀ ਕਲਿਆਣਕਾਰੀ ਪਹਿਲ ਹੈ, ਜਿਸ ਦਾ ਉਦੇਸ਼ ਫਿਲਮ ਉਦਯੋਗ ਨਾਲ ਜੁੜੇ ਕਾਮਿਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਨਿਰੰਤਰ ਅਤੇ ਬਣਦੀ ਸਹਾਇਤਾ ਮੁਹੱਈਆ ਕਰਨਾ ਹੈ।

ਇਸ ਪਹਿਲ ਦੇ ਤਹਿਤ ਮਹੀਨੇਵਾਰ ਘਰੇਲੂ ਸਹਾਇਤਾ ਦੇ ਮਾਧਿਅਮ ਨਾਲ ਖੁਰਾਕ ਸੁਰੱਖਿਆ ਨੂੰ ਮਜ਼ਬੂਤ ਕਰਨਾ, ਦਵਾਈਆਂ ਅਤੇ ਜ਼ਰੂਰੀ ਜਾਂਚ ਸਣੇ ਸਿਹਤ ਸੇਵਾਵਾਂ ਤੱਕ ਪਹੁੰਚ ਯਕੀਨੀ ਕਰਨਾ, ਬੱਚਿਆਂ ਦੀ ਸਿੱਖਿਆ ਅਤੇ ਪੜ੍ਹਾਈ ਨਾਲ ਜੁੜੀਆਂ ਜ਼ਰੂਰਤਾਂ ਲਈ ਸਹਾਇਤਾ ਅਤੇ ਸਾਲਾਨਾ ਜੱਦੀ ਸਥਾਨ ਯਾਤਰਾ ਸਣੇ ਜ਼ਰੂਰੀ ਯਾਤਰਾ ਸਹਿਯੋਗ ਸ਼ਾਮਿਲ ਹੈ। ਸੇਵਾ-ਮੁਕਤ ਫਿਲਮ ਕਰਮੀਆਂ (60 ਸਾਲ ਅਤੇ ਵੱਧ) ਅਤੇ ਦਿਵਿਆਂਗ ਵਿਅਕਤੀਆਂ ’ਤੇ ਵਿਸ਼ੇਸ਼ ਧਿਆਨ ਦਿੱਤਾ ਗਿਆ ਹੈ, ਇਹ ਮੰਨਦੇ ਹੋਏ ਕਿ ਉਨ੍ਹਾਂ ਦੀਆਂ ਸਿਹਤ ਸਬੰਧੀ ਜ਼ਰੂਰਤਾਂ ਵੱਧ ਹੁੰਦੀਆਂ ਹਨ ਅਤੇ ਆਮਦਨ ਦੇ ਮੌਕੇ ਸੀਮਿਤ ਹੁੰਦੇ ਹਨ। ਸਾਥੀ ਪ੍ਰੋਗਰਾਮ ਲਈ ਯੋਗਤਾ ਵਿੱਚ ਮਾਨਤਾ ਪ੍ਰਾਪਤ ਯੂਨੀਅਨਾਂ ਤੋਂ ਰਜਿਸਟਰਡ ਸਰਗਰਮ ਫਿਲਮ ਉਦਯੋਗ ਕਰਮੀ, ਘੱਟ ਆਮਦਨ ਤੇ ਸਕੂਲ ਜਾਂ ਕਾਲਜ ’ਚ ਪੜ੍ਹਨ ਵਾਲੇ ਬੱਚਿਆਂ ਵਾਲੇ ਪਰਿਵਾਰ, ਨਿਰੰਤਰ ਸਿਹਤ ਅਤੇ ਇਲਾਜ਼ ਸਬੰਧੀ ਲੋੜਾਂ ਦਾ ਸਾਹਮਣਾ ਕਰ ਰਹੇ ਸੀਨੀਅਰ ਕਰਮੀ ਸ਼ਾਮਿਲ ਹਨ।