ਮਾਲ ਢੋਆ-ਢੁਆਈ ਨਾਲ ਸਬੰਧਤ ਹੋਵੇਗਾ ਰੇਲਵੇ ਅਧਿਕਾਰੀਆਂ ਦਾ ਮੁਲਾਂਕਣ

ਨਵੀਂ ਦਿੱਲੀ - ਰੇਲ ਮੰਤਰਾਲੇ ਨੇ ਰੇਲਵੇ ਕਰਮਚਾਰੀਆਂ ਦੇ ਪ੍ਰਦਰਸ਼ਨ ਦੇ ਮੁਲਾਂਕਣ ਵਿੱਚ ਮਾਲ ਢੋਆ-ਢੁਆਈ ਦੀ ਕਾਰਗੁਜ਼ਾਰੀ ਨੂੰ ਵੀ ਰੇਟਿੰਗ ਲਈ ਸ਼ਾਮਲ ਕਰ ਲਿਆ ਹੈ।

ਪ੍ਰਾਪਤ ਜਾਣਕਾਰੀ ਅਨੁਸਾਰ, ਕੇਂਦਰ ਨੇ ਵਿੱਤੀ ਸਾਲ 2023 ਲਈ ਭਾਰਤੀ ਰੇਲਵੇ ਦੇ ਡਿਵੀਜ਼ਨਲ ਅਫਸਰਾਂ ਦੇ ਮੁਲਾਂਕਣ ਦੀ ਗਣਨਾ ਦੇ ਢੰਗ ਵਿੱਚ ਮਾਮੂਲੀ ਬਦਲਾਅ ਕੀਤੇ ਹਨ, ਜਿਸ ਦੇ ਤਹਿਤ 'ਕੀ ਪਰਫਾਰਮੈਂਸ ਇੰਡੀਕੇਟਰਸ (ਕੇਪੀਆਈ)' ਦੇ ਸਕੋਰ ਨੂੰ 30 ਫ਼ੀਸਦੀ ਵੇਟੇਜ ਦਿੱਤਾ ਹੈ।

ਰੇਲਵੇ ਮੰਤਰਾਲੇ ਦੇ ਇੱਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ, "ਇਨ੍ਹਾਂ ਸਕੋਰਾਂ ਵਿੱਚ, ਖੇਤਰ ਅਤੇ ਡਿਵੀਜ਼ਨਲ ਮਾਲੀਆ, ਮਾਲ ਅਤੇ ਰੇਲਗੱਡੀ ਦੀ ਆਵਾਜਾਈ ਦੀ ਕੁਸ਼ਲਤਾ ਨੂੰ ਵੀ ਇੱਕ ਮਹੱਤਵਪੂਰਨ ਸਥਾਨ ਦਿੱਤਾ ਜਾਵੇਗਾ।" ਇਸ ਸਮੇਂ ਰੇਲਵੇ ਵਿੱਚ 17 ਜ਼ੋਨ ਅਤੇ 68 ਡਿਵੀਜ਼ਨ ਹਨ।

ਇਹ ਵੀ ਪੜ੍ਹੋ :  1 ਜੁਲਾਈ ਤੋਂ ਬਦਲ ਜਾਣਗੇ ਇਹ ਜ਼ਰੂਰੀ ਨਿਯਮ, ਤੁਹਾਡੀ ਜੇਬ 'ਤੇ ਪਵੇਗਾ ਵੱਡਾ ਅਸਰ

ਇਹ ਸਕੋਰ ਰੇਲਵੇ ਦੀ ਸਾਲਾਨਾ ਮੁਲਾਂਕਣ ਰਿਪੋਰਟ (APAR) ਦਾ ਹਿੱਸਾ ਹਨ। ਇੱਕ ਅਧਿਕਾਰਤ ਆਦੇਸ਼ ਵਿੱਚ ਕਿਹਾ ਗਿਆ ਹੈ ਕਿ ਇਹ ਅੰਕ ਕਰਮਚਾਰੀ ਦੇ ਸਾਲਾਨਾ ਮੁਲਾਂਕਣ ਦਾ ਇੱਕ ਤਿਹਾਈ ਹਿੱਸਾ ਬਣਨਗੇ ਅਤੇ ਰੇਲਵੇ ਬੋਰਡ ਦੇ ਨਿਦੇਸ਼ਾਲਾ ਕਾਰਜਕੁਸ਼ਲਤਾ ਅਤੇ ਖੋਜ ਦੁਆਰਾ ਦਿੱਤੇ ਜਾਣਗੇ।

ਰੇਲ ਮੰਤਰਾਲੇ ਨੇ ਇਹ ਕਦਮ ਮਾਲ ਭਾੜੇ ਦੀ ਕਾਰਗੁਜ਼ਾਰੀ ਨੂੰ ਸਰਵੋਤਮ ਪੱਧਰ 'ਤੇ ਲਿਜਾਣ ਲਈ ਆਪਣੀ ਮੁਹਿੰਮ ਦੇ ਹਿੱਸੇ ਵਜੋਂ ਚੁੱਕਿਆ ਹੈ। ਮੰਤਰਾਲੇ ਦਾ ਟੀਚਾ 2024 ਤੱਕ 200 ਮਿਲੀਅਨ ਟਨ ਅਤੇ 2030 ਤੱਕ ਸਾਲਾਨਾ 300 ਮਿਲੀਅਨ ਟਨ ਮਾਲ ਢੁਆਈ ਤੱਕ ਪਹੁੰਚਣ ਦਾ ਹੈ। ਪਿਛਲੇ ਵਿੱਤੀ ਸਾਲ ਵਿੱਚ, ਭਾਰਤੀ ਰੇਲਵੇ ਨੇ 140 ਮਿਲੀਅਨ ਟਨ ਤੋਂ ਵੱਧ ਮਾਲ ਅਤੇ ਕੱਚੇ ਮਾਲ ਦੀ ਢੋਆ-ਢੁਆਈ ਕੀਤੀ।

ਸਾਲਾਨਾ ਮੁਲਾਂਕਣ ਦਾ 70 ਪ੍ਰਤੀਸ਼ਤ ਕਰਮਚਾਰੀ ਦੁਆਰਾ ਸਵੈ-ਮੁਲਾਂਕਣ ਦੀ ਮੌਜੂਦਾ ਪੰਜ-ਪੜਾਵੀ ਵਿਧੀ 'ਤੇ ਅਧਾਰਤ ਹੋਵੇਗਾ। ਰਿਪੋਰਟਿੰਗ ਅਫਸਰ ਦੁਆਰਾ ਮੁਲਾਂਕਣ ਅਤੇ ਰੇਟਿੰਗ ਦੇ ਦੋ ਪੜਾਅ ਹੋਣਗੇ ਅਤੇ ਫਿਰ ਇੱਕ ਸਮੀਖਿਆ ਅਧਿਕਾਰੀ ਦੁਆਰਾ ਰਿਪੋਰਟਿੰਗ ਅਫਸਰਾਂ ਦੀਆਂ ਰੇਟਿੰਗਾਂ ਅਤੇ ਟਿੱਪਣੀਆਂ ਦੇ ਮੁਲਾਂਕਣ ਦੇ ਦੋ ਹੋਰ ਪੜਾਅ ਹੋਣਗੇ।

ਇਹ ਵੀ ਪੜ੍ਹੋ : 100 ਸਾਲ 'ਚ ਪਹਿਲੀ ਵਾਰ ਵਿਦੇਸ਼ੀ ਕਰਜ਼ਾ ਚੁਕਾਉਣ ਵਿਚ ਨਾਕਾਮਯਾਬ ਹੋਇਆ ਰੂਸ, ਜਾਣੋ ਵਜ੍ਹਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।