FCI ਦੇ 1 ਲੱਖ ਤੋਂ ਵੱਧ ਕਾਮਿਆਂ ਨੂੰ ਮਿਲੇਗਾ 35 ਲੱਖ ਦਾ ਕੋਰੋਨਾ ਬੀਮਾ

ਨਵੀਂ ਦਿੱਲੀ — ਕੇਂਦਰੀ ਖਪਤਕਾਰ ਮਾਮਲੇ ਖੁਰਾਕ ਅਤੇ ਜਨਤਕ ਵੰਡ ਮੰਤਰੀ ਰਾਮ ਵਿਲਾਸ ਪਾਸਵਾਨ ਨੇ ਵੱਡਾ ਐਲਾਨ ਕਰਦੇ ਹੋਏ ਐਫ.ਸੀ.ਆਈ ਦੇ 80 ਹਜ਼ਾਰ ਵਰਕਰਾਂ ਸਮੇਤ ਕੁਲ 1,08714 ਕਾਮਿਆਂ ਨੂੰ 35 ਲੱਖ ਰੁਪਏ ਤੱਕ ਦਾ ਬੀਮਾ ਦੇਣ ਦੀ ਸਮਾਂ ਮਿਆਦ ਨੂੰ ਵਧਾ ਦਿੱਤਾ ਹੈ। ਰਾਮਵਿਲਾਸ ਪਾਸਵਾਨ ਨੇ ਟਵੀਟ ਕੀਤਾ ਕਿ ਐਫ.ਸੀ.ਆਈ. ਦੇ ਕੁੱਲ 1,08714 ਕਰਮਚਾਰੀਆਂ ਅਤੇ ਅਧਿਕਾਰੀਆਂ ਵਿਚੋਂ ਕਿਸੇ ਦੀ ਕੋਰੋਨਾ ਕਾਰਨ ਮੌਤ ਹੋਣ ਦੀ ਸਥਿਤੀ ਵਿਚ ਪਰਿਵਾਰ ਨੂੰ ਮੁਆਵਜ਼ਾ ਦੇਣ ਦੇ ਫੈਸਲੇ ਨੂੰ ਐਫ.ਸੀ.ਆਈ. ਨੇ 24 ਸਤੰਬਰ 2020 ਤੋਂ 6 ਮਹੀਨੇ ਲਈ ਵਧਾ ਦਿੱਤਾ ਹੈ।

ਕੇਂਦਰੀ ਖਪਤਕਾਰ ਮਾਮਲੇ ਖੁਰਾਕ ਅਤੇ ਜਨਤਕ ਵੰਡ ਮੰਤਰੀ ਰਾਮ ਵਿਲਾਸ ਪਾਸਵਾਨ ਨੇ ਕਿਹਾ ਹੈ ਕਿ ਸਰਕਾਰ ਸਾਡੇ ਕੋਰੋਨਾ ਵਾਰੀਅਰਜ਼ ਨੂੰ ਹਰ ਸੁਰੱਖਿਆ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ, ਜੋ ਇਸ ਸੰਕਟ ਵਿਚ ਆਪਣੀ ਜਾਨ ਜੋਖਮ ਵਿਚ ਪਾ ਕੇ ਆਪਣੀਆਂ ਸੇਵਾਵਾਂ ਦੇ ਰਹੇ ਹਨ। ਇਹ ਫੈਸਲਾ ਇਸੇ ਤਹਿਤ ਲਿਆ ਗਿਆ ਹੈ।

ਹਰ ਕਿਸੇ ਨੂੰ ਮਿਲੇਗਾ ਬੀਮਾ 

ਮੰਤਰਾਲੇ ਵਲੋਂ ਇਕ ਬਿਆਨ ਵਿਚ ਕਿਹਾ ਗਿਆ ਕਿ ਹੁਣ ਤੱਕ ਐਫ.ਸੀ.ਆਈ. ਦੇ ਕਾਮਿਆਂ ਨੂੰ ਅੱਤਵਾਦੀ ਹਮਲੇ, ਬੰਬ ਧਮਾਕੇ, ਭੀੜ ਦੇ ਹਮਲੇ ਜਾਂ ਹੋਰ ਕੁਦਰਤੀ ਆਫ਼ਤ ਵਿਚ ਮੌਤ ਹੋਣ ਦੀ ਸੂਰਤ ਵਿਚ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਮੁਆਵਜ਼ਾ ਦਿੱਤਾ ਜਾਂਦਾ ਸੀ। ਪਰ ਐਫ.ਸੀ.ਆਈ. ਦੇ ਨਿਯਮਤ ਅਤੇ ਠੇਕੇਦਾਰੀ ਮਜ਼ਦੂਰ ਇਸ ਵਿਚ ਸ਼ਾਮਲ ਨਹੀਂ ਹੋਏ ਹਨ। ਸਰਕਾਰ ਨੇ ਕੋਰੋਨਾ ਵਾਇਰਸ ਭਾਵ ਕੋਵਿਡ -19 ਦੇ ਸੰਕਟ ਦੇ ਖਤਰੇ ਹੇਠ ਕੰਮ ਕਰ ਰਹੇ ਸਾਰੇ ਕਾਮਿਆਂ ਅਤੇ ਮਜ਼ਦੂਰਾਂ ਨੂੰ ਜੀਵਨ ਬੀਮਾ ਕਵਰ ਦੇਣ ਦਾ ਫੈਸਲਾ ਕੀਤਾ ਹੈ।

24 ਮਾਰਚ 2021 ਤੱਕ ਐਫ.ਸੀ.ਆਈ. 'ਚ ਡਿਊਟੀ ਨਿਭਾਉਂਦੇ ਹੋਏ ਕੋਰੋਨਾ ਵਾਇਰਸ ਨਾਲ ਮੌਤ ਹੋਣ 'ਤੇ ਐਫ.ਸੀ.ਆਈ. ਦੇ ਨਿਯਮਤ ਮਜ਼ਦੂਰ ਲਈ -15 ਲੱਖ, ਇਕਰਾਰਨਾਮੇ ਮਜ਼ਦੂਰ ਲਈ 10 ਲੱਖ, ਸ਼੍ਰੇਣੀ 1 ਦੇ ਅਧਿਕਾਰੀ ਲਈ 35 ਲੱਖ, ਸ਼੍ਰੇਣੀ 2 ਦੇ ਅਧਿਕਾਰੀ ਲਈ 30 ਲੱਖ ਅਤੇ ਅਤੇ ਸ਼੍ਰੇਣੀ 3 ਅਤੇ 4 ਕਰਮਚਾਰੀਆਂ ਦੇ ਪਰਿਵਾਰਾਂ ਨੂੰ 25-25 ਲੱਖ ਮੁਆਵਜ਼ਾ ਦੇਣ ਦੀ ਵਿਵਸਥਾ ਕੀਤੀ ਗਈ ਹੈ।