ਅਸ਼ਵਿਨ ਦੀ ਸੁਹਾਗਰਾਤ ''ਤੇ ਭਾਰਤੀ ਟੀਮ ਨੇ ਕੀਤਾ ਮਜ਼ਾਕ, ਸਾਰੀ ਰਾਤ ਬੱਜਦੇ ਰਹੇ ਅਲਾਰਮ
11/16/2017 2:47:30 PM
ਨਵੀਂ ਦਿੱਲੀ (ਬਿਊਰੋ)— ਰਵੀਚੰਦਰਨ ਅਸ਼ਵਿਨ ਦੇ ਵਿਆਹ 13 ਨਵੰਬਰ 2011 ਨੂੰ ਹੋਈ ਸੀ। ਹਾਲ ਹੀ ਵਿਚ ਉਨ੍ਹਾਂ ਨੇ ਵਿਆਹ ਦੀ ਛੇਵੀਂ ਵਰ੍ਹੇਗੰਢ ਮਨਾਈ। ਅਸ਼ਵਿਨ ਨੇ ਆਪਣੀ ਦੋਸਤ ਪ੍ਰੀਤੀ ਨਰਾਇਣ ਨਾਲ ਹੀ ਵਿਆਹ ਕਰਵਾਇਆ ਹੈ। ਖਬਰਾਂ ਦੀਆਂ ਮੰਨੀਏ ਤਾਂ ਦੋਨਾਂ ਨੇ ਇਕ ਹੀ ਕਾਲਜ ਤੋਂ ਇੰਜੀਨੀਰਿੰਗ ਦੀ ਪੜ੍ਹਾਈ ਕੀਤੀ ਸੀ ਅਤੇ ਉਦੋਂ ਦੋਨੋਂ ਇਕ ਦੂਜੇ ਨੂੰ ਪਸੰਦ ਕਰਨ ਲੱਗੇ ਸਨ। ਬਾਅਦ ਵਿਚ ਦੋਨਾਂ ਦੇ ਪਰਿਵਾਰਾਂ ਨੂੰ ਉਨ੍ਹਾਂ ਦੇ ਬਾਰੇ ਵਿਚ ਪਤਾ ਲੱਗਾ ਅਤੇ ਉਹ ਉਨ੍ਹਾਂ ਦੇ ਵਿਆਹ ਲਈ ਤਿਆਰ ਹੋ ਗਏ।
ਸਾਰੀ ਰਾਤ ਬੱਜਦੇ ਰਹੇ ਅਲਾਰਮ
ਇਸ ਸਾਲ 13 ਨਵੰਬਰ ਨੂੰ ਅਸ਼ਵਿਨ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ਉੱਤੇ ਪਿਆਰਾ ਜਿਹਾ ਮੈਸੇਜ਼ ਲਿਖ ਕੇ ਪਤਨੀ ਨੂੰ ਵਰ੍ਹੇਗੰਢ ਦੀਆਂ ਵਧਾਈਆਂ ਦਿੱਤੀਆਂ। ਇਸ ਪੋਸਟ ਦੇ ਆਉਂਦੇ ਹੀ ਲੋਕਾਂ ਨੂੰ ਇਹ ਪਤਾ ਲੱਗ ਗਿਆ ਕਿ ਆਖਰ ਭਾਰਤੀ ਟੀਮ ਨੇ ਅਸ਼ਵਿਨ ਦੇ ਵਿਆਹ ਦੀ ਰਾਤ ਮਸਤੀ ਵਿਚ ਕੀ ਕੀਤਾ ਸੀ? ਦਰਅਸਲ, ਟੀਮ ਦੇ ਕੁਝ ਖਿਡਾਰੀਆਂ ਨੇ ਉਸ ਰਾਤ ਅਸ਼ਵਿਨ ਦੇ ਕਮਰੇ ਵਿਚ ਖੂਬ ਸਾਰੇ ਅਲਾਰਮ ਕਲਾਕ ਲੁਕਾਏ ਸਨ ਅਤੇ ਉਨ੍ਹਾਂ ਉੱਤੇ ਅਲਾਰਮ ਲਗਾ ਦਿੱਤੇ ਸਨ। ਜਿਸਦੇ ਨਾਲ ਰਾਤ ਭਰ ਅਲਾਰਮ ਬੱਜਦੇ ਰਹੇ ਸਨ।
ਦੱਸ ਦਈਏ ਕਿ ਭਾਰਤੀ ਟੀਮ ਦਾ ਇਹ ਧਾਕੜ ਸਪਿਨਰ ਥੋੜ੍ਹੇ ਸਮੇਂ ਤੋਂ ਟੀਮ 'ਚ ਸ਼ਾਮਲ ਨਹੀਂ ਸੀ ਤੇ ਵੀਰਵਾਰ ਤੋਂ ਸ਼੍ਰੀਲੰਕਾ ਖਿਲਾਫ ਟੈਸਟ ਸੀਰੀਜ਼ 'ਚ ਅਸ਼ਵਿਨ ਤੇ ਉਨ੍ਹਾਂ ਦੇ ਜੋੜੀਦਾਰ ਸਪਿਨ ਗੇਂਦਬਾਜ਼ ਜਡੇਜਾ ਦੀ ਵਾਪਸੀ ਹੋਈ ਹੈ।
