ਮੁਟਿਆਰਾਂ ਨੂੰ ਸਟਾਈਲਿਸ਼ ਲੁੱਕ ਦੇ ਰਹੇ ‘ਵੀ-ਨੈੱਕ ਕੁੜਤੀ ਸੈੱਟ’

ਵੈੱਬ ਡੈਸਕ- ਇਨ੍ਹੀਂ ਦਿਨੀਂ ਇੰਡੀਅਨ ਵੀਅਰ ’ਚ ਵੀ-ਨੈੱਕ ਕੁੜਤੀ ਸੈੱਟ ਦਾ ਕ੍ਰੇਜ਼ ਮੁਟਿਆਰਾਂ ਅਤੇ ਔਰਤਾਂ ਦੇ ਸਿਰ ਚੜ੍ਹ ਕੇ ਬੋਲ ਰਿਹਾ ਹੈ। ਕਾਲਜ ਜਾਣ ਵਾਲੀਆਂ ਮੁਟਿਆਰਾਂ ਤੋਂ ਲੈ ਕੇ ਕੰਮਕਾਜੀ ਔਰਤਾਂ ਅਤੇ ਘਰੇਲੂ ਔਰਤਾਂ ਤੱਕ, ਹਰ ਕੋਈ ਵੀ-ਨੈੱਕ ਕੁੜਤੀ ਸੈੱਟ ਨੂੰ ਆਪਣੇ ਵਾਰਡਰੋਬ ’ਚ ਸ਼ਾਮਲ ਕਰ ਰਿਹਾ ਹੈ। ਇਸ ਦੀ ਸਭ ਤੋਂ ਵੱਡੀ ਵਜ੍ਹਾ ਹੈ ਇਸ ਦਾ ਸਟਾਈਲਿਸ਼ ਲੁੱਕ ਅਤੇ ਜ਼ਬਰਦਸਤ ਕੰਫਰਟ। ਕੈਜ਼ੁਅਲ ਆਊਟਿੰਗ ਹੋਵੇ ਜਾਂ ਆਫਿਸ ਮੀਟਿੰਗ, ਵਿਆਹ-ਫੰਕਸ਼ਨ ਹੋਵੇ ਜਾਂ ਪਿਕਨਿਕ, ਹਰ ਮੌਕੇ ’ਤੇ ਵੀ-ਨੈੱਕ ਕੁੜਤੀ ਸੈੱਟ ਪਰਫੈਕਟ ਚੁਆਇਸ ਬਣ ਗਿਆ ਹੈ। ਵੀ-ਨੈੱਕ ਕੁੜਤੀ ਸੈੱਟ ’ਚ ਡਿਜ਼ਾਈਨ, ਰੰਗ ਅਤੇ ਪੈਟਰਨ ਦੀ ਭਰਮਾਰ ਹੈ। ਬਾਜ਼ਾਰ ’ਚ ਵੀ-ਨੈੱਕ ਨਾਇਰਾ ਕੱਟ ਕੁੜਤੀ ਸੈੱਟ, ਵੀ-ਨੈੱਕ ਫਰਾਕ ਸਟਾਈਲ ਕੁੜਤੀ ਸੈੱਟ, ਵੀ-ਨੈੱਕ ਸਟ੍ਰੇਟ ਕੁੜਤੀ ਸੈੱਟ ਖੂਬ ਪਸੰਦ ਕੀਤੇ ਜਾ ਰਹੇ ਹਨ। ਕੁੜਤੀ ਦੇ ਨਾਲ ਬਾਟਮ ਦੀ ਵੀ ਕਈ ਵੈਰਾਇਟੀ ਮਿਲ ਰਹੀ ਹੈ। ਕੋਈ ਸ਼ਰਾਰਾ ਦੇ ਨਾਲ ਵੀ-ਨੈੱਕ ਕੁੜਤੀ ਲੈ ਰਿਹਾ ਹੈ ਤਾਂ ਕੋਈ ਪਲਾਜ਼ੋ, ਪੈਰਲਲ ਪੈਂਟ ਜਾਂ ਸਟ੍ਰੇਟ ਪੈਂਟ ਦੇ ਨਾਲ, ਮੁਟਿਆਰਾਂ ਆਪਣੀ ਬਾਡੀ ਟਾਈਪ ਅਤੇ ਪਸੰਦ ਦੇ ਅਨੁਸਾਰ ਬਾਟਮ ਚੁਣ ਰਹੀਆਂ ਹਨ।

ਵੀ-ਨੈੱਕ ਕੁੜਤੀ ਸੈੱਟ ਦੀ ਖ਼ਾਸੀਅਤ ਹੈ ਕਿ ਇਹ ਹਰ ਮੌਕੇ ’ਤੇ ਫਿੱਟ ਬੈਠਦੀ ਹੈ। ਆਫਿਸ, ਇੰਟਰਵਿਊ ਜਾਂ ਫਾਰਮਲ ਮੀਟਿੰਗ ਲਈ ਪਲੇਨ ਵੀ-ਨੈੱਕ ਕੁੜਤੀ ਸੈੱਟ ਵਿਦ ਸੇਮ ਕਲਰ ਪੈਂਟ ਪ੍ਰੋਫੈਸ਼ਨਲ ਅਤੇ ਸੋਬਰ ਲੁੱਕ ਦਿੰਦੇ ਹਨ। ਉੱਥੇ ਹੀ ਫਲੋਰਲ ਪ੍ਰਿੰਟ, ਐਬਸਟਰੈਕਟ ਪ੍ਰਿੰਟ ਜਾਂ ਡਿਜੀਟਲ ਪ੍ਰਿੰਟ ਵਾਲੇ ਵੀ-ਨੈੱਕ ਕੁੜਤੀ ਸੈੱਟ ਸ਼ਾਪਿੰਗ, ਪਿਕਨਿਕ, ਫਰੈਂਡਜ਼ ਦੇ ਨਾਲ ਆਊਟਿੰਗ ਦੇ ਲਈ ਮੁਟਿਆਰਾਂ ਦੇ ਫੇਵਰੇਟ ਬਣੇ ਹੋਏ ਹਨ। ਵਿਆਹ-ਫੰਕਸ਼ਨ ਜਾਂ ਤਿਉਹਾਰਾਂ ਲਈ ਹੈਵੀ ਐਂਬ੍ਰਾਇਡਰੀ, ਗੋਟਾ-ਪੱਤੀ ਵਰਕ, ਮਿਰਰ ਵਰਕ ਅਤੇ ਸਟੋਨ ਵਰਕ ਵਾਲੇ ਵੀ-ਨੈੱਕ ਕੁੜਤੀ ਸੈੱਟ ਦੀ ਡਿਮਾਂਡ ਸਭ ਤੋਂ ਜ਼ਿਆਦਾ ਹੈ। ਇਹ ਸੈੱਟ ਰਾਇਲ ਅਤੇ ਗ੍ਰੇਸਫੁੱਲ ਲੁੱਕ ਦਿੰਦੇ ਹਨ। ਵੀ-ਨੈੱਕ ਕੁੜਤੀ ਸੈੱਟ ਬਿਨਾਂ ਲਾਈਨਿੰਗ ਦੇ ਵੀ ਕਾਫੀ ਕੰਫਰਟੇਬਲ ਹੁੰਦੇ ਹਨ। ਗਰਮੀ ’ਚ ਕਾਟਨ, ਰੇਯਾਨ ਅਤੇ ਲਿਨਨ ਦੇ ਵੀ-ਨੈੱਕ ਸੈੱਟ ਪੂਰਾ ਦਿਨ ਪਹਿਨਣ ’ਤੇ ਵੀ ਪ੍ਰੇਸ਼ਾਨ ਨਹੀਂ ਕਰਦੇ। ਉੱਥੇ ਹੀ, ਫੈਸਟਿਵ ਲੁੱਕ ਦੇ ਲਈ ਸਿਲਕ, ਜਾਰਜੈੱਟ ਅਤੇ ਚੰਦੇਰੀ ਫੈਬ੍ਰਿਕ ਦੇ ਸੈੱਟ ਮਿਲ ਰਹੇ ਹਨ। ਨੈੱਕਲਾਈਨ ’ਤੇ ਲੈਸ, ਐਂਬ੍ਰਾਇਡਰੀ, ਮਿਰਰ ਅਤੇ ਸਟੋਨ ਵਰਕ ਇਨ੍ਹਾਂ ਨੂੰ ਹੋਰ ਆਕਰਸ਼ਕ ਬਣਾਉਂਦੇ ਹਨ।

ਵੀ-ਨੈੱਕ ਕੁੜਤੀ ਸੈੱਟ ਦੇ ਨਾਲ ਮੁਟਿਆਰਾਂ ਮਿਨੀਮਲ ਜਿਊਲਰੀ ਕੈਰੀ ਕਰਨਾ ਪਸੰਦ ਕਰ ਰਹੀਆਂ ਹਨ। ਗਲੇ ’ਚ ਚੋਕਰ ਜਾਂ ਲੰਬਾ ਨੈੱਕਲੇਸ, ਕੰਨਾਂ ’ਚ ਝੁਮਕੇ, ਚਾਂਦਵਾਲੀ ਜਾਂ ਛੋਟੇ ਟਾਪਸ ਲੁੱਕ ਨੂੰ ਕੰਪਲੀਟ ਕਰ ਰਹੇ ਹਨ। ਇਸ ਦੇ ਨਾਲ ਮੈਚਿੰਗ ਪੋਟਲੀ ਬੈਗ, ਸਲਿੰਗ ਬੈਗ ਜਾਂ ਕਲੱਚ ਕੈਰੀ ਕੀਤਾ ਜਾ ਰਿਹਾ ਹੈ। ਫੁੱਟਵੀਅਰ ’ਚ ਕੋਲਹਾਪੁਰੀ ਚੱਪਲ, ਬੈਲੀ, ਸੈਂਡਲ, ਬਲਾਕ ਹੀਲਜ਼ ਅਤੇ ਪੰਜਾਬੀ ਜੁੱਤੀ ਦੀ ਡਿਮਾਂਡ ਹੈ। ਜ਼ਿਆਦਾਤਰ ਸੈੱਟਾਂ ਦੇ ਨਾਲ ਮੈਚਿੰਗ ਦੁਪੱਟਾ ਵੀ ਆਉਂਦਾ ਹੈ, ਜਿਸ ਨੂੰ ਮੁਟਿਆਰਾਂ ਓਪਨ ਜਾਂ ਪਲੀਟਸ ਬਣਾ ਕੇ ਕੈਰੀ ਕਰ ਰਹੀਆਂ ਹਨ। ਵੀ-ਨੈੱਕ ਕੁੜਤੀ ਸੈੱਟ ਆਨਲਾਈਨ ਅਤੇ ਆਫਲਾਈਨ ਦੋਵੇਂ ਜਗ੍ਹਾ ਆਸਾਨੀ ਨਾਲ ਮਿਲ ਰਹੇ ਹਨ। ਇਨ੍ਹਾਂ ਦੀ ਕੀਮਤ 800 ਰੁਪਏ ਤੋਂ ਸ਼ੁਰੂ ਹੋ ਕੇ ਡਿਜ਼ਾਈਨਰ ਪੀਸ ’ਚ 5,000 ਰੁਪਏ ਤੱਕ ਜਾਂਦੀ ਹੈ। ਕੁਲ ਮਿਲਾ ਕੇ ਵੀ-ਨੈੱਕ ਕੁੜਤੀ ਸੈੱਟ ਨੇ ਐਥਨਿਕ ਵੀਅਰ ਨੂੰ ਨਵਾਂ ਟ੍ਰੈਂਡੀ ਟਵਿਸਟ ਦਿੱਤਾ ਹੈ। ਕੰਫਰਟ, ਐਲੀਗੈਂਸ ਅਤੇ ਵਰਸਟੈਲਿਟੀ ਕਾਰਨ ਇਹ ਹਰ ਉਮਰ ਦੀਆਂ ਔਰਤਾਂ ਦੇ ਵਾਰਡਰੋਬ ਦਾ ਹਿੱਸਾ ਬਣ ਚੁੱਕਾ ਹੈ।