ਗਾਂਗੁਲੀ ਨੇ ਕਿਹਾ : ਟੈਸਟ ''ਚ ਵੀ ਰੋਹਿਤ ਕੋਲੋਂ ਓਪਨਿੰਗ ਕਰਵਾਉਣ ਕੋਹਲੀ

ਸਪੋਰਸਟ ਡੈਸਕ- ਭਾਰਤੀ ਟੀਮ ਦੇ ਸਾਬਕਾ ਕਪਤਾਨ ਸੌਰਭ ਗਾਂਗੁਲੀ ਨੇ ਟੀਮ ਦੇ ਧਾਕੜ ਬੱਲੇਬਾਜ਼ ਰੋਹਿਤ ਸ਼ਰਮਾ ਦੀ ਤਰੀਫ ਕਰਦੇ ਹੋਏ ਕਿਹਾ ਹੈ ਕਿ ਉਹ ਵਨ-ਡੇ ਅਤੇ ਟਵੰਟੀ-20 ਮੈਚਾਂ ਤੋਂ ਇਲਾਵਾ ਟੈਸਟ ਕ੍ਰਿਕਟ 'ਚ ਵੀ ਸਲਾਮੀ ਬੱਲੇਬਾਜ਼ ਦੇ ਤੌਰ 'ਤੇ ਖੇਡ ਸਕਦੇ ਹਨ। ਉਨ੍ਹਾਂ ਨੇ ਕਿਹਾ, 'ਮੇਰੇ ਖਿਆਲ ਨਾਲ ਰੋਹਿਤ ਵਰਲਡ ਕੱਪ ਦੇ ਆਪਣੇ ਬਿਹਤਰੀਨ ਪ੍ਰਦਰਸ਼ਨ ਨੂੰ ਬਰਕਰਾਰ ਰੱਖਦੇ ਹੋਏ ਓਪਨਿੰਗ ਲਈ ਉਤਾਰਣ ਅਤੇ ਟੈਸਟ ਦੇ ਉਪ-ਕਪਤਾਨ ਅਜਿੰਕਿਆ ਰਹਾਣੇ ਮੱਧਕ੍ਰਮ 'ਚ ਉਤਰ ਕੇ ਭਾਰਤੀ ਪਾਰੀ ਨੂੰ ਸੰਭਾਲਣ।
ਭਾਰਤ ਨੂੰ ਵੈਸਟਇੰਡੀਜ ਖਿਲਾਫ ਦੋ ਟੈਸਟ ਮੈਚਾਂ ਦੀ ਸੀਰੀਜ ਦਾ ਪਹਿਲਾ ਮੁਕਾਬਲਾ ਅੱਜ ਏਂਟੀਗਾ 'ਚ ਖੇਡਣਾ ਹੈ। ਡੋਪਿੰਗ ਟੈਸਟ 'ਚ ਫੇਲ ਹੋਣ ਤੋਂ ਬਾਅਦ ਬੈਨ ਦਾ ਸਾਹਮਣਾ ਕਰ ਰਹੇ ਸਲਾਮੀ ਬੱਲੇਬਾਜ਼ ਪ੍ਰਿਥਵੀ ਸ਼ਾਹ ਦੀ ਗੈਰਹਾਜ਼ਰੀ 'ਚ ਭਾਰਤੀ ਟੀਮ ਲਈ ਓਪਨਿੰਗ ਜੋੜੀ ਪਰੇਸ਼ਾਨੀ ਦਾ ਕਾਰਣ ਬਣ ਸਕਦੀ ਹੈ। ਹਾਲਾਂਕਿ ਟੀਮ ਪਹਿਲਾਂ ਟੈਸਟ 'ਚ ਮਇੰਕ ਅੱਗਰਵਾਲ ਅਤੇ ਰਾਹੁਲ ਤੋਂ ਪਾਰੀ ਦੀ ਸ਼ੁਰੂਆਤ ਕਰਾ ਸਕਦੀ ਹੈ।