GST ਰਿਟਰਨ ਭਰਨ ਵਾਲਿਆਂ ਲਈ ਵੱਡੀ ਰਾਹਤ, ਚਾਰਜ ਤੇ ਵਿਆਜ ਨੂੰ ਲੈ ਕੇ ਸਰਕਾਰ ਨੇ ਦਿੱਤੀ ਇਹ ਛੋਟ

ਨਵੀਂ ਦਿੱਲੀ (ਭਾਸ਼ਾ) - ਸਰਕਾਰ ਨੇ ਮਾਰਚ ਅਤੇ ਅਪ੍ਰੈਲ 2021 ਦੇ ਮਹੀਨਿਆਂ ਵਿਚ ਜੀ.ਐਸ.ਟੀ. ਦੇ ਮਹੀਨਾਵਾਰ ਰਿਟਰਨ GSTR-3B ਜਮ੍ਹਾਂ ਕਰਨ ਵਿਚ ਦੇਰੀ ਕਾਰਨ ਲੱਗਣ ਵਾਲੀ ਫੀਸ ਨੂੰ ਮੁਆਫ ਕਰ ਦਿੱਤਾ ਹੈ। ਇਸ ਦੇ ਨਾਲ ਹੀ ਦੇਰ ਨਾਲ ਰਿਟਰਨ ਦਾਇਰ ਕਰਨ ਲੱਗਣ ਵਾਲੀ ਵਿਆਜ ਦਰ ਵਿਚ ਵੀ ਕਟੌਤੀ ਕੀਤੀ ਗਈ ਹੈ। ਪੰਜ ਕਰੋੜ ਰੁਪਏ ਤੋਂ ਵੱਧ ਦੇ ਟਰਨਓਵਰ ਵਾਲੇ ਟੈਕਸਦਾਤਾਵਾਂ ਨੂੰ ਮਹੀਨਾਵਾਰ ਸੰਖੇਪ ਰਿਟਰਨ ਦਾਖਲ ਕਰਨ ਲਈ 15 ਦਿਨ ਦਾ ਵਾਧੂ ਸਮਾਂ ਦਿੱਤਾ ਗਿਆ ਹੈ ਅਤੇ ਬਿਨਾਂ ਕਿਸੇ ਦੇਰੀ ਫੀਸ ਦੇ ਟੈਕਸ ਅਦਾ ਕਰਨ ਲਈ ਕਿਹਾ ਗਿਆ ਹੈ। ਟੈਕਸ ਭੁਗਤਾਨ ਕਰਨ ਵਾਲਿਆਂ ਨੂੰ ਇਨ੍ਹਾਂ 15 ਦਿਨਾਂ ਲਈ ਨੌਂ ਪ੍ਰਤੀਸ਼ਤ ਦੀ ਘੱਟ ਦਰ 'ਤੇ ਵਿਆਜ ਦੇਣਾ ਪਏਗਾ, ਜਿਸ ਤੋਂ ਬਾਅਦ ਇਹ ਦਰ 18 ਪ੍ਰਤੀਸ਼ਤ ਹੋਵੇਗੀ।

ਇਹ ਵੀ ਪੜ੍ਹੋ : ਆਮਦਨ ਟੈਕਸ ਨੂੰ ਲੈ ਕੇ CBDT ਦਾ ਵੱਡਾ ਐਲਾਨ! ਰਿਟਰਨ ਭਰਨ ਦੀ ਆਖ਼ਰੀ ਤਾਰੀਖ਼ ਵਧਾਈ

3 ਬੀ ਰਿਟਰਨ ਭਰਨ ਵਾਲਿਆਂ ਨੂੰ ਮਿਲੀ ਇਹ ਛੋਟ

ਇਸ ਦੇ ਨਾਲ ਹੀ ਪਿਛਲੇ ਵਿੱਤੀ ਵਰ੍ਹੇ ਦੌਰਾਨ ਪੰਜ ਕਰੋੜ ਰੁਪਏ ਤੱਕ ਦਾ ਕਾਰੋਬਾਰ ਕਰਨ ਵਾਲਿਆਂ ਨੂੰ ਮਾਰਚ ਅਤੇ ਅਪ੍ਰੈਲ ਲਈ 3 ਬੀ ਰਿਟਰਨ ਭਰਨ ਦੀ ਅਸਲ ਤਾਰੀਖ ਨਾਲੋਂ 30 ਦਿਨ ਦਾ ਹੋਰ ਸਮਾਂ ਦਿੱਤਾ ਗਿਆ ਹੈ ਅਤੇ ਦੇਰ ਨਾਲ ਰਿਟਰਨ ਭਰਨ ਲਈ ਦੇਰੀ ਫੀਸ ਵੀ ਮੁਆਫ ਕਰ ਦਿੱਤੀ ਗਈ ਹੈ। ਪਹਿਲੇ 15 ਦਿਨਾਂ ਲਈ ਵਿਆਜ ਦਰ 'ਜ਼ੀਰੋ' ਰਹੇਗੀ, ਉਸ ਤੋਂ ਬਾਅਦ ਇਹ ਨੌਂ ਪ੍ਰਤੀਸ਼ਤ ਦੀ ਦਰ ਨਾਲ ਵਸੂਲ ਕੀਤੀ ਜਾਏਗੀ ਅਤੇ 30 ਦਿਨਾਂ ਬਾਅਦ 18 ਪ੍ਰਤੀਸ਼ਤ ਦੀ ਦਰ 'ਤੇ ਵਿਆਜ ਦੇਣਾ ਪਵੇਗਾ।

ਇਹ ਵੀ ਪੜ੍ਹੋ : ਕੋਰੋਨਾ ਕਾਰਨ ਹੋਈ ਮੌਤ ਤਾਂ ਪਰਿਵਾਰਕ ਮੈਂਬਰਾਂ ਨੂੰ ਇਸ ਸਰਕਾਰੀ ਯੋਜਨਾ ਤੋਂ ਮਿਲਣਗੇ 2 ਲੱਖ ਰੁਪਏ

18 ਅਪ੍ਰੈਲ ਤੋਂ ਲਾਗੂ ਹੋ ਜਾਣਗੀਆਂ ਇਹ ਰਿਆਇਤਾਂ 

ਕੇਂਦਰੀ ਅਪ੍ਰਤੱਖ ਟੈਕਸ ਅਤੇ ਕਸਟਮ ਬੋਰਡ (ਸੀ.ਬੀ.ਆਈ.ਸੀ.) ਨੇ 1 ਮਈ ਨੂੰ ਇਕ ਨੋਟੀਫਿਕੇਸ਼ਨ ਜਾਰੀ ਕੀਤਾ ਹੈ ਜਿਸ ਵਿਚ ਕਿਹਾ ਗਿਆ ਹੈ ਕਿ ਇਹ ਰਿਆਇਤਾਂ 18 ਅਪ੍ਰੈਲ ਤੋਂ ਲਾਗੂ ਹੋ ਜਾਣਗੀਆਂ। ਇਸ ਦੇ ਨਾਲ ਹੀ ਅਪ੍ਰੈਲ ਵਿਕਰੀ ਰਿਟਰਨ ਜੀਐਸਟੀਆਰ -1 ਦਾਖਲ ਕਰਨ ਦੀ ਆਖਰੀ ਤਰੀਕ 26 ਮਈ ਤੱਕ ਵਧਾ ਦਿੱਤੀ ਗਈ ਹੈ, ਜਿਹੜੀ ਕਿ 11 ਮਈ ਨੂੰ ਦਾਇਰ ਕੀਤੀ ਜਾਣੀ ਸੀ। ਜੀ.ਸੀ.ਟੀ.ਆਰ.-4 ਦਾਇਰ ਕਰਨ ਵਾਲੇ ਕੰਪੋਜ਼ੀਸ਼ਨ ਡੀਲਰਾਂ ਲਈ, ਵਿੱਤੀ ਸਾਲ 2020-2021 ਲਈ ਵਿਕਰੀ ਰਿਟਰਨ ਦਾਖਲ ਕਰਨ ਦੀ ਆਖਰੀ ਤਰੀਕ ਇਕ ਮਹੀਨੇ ਵਧਾ ਕੇ 31 ਮਈ ਕਰ ਦਿੱਤੀ ਗਈ ਹੈ। ਏਐਮਆਰਜੀ ਐਂਡ ਐਸੋਸੀਏਟਸ ਦੇ ਸੀਨੀਅਰ ਹਿੱਸੇਦਾਰ ਰਜਤ ਮੋਹਨ ਨੇ ਕਿਹਾ ਕਿ ਕੋਵਿਡ ਮਹਾਮਾਰੀ ਕਾਰਨ ਪੈਦਾ ਹੋਈ ਮੌਜੂਦਾ ਸਥਿਤੀ ਦੇ ਮੱਦੇਨਜ਼ਰ ਸਰਕਾਰ ਨੇ ਮਾਰਚ ਅਤੇ ਅਪ੍ਰੈਲ 2021 ਵਿਚ ਦੋ ਮਹੀਨਿਆਂ ਲਈ ਪੇਸ਼ਕਸ਼ ਦੀ ਪਾਲਣਾ ਸੰਬੰਧੀ ਰਾਹਤਾਂ ਦੀ ਪੇਸ਼ਕਸ਼ ਕੀਤੀ ਹੈ। 

ਇਹ ਵੀ ਪੜ੍ਹੋ : ‘ਬੀਮਾ ਕੰਪਨੀਆਂ ਇਕ ਘੰਟੇ ਦੇ ਅੰਦਰ ਨਿਪਟਾਉਣ ਕੋਵਿਡ-19 ਦਾ ਕੈਸ਼ਲੈੱਸ ਕਲੇਮ’

ਮੌਜੂਦਾ ਹਾਲਾਤ ਵਿਚ ਸਮੇਂ ਦੀ ਜ਼ਰੂਰਤ

ਇਸ ਸਮੇਂ ਦੇਸ਼ ਵਿਚ ਹਰੇਕ ਵਪਾਰੀ ਨੂੰ ਪਾਲਣਾ ਵਿੱਚ ਕਿਸੇ ਕਿਸਮ ਦੇ ਵਿਸਥਾਰ ਦੀ ਜ਼ਰੂਰਤ ਹੈ। 'ਵੱਡੇ ਟੈਕਸਦਾਤਾਵਾਂ ਨੂੰ ਲੇਟ ਫੀਸਾਂ ਤੋਂ ਪੂਰੀ ਛੋਟ ਦਾ ਲਾਭ ਮਿਲੇਗਾ ਜਦੋਂਕਿ ਜੀਐਸਟੀਆਰ 3 ਬੀ ਦਰਜ ਕਰਨ ਵਿਚ 15 ਦਿਨਾਂ ਦੀ ਦੇਰੀ 'ਤੇ ਵਿਆਜ ਦਰ ਨੂੰ ਲੈ ਕੇ ਅੰਸ਼ਕ ਰਾਹਤ ਦਿੱਤੀ ਜਾਂਦੀ ਹੈ। ਦੂਜੇ ਪਾਸੇ ਛੋਟੇ ਟੈਕਸਦਾਤਾਵਾਂ ਨੂੰ 30 ਦਿਨਾਂ ਦੀ ਦੇਰੀ ਤੋਂ ਬਾਅਦ ਵੀ ਅਜਿਹਾ ਲਾਭ ਮਿਲੇਗਾ।' ਕਾਰੋਬਾਰੀ ਕਿਸੇ ਇਕ ਮਹੀਨੇ ਦੀ ਵਿਕਰੀ ਦਾ ਬਿਓਰਾ ਜੀ.ਐਸ.ਟੀ.ਆਰ. -1 ਵਿਚ ਉਸ ਦੇ ਅਗਲੇ ਮਹੀਨੇ ਦੀ 11 ਤਾਰੀਖ਼ ਤੱਕ ਭਰ ਦਿੰਦੇ ਹਨ, ਜਦੋਂ ਕਿ ਜੀ.ਐਸ.ਟੀ.ਆਰ. -3 ਬੀ ਨੂੰ ਅਗਲੇ ਮਹੀਨੇ ਦੀ 20 ਅਤੇ 24 ਤਾਰੀਖ਼ ਵਿਚਕਾਰ ਭਰਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ : ਆਸਟ੍ਰੇਲੀਆ ਨੇ ਕਾਬੂ ਕੀਤਾ ਕੋਰੋਨਾ , ਸਰਕਾਰ ਨੇ ਇਨ੍ਹਾਂ ਕਦਮਾਂ ਨਾਲ ਅੱਗੇ ਵਧ ਕੇ ਦਿਖਾਈ ਗੰਭੀਰਤਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।