ਖੇਡ ਦੇ ਲੀਜੈਂਡ ਹੋ ਤੁਸੀਂ ਤੁਸੀਂ, ਲੂਕਾ ਮੋਡ੍ਰਿਕ ਨੇ ਸੁਨੀਲ ਛੇਤਰੀ ਦੀ ਕੀਤੀ ਤਾਰੀਫ
Thursday, Jun 06, 2024 - 09:21 PM (IST)
ਕੋਲਕਾਤਾ— ਕ੍ਰੋਏਸ਼ੀਆ ਦੇ ਕਪਤਾਨ ਅਤੇ ਰੀਅਲ ਮੈਡ੍ਰਿਡ ਦੇ ਸੁਪਰਸਟਾਰ ਲੂਕਾ ਮੋਡ੍ਰਿਕ ਨੇ ਭਾਰਤੀ ਕਪਤਾਨ ਸੁਨੀਲ ਛੇਤਰੀ ਦੀ ਤਾਰੀਫ ਕਰਦੇ ਹੋਏ ਉਨ੍ਹਾਂ ਨੂੰ ਫੁੱਟਬਾਲ ਦਾ ਮਹਾਨ ਖਿਡਾਰੀ ਕਿਹਾ ਹੈ। ਉਨ੍ਹਾਂ ਨੇ ਭਾਰਤੀ ਟੀਮ ਨੂੰ ਛੇਤਰੀ ਦੇ ਆਖਰੀ ਅੰਤਰਰਾਸ਼ਟਰੀ ਮੈਚ ਨੂੰ ਯਾਦਗਾਰ ਬਣਾਉਣ ਦੀ ਵੀ ਅਪੀਲ ਕੀਤੀ।
ਛੇਤਰੀ ਕੁਵੈਤ ਦੇ ਖਿਲਾਫ ਫੀਫਾ ਵਿਸ਼ਵ ਕੱਪ ਕੁਆਲੀਫਾਇੰਗ ਮੈਚ ਨਾਲ ਅੰਤਰਰਾਸ਼ਟਰੀ ਫੁੱਟਬਾਲ ਨੂੰ ਅਲਵਿਦਾ ਕਹਿ ਦੇਣਗੇ। ਭਾਰਤੀ ਟੀਮ ਦੇ ਕੋਚ ਇਗੋਰ ਸਟਿਮੈਕ ਨੇ ਮੋਡ੍ਰਿਕ ਦਾ ਵੀਡੀਓ ਸੰਦੇਸ਼ ਸਾਂਝਾ ਕੀਤਾ ਹੈ, ਜਿਸ 'ਚ ਉਨ੍ਹਾਂ ਨੇ ਕਿਹਾ ਹੈ, 'ਹੈਲੋ ਸੁਨੀਲ। ਮੈਂ ਬਸ ਤੁਹਾਨੂੰ ਹੈਲੋ ਕਹਿਣਾ ਚਾਹੁੰਦਾ ਹਾਂ ਅਤੇ ਤੁਹਾਡੇ ਆਖਰੀ ਅੰਤਰਰਾਸ਼ਟਰੀ ਮੈਚ ਲਈ ਤੁਹਾਨੂੰ ਸ਼ੁਭਕਾਮਨਾਵਾਂ ਦੇਣਾ ਚਾਹੁੰਦਾ ਹਾਂ।
2018 'ਚ ਬੈਲਨ ਡੀ'ਓਰ ਜਿੱਤਣ ਵਾਲੇ ਮੋਡ੍ਰਿਕ ਨੇ ਕਿਹਾ, 'ਤੁਸੀਂ ਖੇਡ ਦੇ ਮਹਾਨ ਖਿਡਾਰੀ ਹੋ। ਅਜਿਹੇ ਕਰੀਅਰ ਲਈ ਵਧਾਈ। ਉਮੀਦ ਹੈ ਕਿ ਤੁਹਾਡੇ ਸਾਥੀ ਇਸ ਆਖਰੀ ਮੈਚ ਨੂੰ ਖਾਸ ਅਤੇ ਯਾਦਗਾਰ ਬਣਾਉਣਗੇ। ਉਸ ਨੇ ਕਿਹਾ, 'ਟੀਮ ਨੂੰ ਸ਼ੁਭਕਾਮਨਾਵਾਂ ਅਤੇ ਆਪਣੇ ਕਪਤਾਨ ਲਈ ਮੈਚ ਜਿੱਤੋ। ਕਰੋਸ਼ੀਆ ਤੋਂ ਸ਼ੁਭਕਾਮਨਾਵਾਂ। ਸਟੀਮੈਕ ਨੇ ਸੰਦੇਸ਼ ਲਈ ਮੋਡਰਿਕ ਦਾ ਧੰਨਵਾਦ ਕੀਤਾ।
