Whatsapp 'ਤੇ ਸ਼ੁਰੂ ਹੋਇਆ ਨਵਾਂ ਬਿਜ਼ਨੈੱਸ ਫ਼ੀਚਰ, ਜਾਣੋ ਕਿਵੇਂ ਕਰੇਗਾ ਇਹ ਕੰਮ
11/19/2022 6:38:06 PM
ਨਵੀਂ ਦਿੱਲੀ - ਵਾਟਸਐਪ ਨੇ ਵਪਾਰਕ ਉਪਭੋਗਤਾਵਾਂ ਲਈ ਇੱਕ ਨਵਾਂ ਫੀਚਰ ਜਾਰੀ ਕੀਤਾ ਹੈ। ਇਹ ਨਵਾਂ ਫੀਚਰ ਵਾਟਸਐਪ 'ਤੇ ਵਪਾਰੀਆਂ ਨੂੰ ਸ਼੍ਰੇਣੀ ਮੁਤਾਬਕ ਸਰਚ ਕਰਨ ਦੀ ਆਪਸ਼ਨ ਦੇਵੇਗਾ। ਉਪਭੋਗਤਾ ਯਾਤਰਾ ਜਾਂ ਬੈਂਕਿੰਗ ਖੇਤਰ ਦੀ ਖੋਜ ਕਰਨ ਲਈ ਕਿਸੇ ਵੀ ਵਿਅਕਤੀ ਦੇ ਨਾਮ ਦੁਆਰਾ ਖੋਜ ਕਰ ਸਕਦੇ ਹਨ। ਇਸ ਫੀਚਰ ਦੀ ਮਦਦ ਨਾਲ ਯੂਜ਼ਰ ਵਾਟਸਐਪ ਬਿਜ਼ਨਸ 'ਤੇ ਲੋਕਾਂ ਨੂੰ ਸਰਚ ਕਰ ਸਕਦੇ ਹਨ, ਉਨ੍ਹਾਂ ਨਾਲ ਚੈਟ ਕਰ ਸਕਦੇ ਹਨ ਅਤੇ ਵਟਸਐਪ 'ਤੇ ਖੁਦ ਖਰੀਦਦਾਰੀ ਵੀ ਕਰ ਸਕਦੇ ਹਨ। ਇਸ ਫ਼ੀਚਰ ਦੀ ਸਹਾਇਤਾ ਨਾਲ ਵਾਟਸਐਪ ਉਪਭੋਗਤਾ ਵੱਖ-ਵੱਖ ਸ਼੍ਰੇਣੀਆਂ - ਬੈਂਕਿੰਗ, ਯਾਤਰਾ , ਕਾਰੋਬਾਰ ਦੇ ਖ਼ੇਤਰ ਵਿੱਚ ਨਾਮ ਦੁਆਰਾ ਵੀ ਦੂਜੇ ਉਪਭੋਗਤਾਵਾਂ ਦੀ ਖੋਜ ਕਰ ਸਕਦੇ ਹਨ।
ਇਹ ਵੀ ਪੜ੍ਹੋ : ਅੰਬਾਨੀ-ਅਡਾਨੀ ਨੂੰ ਛੱਡ ਸਾਰੇ ਦਿੱਗਜਾਂ ਨੂੰ ਹੋਇਆ ਭਾਰੀ ਘਾਟਾ, Elon Musk ਦੇ ਵੀ 89 ਅਰਬ ਡਾਲਰ ਡੁੱਬੇ
ਇਸ ਬਿਜ਼ਨਸ ਅਪਡੇਟ ਦੇ ਤਹਿਤ ਹੁਣ ਵਟਸਐਪ ਯੂਜ਼ਰ ਇਸ ਐਪ 'ਚ ਖੁਦ ਹੀ ਬਿਜ਼ਨੈੱਸ ਸਰਚ ਕਰ ਸਕਣਗੇ ਅਤੇ ਇਸ ਰਾਹੀਂ ਸਿੱਧੇ ਸ਼ਾਪਿੰਗ ਵੀ ਕਰ ਸਕਣਗੇ। ਉਪਭੋਗਤਾ ਕਿਸੇ ਵੀ ਬ੍ਰਾਂਡ ਅਤੇ ਛੋਟੇ ਕਾਰੋਬਾਰ ਬਾਰੇ ਵਟਸਐਪ 'ਤੇ ਖੋਜ ਕਰਨ ਦੇ ਯੋਗ ਹੋਣਗੇ, ਭਾਵੇਂ ਇਹ ਸ਼੍ਰੇਣੀਆਂ ਦੀ ਸੂਚੀ ਦੁਆਰਾ ਜਾਂ ਇਸ ਦੀ ਖੋਜ ਲਈ ਨਾਮ ਟਾਈਪ ਕਰਕੇ ਕੀਤਾ ਜਾਵੇ।
ਇਹ ਵੀ ਪੜ੍ਹੋ : ਐਮਾਜ਼ੋਨ ਨੇ ਸ਼ੁਰੂ ਕੀਤੀ ਇਤਿਹਾਸ ਦੀ ਸਭ ਤੋਂ ਵੱਡੀ ਛਾਂਟੀ, ਜਾਣੋ ਭਾਰਤ ’ਤੇ ਕੀ ਹੋਵੇਗਾ ਅਸਰ
ਯੂਜ਼ਰਸ ਨੂੰ ਮਿਲੇਗੀ ਇਹ ਸਹੂਲਤ
- ਹਾਲਾਂਕਿ ਵਾਟਸਐਪ 'ਤੇ ਇਹ ਫੀਚਰ ਸਿਰਫ ਚੋਣਵੇਂ ਦੇਸ਼ਾਂ 'ਚ ਹੀ ਲਾਂਚ ਕੀਤਾ ਗਿਆ ਹੈ। ਕੰਪਨੀ ਨੇ ਇਸ ਨੂੰ ਬ੍ਰਾਜ਼ੀਲ, ਕੋਲੰਬੀਆ, ਇੰਡੋਨੇਸ਼ੀਆ, ਮੈਕਸਿਕੋ ਅਤੇ ਯੂ.ਕੇ. ਵਿਚ ਲਾਂਚ ਕੀਤਾ ਹੈ। ਕੰਪਨੀ ਨੇ ਇਕ ਬਲਾਗ ਪੋਸਟ ਜਾਰੀ ਕਰਕੇ ਇਸ ਫ਼ੀਚਰ ਬਾਰੇ ਜਾਣਕਾਰੀ ਦਿੱਤੀ ਹੈ।
- ਵਾਟਸਐਪ ਦਾ ਕਹਿਣਾ ਹੈ ਕਿ ਨਵਾਂ ਫ਼ੀਚਰ ਯੂਜ਼ਰਜ਼ ਨੂੰ ਵਪਾਰੀ ਦੀ ਪ੍ਰੋਫਾਈਲ 'ਤੇ ਅਸਾਨੀ ਨਾਲ ਸੰਪਰਕ ਸਥਾਪਤ ਕਰਨ ਵਿਚ ਮਦਦ ਕਰੇਗਾ।
- ਭਾਵ ਹੁਣ ਕਿਸੇ ਯੂਜ਼ਰ ਨਾਲ ਚੈਟ ਕਰਨ ਲਈ ਉਸ ਦੇ ਨੰਬਰ ਦੀ ਬਜਾਏ ਉਸ ਦੇ ਨਾਮ ਨਾਲ ਵੀ ਸਰਚ ਕੀਤਾ ਜਾ ਸਕੇਗਾ।
- ਅਜਿਹਾ ਕਰਨ ਲਈ ਯੂਜ਼ਰਜ਼ ਨੂੰ ਕਾਰੋਬਾਰੀਆਂ ਦੇ ਨੰਬਰ ਵੀ ਸੇਵ ਕਰਨ ਦੀ ਜ਼ਰੂਰਤ ਨਹੀਂ ਰਹਿ ਜਾਵੇਗੀ।
- ਵਾਟਸਐਪ ਮੁਤਾਬਕ ਇਹ ਫੀਚਰ ਯੂਜ਼ਰਜ਼ ਦੀ ਗੁਪਤਤਾ ਨੂੰ ਧਿਆਨ ਵਿਚ ਰੱਖ ਕੇ ਬਣਾਇਆ ਗਿਆ ਹੈ ਅਤੇ ਸੁਰੱਖ਼ਿਅਤ ਹੈ।
- ਇਸ ਦੇ ਨਾਲ ਹੀ ਇਸ ਵਿਚ ਪੇਮੈਂਟ ਦਾ ਵੀ ਆਪਸ਼ਨ ਮਿਲੇਗਾ।
ਇਹ ਵੀ ਪੜ੍ਹੋ : ਹੁਣ ਨਹੀਂ ਹੋ ਸਕੇਗੀ LPG ਸਿਲੰਡਰ ਤੋਂ ਗੈਸ ਚੋਰੀ , ਸਰਕਾਰ ਨੇ ਲਿਆ ਵੱਡਾ ਫ਼ੈਸਲਾ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
