ਗੇਂਦਬਾਜ਼ੀ ਦੌਰਾਨ ਪੰਡਯਾ ਹੋਇਆ ਜ਼ਖਮੀ, ਲੈ ਕੇ ਜਾਣਾ ਪਿਆ ਮੈਦਾਨ ਤੋਂ ਬਾਹਰ

ਨਵੀਂ ਦਿੱਲੀ : ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਖੇਡੇ ਜਾ ਰਹੇ ਮੈਚ ਦੌਰਾਨ ਦਾ ਆਲਰਾਊਂਡਰ ਹਾਰਦਿਕ ਪੰਡਯਾ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਿਆ। ਜਿਸ ਕਾਰਨ ਉਸ ਨੂੰ ਸਟ੍ਰੈਚਰ 'ਤੇ ਲੈ ਕੇ ਜਾਣਾ ਪਿਆ। ਦਰਅਸਲ ਹਾਰਦਿਕ 17ਵੇਂ ਓਵਰ ਦੀ ਪੰਜਵੀਂ ਗੇਂਦ ਕਰ ਰਿਹਾ ਸੀ ਜਿਸ ਦੌਰਾਨ ਇਹ ਹਾਦਸਾ ਹੋਇਆ। ਦਰਅਸਲ ਗੇਂਦਬਾਜ਼ੀ ਦੌਰਾਨ ਉਸ ਦੇ ਲੱਕ ਵਿਚ ਖਿੱਚ ਪੈ ਗਈ ਜਿਸ ਕਾਰਨ ਉਹ ਖਡ਼੍ਹਾ ਵੀ ਨਾ ਹੋ ਸਕਿਆ। ਉਸ ਨੂੰ ਮੈਦਾਨ ਤੋਂ ਬਾਹਰ ਲੈ ਕੇ ਜਾਣ ਲਈ ਸਟ੍ਰੈਚਰ ਦਾ ਸਹਾਰਾ ਲੈਣਾ ਪਿਆ। ਇਸ ਮਹੱਤਪੂਰਨ ਮੈਚ ਵਿਚ ਹਾਰਦਿਕ ਦਾ ਜ਼ਖਮੀ ਹੋਣਾ ਭਾਰਤ ਲਈ ਬਹੁਚ ਵੱਡਾ ਝਟਕਾ ਹੈ। 

ਜ਼ਿਕਰਯੋਗ ਹੈ ਕਿ ਏਸ਼ੀਆ ਕੱਪ ਦਾ ਮਹੱਤਵਪੂਰਨ ਮੈਚ ਭਾਰਤ ਅਤੇ ਪਾਕਿਸਤਾਨ ਵਿਚਾਲੇ ਦੁਬਈ ਦੇ ਅੰਤਰਰਾਸ਼ਟਰੀ ਕ੍ਰਿਕਟ ਸਟੇਡੀਅਮ ਵਿਚ ਖੇਡਿਆ ਜਾ ਰਿਹਾ ਹੈ। ਪਿਛਲੇ ਮੈਚ ਵਿਚ (ਹਾਂਗਕਾਂਗ ਖਿਲਾਫ) ਹਾਰਦਿਕ ਨੂੰ ਆਰਾਮ ਦਿੱਤਾ ਗਿਆ ਸੀ।

ਜ਼ਖਮੀ ਪੰਡਯਾ ਨੂੰ ਸਟ੍ਰੈਚਰ 'ਤੇ ਮੈਦਾਨ 'ਤੋਂ ਬਾਹਰ ਲੈ ਕੇ ਜਾਂਦੇ ਹੋਏ

ਅਜੇ ਤੱਕ ਕੋਈ ਤਾਜ਼ਾ ਜਾਣਕਾਰੀ ਨਹੀਂ ਮਿਲੀ ਜਿਸ ਨਾਲ ਇਹ ਪਤਾ ਚਲ ਸਕੇ ਕਿ ਹਾਰਦਿਕ ਜਾਰੀ ਭਾਰਤ-ਪਾਕਿ ਮੈਚ ਵਿਚ ਹਿੱਸਾ ਲੈ ਸਕਦੈ ਜਾਂ ਨਹੀਂ। ਪੰਡਯਾ ਨੇ 4.5 ਓਵਰਾਂ ਵਿਚ 24 ਦੌਡ਼ਾਂ ਦਿੱਤੀਆਂ ਜਿਸ ਵਿਚ ਉਸ ਨੂੰ ਕੋਈ ਵਿਕਟ ਹਾਸਲ ਨਹੀਂ ਹੋਇਆ।