ਮਨੋਰੰਜਨ ਜਗਤ 'ਚ ਛਾਇਆ ਸੋਗ ; ਜਨਮਦਿਨ ਤੋਂ 2 ਦਿਨ ਪਹਿਲਾਂ ਹੀ ਮਸ਼ਹੂਰ influencer ਦਾ ਹੋ ਗਿਆ ਦੇਹਾਂਤ

ਐਂਟਰਟੇਨਮੈਂਟ ਡੈਸਕ- ਮਨੋਰੰਜਨ ਜਗਤ ਤੋਂ ਇੱਕ ਬਹੁਤ ਹੀ ਦਿਲ ਦਹਿਲਾ ਦੇਣ ਵਾਲੀ ਖ਼ਬਰ ਆਈ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਮਸ਼ਹੂਰ ਸੋਸ਼ਲ ਮੀਡੀਆ influencer ਅਤੇ ਕੰਟੈਂਟ ਕ੍ਰਿਏਟਰ ਮੀਸ਼ਾ ਅਗਰਵਾਲ ਦਾ 24 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਹੈ। ਮੀਸ਼ਾ ਨੇ ਆਪਣੇ 25ਵੇਂ ਜਨਮਦਿਨ ਤੋਂ ਦੋ ਦਿਨ ਪਹਿਲਾਂ ਆਖਰੀ ਸਾਹ ਲਿਆ, ਉਸਦੀ ਮੌਤ ਦੀ ਖ਼ਬਰ ਨੇ ਉਸਨੂੰ ਜਾਣਨ ਵਾਲੇ ਹਰ ਸ਼ਖਸ ਨੂੰ ਸਦਮੇ ਵਿੱਚ ਪਾ ਦਿੱਤਾ ਹੈ।

ਮੀਸ਼ਾ ਦਾ ਦੇਹਾਂਤ 24 ਅਪ੍ਰੈਲ 2025 ਨੂੰ ਹੋਇਆ ਸੀ ਅਤੇ ਅੱਜ 26 ਅਪ੍ਰੈਲ ਨੂੰ ਉਸਦਾ ਜਨਮਦਿਨ ਹੈ। ਉਸਦੇ ਪਰਿਵਾਰ ਨੇ ਇਹ ਦੁਖਦਾਈ ਜਾਣਕਾਰੀ ਇੰਸਟਾਗ੍ਰਾਮ ਰਾਹੀਂ ਦਿੱਤੀ ਹੈ। ਇਸ ਪੋਸਟ ਵਿੱਚ ਲਿਖਿਆ ਹੈ- 'ਬਹੁਤ ਦੁਖੀ ਹਿਰਦੇ ਨਾਲ ਅਸੀਂ ਤੁਹਾਡੇ ਨਾਲ ਮੀਸ਼ਾ ਅਗਰਵਾਲ ਦੇ ਦੇਹਾਂਤ ਦੀ ਖ਼ਬਰ ਸਾਂਝੀ ਕਰ ਰਹੇ ਹਾਂ।' ਤੁਹਾਡੇ ਵੱਲੋਂ ਉਸਨੂੰ ਅਤੇ ਉਸਦੇ ਕੰਮ ਨੂੰ ਦਿੱਤੇ ਗਏ ਸਾਰੇ ਪਿਆਰ ਅਤੇ ਸਮਰਥਨ ਲਈ ਧੰਨਵਾਦ। ਅਸੀਂ ਅਜੇ ਵੀ ਨੁਕਸਾਨ ਤੋਂ ਉਭਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ। ਕਿਰਪਾ ਕਰਕੇ ਉਸਨੂੰ ਆਪਣੇ ਵਿਚਾਰਾਂ ਵਿੱਚ ਰੱਖੋ ਅਤੇ ਉਸਦੀ ਆਤਮਾ ਨੂੰ ਆਪਣੇ ਦਿਲਾਂ ਵਿੱਚ ਰੱਖੋ। 

ਮੀਸ਼ਾ ਅਗਰਵਾਲ ਸੋਸ਼ਲ ਮੀਡੀਆ 'ਤੇ ਬਹੁਤ ਸਰਗਰਮ ਸੀ ਅਤੇ ਅਕਸਰ ਆਪਣੇ ਮਜ਼ਾਕੀਆ ਅਤੇ ਮੇਕਅਪ ਵੀਡੀਓ ਪ੍ਰਸ਼ੰਸਕਾਂ ਨਾਲ ਸਾਂਝੇ ਕਰਦੀ ਸੀ।