​​​​​​​Ultra-Rich ਲੋਕਾਂ ਦੀਆਂ ਅਜੀਬ ਮੰਗਾਂ ਨੇ ਬਦਲੀ ਟੂਰਿਜ਼ਮ ਇੰਡਸਟਰੀ ਦੀ ਤਸਵੀਰ, ਪਾਣੀ ਵਾਂਗ ਵਹਾ ਰਹੇ ਪੈਸਾ

ਬਿਜ਼ਨੈੱਸ ਡੈਸਕ : ਅਲਟਰਾ-ਰਿਚ (ਬਹੁਤ ਅਮੀਰ) ਲੋਕਾਂ ਲਈ ਹੁਣ ਲਗਜ਼ਰੀ ਸੈਰ-ਸਪਾਟਾ ਸਿਰਫ਼ ਪੰਜ ਸਿਤਾਰਾ ਹੋਟਲਾਂ ਤੱਕ ਸੀਮਿਤ ਨਹੀਂ ਰਿਹਾ ਹੈ। ਹੁਣ ਇਹ ਲੋਕ ਅਜਿਹੇ ਤਜ਼ਰਬਿਆਂ ਦੀ ਭਾਲ ਵਿੱਚ ਹਨ ਜੋ ਕਿਸੇ ਹੋਰ ਨੂੰ ਨਾ ਮਿਲੇ ਹੋਣ। ਇਨ੍ਹਾਂ ਅਮੀਰ ਸੈਲਾਨੀਆਂ ਲਈ ਪੈਸਾ ਕੋਈ ਮਾਇਨੇ ਨਹੀਂ ਰੱਖਦਾ, ਪਰ ਉਹ ਕਿਸੇ ਵੀ ਕੰਮ ਲਈ ਲਾਈਨ ਵਿੱਚ ਲੱਗਣਾ ਬਿਲਕੁਲ ਪਸੰਦ ਨਹੀਂ ਕਰਦੇ।

ਇਹ ਵੀ ਪੜ੍ਹੋ :     100 ਰੁਪਏ ਦਾ ਨੋਟ ਰਾਤੋਂ-ਰਾਤ ਬਣਾ ਸਕਦੈ ਕਰੋੜਪਤੀ; ਜਾਣੋ ਇਸ ਦਾ ਖ਼ਾਸ ਇਤਿਹਾਸਕ ਮਹੱਤਵ

'ਟ੍ਰੈਵਲ ਅਲਕੇਮਿਸਟਾਂ' ਦੀ ਮੰਗ ਵਿੱਚ ਭਾਰੀ ਵਾਧਾ

ਦੁਨੀਆ ਭਰ ਵਿੱਚ ਇਨ੍ਹਾਂ ਅਮੀਰਾਂ ਦੀਆਂ ਵਿਲੱਖਣ ਮੰਗਾਂ ਨੂੰ ਪੂਰਾ ਕਰਨ ਲਈ 'ਟ੍ਰੈਵਲ ਅਲਕੇਮਿਸਟ' ਅਤੇ 'ਕੰਸੀਅਰਜ' ਦੀ ਇੱਕ ਨਵੀਂ ਫੌਜ ਤਿਆਰ ਹੋ ਗਈ ਹੈ। ਇਸ ਨੂੰ ਅਮੀਰਾਂ ਦੀ ਦੁਨੀਆ ਦੀ 'ਆਰਮਜ਼ ਰੇਸ' (ਹਥਿਆਰਾਂ ਦੀ ਦੌੜ) ਵਜੋਂ ਦੇਖਿਆ ਜਾ ਰਿਹਾ ਹੈ, ਜਿੱਥੇ ਹਰ ਕੋਈ ਦੂਜੇ ਤੋਂ ਵਧੀਆ ਅਨੁਭਵ ਚਾਹੁੰਦਾ ਹੈ।

ਇਹ ਵੀ ਪੜ੍ਹੋ :    ਹੋਰ ਡਿੱਗਣਗੀਆਂ ਸੋਨੇ ਦੀਆਂ ਕੀਮਤਾਂ, 1 ਲੱਖ ਤੋਂ ਹੇਠਾਂ ਜਾਏਗਾ ਭਾਅ, ਮਾਹਰਾਂ ਦੀ ਵੱਡੀ ਭਵਿੱਖਬਾਣੀ

ਹੈਰਾਨ ਕਰਨ ਵਾਲੀਆਂ ਮੰਗਾਂ:

ਸਟੇਡੀਅਮ ਤੋਂ ਲੈ ਕੇ ਯਾਟ 'ਤੇ ਕਾਲੀਨ ਤੱਕ ਵੇਵੀਅਸ ਕਲੱਬ ਦੇ ਸੇਲਜ਼ ਹੈੱਡ ਕਾਲੋਂ ਨੋਸੇਲਾ ਅਤੇ ਹੋਰ ਮਾਹਿਰਾਂ ਨੇ ਅਮੀਰ ਗਾਹਕਾਂ ਦੀਆਂ ਕੁਝ ਅਜਿਹੀਆਂ ਮੰਗਾਂ ਦਾ ਜ਼ਿਕਰ ਕੀਤਾ ਹੈ ਜੋ ਕਿਸੇ ਨੂੰ ਵੀ ਹੈਰਾਨ ਕਰ ਸਕਦੀਆਂ ਹਨ:

• ਇਕ ਅਮੀਰ ਗਾਹਕ ਨੇ ਹੋਟਲ ਦੇ ਕਮਰੇ ਵਿੱਚੋਂ ਹਰ ਲਾਲ ਰੰਗ ਦੀ ਚੀਜ਼ ਹਟਾਉਣ ਦੀ ਮੰਗ ਕੀਤੀ।

• ਇਕ ਪਿਤਾ ਨੇ ਆਪਣੇ ਬੇਟੇ ਲਈ ਇਟਲੀ ਦਾ ਪੂਰਾ ਨੈਸ਼ਨਲ ਸਟੇਡੀਅਮ ਬੁੱਕ ਕਰ ਲਿਆ ਤਾਂ ਜੋ ਉਹ ਪੇਸ਼ੇਵਰ ਫੁੱਟਬਾਲਰਾਂ ਨਾਲ ਮੈਚ ਖੇਡ ਸਕੇ।

ਇਹ ਵੀ ਪੜ੍ਹੋ :     ਸਰਕਾਰੀ ਬੈਂਕ ਦੇ Assistant Manager ਦੀ ਧੋਖਾਧੜੀ, ਲਾਕਰ 'ਚੋਂ ਚੋਰੀ ਕੀਤਾ 3 ਕਿਲੋ ਸੋਨਾ

• ਇਕ ਮਹਿਲਾ ਨੇ 6 ਕਰੋੜ ਰੁਪਏ ਪ੍ਰਤੀ ਹਫਤੇ ਵਾਲਾ ਯਾਟ (ਲਗਜ਼ਰੀ ਕਿਸ਼ਤੀ) ਕਿਰਾਏ 'ਤੇ ਲਿਆ ਅਤੇ ਕਿਉਂਕਿ ਉਹ ਆਪਣੀ 'ਹਾਈ ਹੀਲ' ਨਹੀਂ ਉਤਾਰਨਾ ਚਾਹੁੰਦੀ ਸੀ, ਇਸ ਲਈ ਪੂਰੇ ਯਾਟ 'ਤੇ ਕਾਲੀਨ (carpet) ਵਿਛਵਾ ਦਿੱਤਾ ਗਿਆ।

ਕੁੱਤਿਆਂ ਲਈ ਵੀ ਵਿਸ਼ੇਸ਼ ਸਹੂਲਤਾਂ

ਬਾਰਸੀਲੋਨਾ ਦੇ ਹੋਟਲਾਂ ਵਿੱਚ ਮਹਿਮਾਨਾਂ ਦੇ ਆਉਣ ਤੋਂ ਪਹਿਲਾਂ ਹੀ ਉਨ੍ਹਾਂ ਤੋਂ ਇੱਕ ਵਿਸ਼ੇਸ਼ ਪ੍ਰਸ਼ਨਾਵਲੀ ਭਰਵਾਈ ਜਾਂਦੀ ਹੈ। ਇਸ ਵਿੱਚ ਇੱਥੋਂ ਤੱਕ ਕਿ ਪਾਲਤੂ ਕੁੱਤਿਆਂ ਲਈ ਵੀ ਬਿਸਕੁਟਾਂ ਤੋਂ ਲੈ ਕੇ ਲਗਜ਼ਰੀ ਪਾਣੀ ਤੱਕ ਦੀ ਚੋਣ ਪਹਿਲਾਂ ਹੀ ਤੈਅ ਕੀਤੀ ਜਾਂਦੀ ਹੈ। ਜੇਕਰ ਕੋਈ ਮਹਿਮਾਨ ਸੇਵਾ ਤੋਂ ਨਾਰਾਜ਼ਗੀ ਜ਼ਾਹਰ ਕਰਦਾ ਹੈ, ਤਾਂ ਉਸਨੂੰ ਕਈ ਲਗਜ਼ਰੀ ਆਫਰ ਬਿਲਕੁਲ ਮੁਫਤ ਦਿੱਤੇ ਜਾਂਦੇ ਹਨ।

ਇਹ ਵੀ ਪੜ੍ਹੋ :    ਸੋਨੇ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ ਦਾ ਖ਼ਦਸ਼ਾ, 80 ਹਜ਼ਾਰ ਰੁਪਏ ਤੱਕ ਟੁੱਟੇਗਾ ਭਾਅ!

ਭਵਿੱਖ ਦਾ ਵੱਡਾ ਬਾਜ਼ਾਰ

ਇਹ ਸੇਵਾਵਾਂ ਮੁੱਖ ਤੌਰ 'ਤੇ ਉਨ੍ਹਾਂ ਲੋਕਾਂ ਲਈ ਹਨ ਜਿਨ੍ਹਾਂ ਕੋਲ 250 ਕਰੋੜ ਰੁਪਏ ਤੋਂ ਵੱਧ ਦੀ ਨਿਵੇਸ਼ਯੋਗ ਜਾਇਦਾਦ ਹੈ। ਅੰਕੜਿਆਂ ਮੁਤਾਬਕ, 2025 ਵਿੱਚ ਇਹ ਬਾਜ਼ਾਰ 148 ਲੱਖ ਕਰੋੜ ਰੁਪਏ ਦਾ ਸੀ, ਜੋ 2033 ਤੱਕ 175 ਲੱਖ ਕਰੋੜ ਰੁਪਏ ਤੱਕ ਪਹੁੰਚਣ ਦੀ ਉਮੀਦ ਹੈ। ਸਾਲ 2027 ਤੱਕ ਬਹਾਮਾਸ ਅਤੇ ਮਾਲਦੀਵ ਵਿੱਚ ਅਜਿਹੇ ਪ੍ਰਾਈਵੇਟ ਟਾਪੂ ਵਿਕਸਿਤ ਕੀਤੇ ਜਾ ਰਹੇ ਹਨ, ਜਿੱਥੇ ਸਿਰਫ਼ ਇੱਕ ਵਿਲਾ ਬਣਾਉਣ ਦੀ ਲਾਗਤ ਹੀ 2800 ਕਰੋੜ ਰੁਪਏ ਤੋਂ ਵੱਧ ਹੈ।

ਇਹ ਵੀ ਪੜ੍ਹੋ :    Gold-Silver ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ: ਕੀ ਨਿਵੇਸ਼ ਦਾ ਇਹ ਸਹੀ ਸਮਾਂ ਹੈ ਜਾਂ ਅਜੇ ਹੋਰ ਡਿੱਗਣਗੇ ਭਾਅ?

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt