ਮੂਧੇ ਮੂੰਹ ਡਿੱਗਾ Paytm ਦਾ ਸਟਾਕ, ਜਾਣੋ ਕੀ ਹੈ ਕਾਰਨ

ਮੁੰਬਈ - ਹਾਲ ਹੀ ਵਿੱਚ ਸੂਚੀਬੱਧ ਹੋਈ ਫਿਨਟੇਕ ਕੰਪਨੀ ਪੇਟੀਐਮ ਦੇ ਸ਼ੇਅਰਾਂ ਵਿੱਚ ਅੱਜ ਭਾਰੀ ਗਿਰਾਵਟ ਦੇਖਣ ਨੂੰ ਮਿਲੀ। ਪੇਟੀਐਮ ਦੀ ਮੂਲ ਕੰਪਨੀ One97 ਕਮਿਊਨੀਕੇਸ਼ਨ ਦੇ ਸ਼ੇਅਰ ਬੀਐਸਈ 'ਤੇ ਵਪਾਰ ਦੌਰਾਨ 13 ਫੀਸਦੀ ਡਿੱਗ ਕੇ 1297.70 ਰੁਪਏ 'ਤੇ ਆ ਗਏ। ਹਾਲਾਂਕਿ, ਬਾਅਦ ਵਿੱਚ ਇਸ ਵਿੱਚ ਸੁਧਾਰ ਦੇਖਿਆ ਜਾ ਰਿਹਾ ਹੈ। 11.45 'ਤੇ 6.41 ਫੀਸਦੀ ਦੇ ਵਾਧੇ ਨਾਲ 1399.65 ਰੁਪਏ 'ਤੇ ਕਾਰੋਬਾਰ ਕਰ ਰਿਹਾ ਸੀ।

ਕੰਪਨੀ ਦੇ ਸ਼ੇਅਰਾਂ 'ਚ ਗਿਰਾਵਟ ਦਾ ਕਾਰਨ ਇਹ ਸੀ ਕਿ ਲਾਜ਼ਮੀ ਐਂਕਰ ਲਾਕ-ਇਨ ਪੀਰੀਅਡ ਅੱਜ ਖਤਮ ਹੋ ਗਿਆ। ਇਸ ਨਾਲ ਕੰਪਨੀ ਦੇ ਸ਼ੇਅਰਾਂ 'ਤੇ ਦਬਾਅ ਬਣਿਆ। ਮੰਗਲਵਾਰ ਨੂੰ ਇਹ 1495.45 ਰੁਪਏ ਦੀ ਕੀਮਤ 'ਤੇ ਬੰਦ ਹੋਇਆ ਸੀ। Paytm ਦਾ IPO ਪਿਛਲੇ ਮਹੀਨੇ ਆਇਆ ਸੀ ਅਤੇ ਇਹ ਸਟਾਕ ਬਾਜ਼ਾਰ ਦੇ ਪਹਿਲੇ ਹੀ ਦਿਨ 27 ਫੀਸਦੀ ਡਿੱਗ ਗਿਆ ਸੀ। ਇਹ 22 ਨਵੰਬਰ ਨੂੰ ਸੂਚੀਬੱਧ ਹੋਇਆ ਸੀ ਅਤੇ ਉਦੋਂ ਤੋਂ ਇਹ 18 ਵਿੱਚੋਂ 13 ਦਿਨਾਂ ਵਿੱਚ ਇਸ ਵਿਚ ਗਿਰਾਵਟ ਦੇਖਣ ਨੂੰ ਮਿਲ ਰਹੀ ਹੈ। ਇਹ ਅਜੇ ਤੱਕ ਆਪਣੇ  2,080-2,150 ਰੁਪਏ ਦੀ ਕੀਮਤ ਬੈਂਡ ਨੂੰ ਨਹੀਂ ਛੋਹ ਨਹੀਂ ਸਕਿਆ ਹੈ।

ਇਹ ਵੀ ਪੜ੍ਹੋ : ਬੈਂਕਾਂ ਨੂੰ 13 ਕੰਪਨੀਆਂ ਦੇ ਬੈਡ ਲੋਨ ਕਾਰਨ 2.85 ਲੱਖ ਕਰੋੜ ਦਾ ਨੁਕਸਾਨ, ਦੋ ਦਿਨਾਂ ਹੜਤਾਲ ਦਾ ਸੱਦਾ

ਸਭ ਤੋਂ ਵੱਡਾ ਆਈ.ਪੀ.ਓ

Paytm ਦਾ IPO ਦੇਸ਼ ਦਾ ਹੁਣ ਤੱਕ ਦਾ ਸਭ ਤੋਂ ਵੱਡਾ ਇਸ਼ੂ ਸੀ। ਇਸ ਰਾਹੀਂ ਕੰਪਨੀ ਨੇ ਪ੍ਰਾਇਮਰੀ ਬਾਜ਼ਾਰ ਤੋਂ 18,300 ਕਰੋੜ ਰੁਪਏ ਜੁਟਾਏ ਸਨ। ਇਸ ਇਸ਼ੂ ਨੂੰ 2 ਗੁਣਾ ਤੋਂ ਘੱਟ ਬੋਲੀ ਪ੍ਰਾਪਤ ਹੋਈ। ਇਸ ਦਾ ਮੁੱਲ ਬਹੁਤ ਜ਼ਿਆਦਾ ਸੀ, ਜਿਸ ਕਾਰਨ ਨਿਵੇਸ਼ਕਾਂ ਨੇ ਇਸ ਨੂੰ ਜ਼ਿਆਦਾ ਭਾਅ ਨਹੀਂ ਦਿੱਤਾ। ਇਸ ਨੂੰ ਐੱਚ.ਐੱਨ.ਆਈ. ਨਿਵੇਸ਼ਕਾਂ ਦੀ ਸ਼੍ਰੇਣੀ 'ਚ ਸਿਰਫ 24 ਫੀਸਦੀ ਬੋਲੀ ਮਿਲੀ ਸੀ।

ਟਰੇਡਿੰਗੋ ਦੇ ਸੰਸਥਾਪਕ ਪਾਰਥ ਨਿਆਤੀ ਨੇ ਕਿਹਾ ਕਿ ਪੇਟੀਐੱਮ ਦੇ ਸਟਾਕ 'ਚ ਗਿਰਾਵਟ ਕਾਰਨ ਖਰੀਦਦਾਰੀ ਹੋ ਸਕਦੀ ਹੈ ਪਰ ਜਦੋਂ ਤੱਕ ਇਸ ਦੀ ਸਹੀ ਕੀਮਤ ਤੈਅ ਨਹੀਂ ਹੋ ਜਾਂਦੀ, ਉਦੋਂ ਤੱਕ ਇਹ 1,300 ਤੋਂ 1,700 ਰੁਪਏ ਦੀ ਰੇਂਜ ਤੱਕ ਬਣਿਆ ਰਹੇਗਾ। ਉਨ੍ਹਾਂ ਨੇ ਕਿਹਾ ਕਿ ਪੇਟੀਐਮ ਦੀ ਸਭ ਤੋਂ ਵੱਡੀ ਤਾਕਤ ਉਸਦਾ ਮਜ਼ਬੂਤ ਕਸਟਮਰ ਬੇਸ ਹੈ।

ਇਹ ਵੀ ਪੜ੍ਹੋ : ਵਿਦੇਸ਼ਾਂ ਤੋਂ ਕਰੋੜਾਂ ਦੇ ਲੈਣ-ਦੇਣ ਨੂੰ ਲੈ ਕੇ RBI ਸਖ਼ਤ, ਬਣਾਇਆ ਇਹ ਨਿਯਮ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।