ਟੀ-20 ਵਰਲਡ ਕੱਪ ਲਈ ਕੁੰਬਲੇ ਨੇ ਟੀਮ ਨੂੰ ਦਿੱਤਾ ਗੁਰੂ ਮੰਤਰ, ਕਿਹਾ- ਤੇਜ਼ ਗੇਂਦਬਾਜ਼ਾਂ ਨੂੰ ਮਿਲੇ ਮੌਕਾ

ਸਪੋਰਟਸ ਡੈਸਕ— ਭਾਰਤੀ ਕ੍ਰਿਕਟ ਟੀਮ ਦੇ ਸਾਬਕਾ ਕਪਤਾਨ ਅਤੇ ਮੁੱਖ ਕੋਚ ਅਨਿਲ ਕੁੰਬਲੇ ਦਾ ਮੰਨਣਾ ਹੈ ਕਿ ਟੀ-20 ਵਿਸ਼ਵ ਕੱਪ ਲਈ ਭਾਰਤੀ ਟੀਮ ਨੂੰ ਵਿਕਟ ਹਾਸਲ ਰਨ ਆਪਸ਼ਨ 'ਤੇ ਧਿਆਨ ਦੇਣਾ ਚਾਹੀਦਾ ਹੈ ਜਿੱਥੇ ਹਰਫਨਮੌਲਾ ਖਿਡਾਰੀ ਦੀ ਜਗ੍ਹਾ ਤੇਜ਼ ਗੇਂਦਬਾਜ਼ਾਂ ਨੂੰ ਤਰਜੀਹ ਮਿਲਣੀ ਚਾਹੀਦੀ ਹੈ। ਅਗਲੇ ਸਾਲ ਅਕਤੂਬਰ 'ਚ ਆਸਟਰੇਲੀਆ 'ਚ ਖੇਡੇ ਜਾਣ ਵਾਲੇ ਟੀ-20 ਵਿਸ਼ਵ ਕੱਪ ਦੀ ਤਿਆਰੀ ਲਈ ਭਾਰਤੀ ਟੀਮ ਆਉਣ ਵਾਲੇ ਸਮੇਂ 'ਚ ਜ਼ਿਆਦਾ ਟੀ-20 ਅੰਤਰਰਾਸ਼ਟਰੀ ਮੈਚ ਖੇਡੇਗੀ।  ਕੁੰਬਲੇ ਨੇ ਕਿਹਾ, 'ਮੈਂ ਨਿਸ਼ਚਿਤ ਰੂਪ ਨਾਲ ਮੰਨਦਾ ਹਾਂ ਕਿ ਤੁਹਾਨੂੰ ਵਿਕਟ ਲੈਣ ਵਾਲੇ ਗੇਂਦਬਾਜ਼ਾਂ ਦੀ ਜ਼ਰੂਰਤ ਹੋਵੇਗੀ। ਅਜਿਹੇ 'ਚ ਮੇਰੇ ਮੁਤਾਬਕ ਕੁਲਦੀਪ ਯਾਦਵ ਅਤੇ ਯੁਜਵੇਂਦਰ ਚਾਹਲ ਜਿਹੇ ਖਿਡਾਰੀਆਂ ਨੂੰ ਟੀਮ 'ਚ ਜਗ੍ਹਾ ਮਿਲਣੀ ਚਾਹੀਦੀ ਹੈ। ਤੁਸੀਂ ਸਵਾਲ ਚੁੱਕ ਸੱਕਦੇ ਹੋ ਕਿ ਜਦੋਂ ਤਰੇਲ ਦੀ ਵਜ੍ਹਾ ਨਾਲ ਗੇਂਦ ਗਿੱਲੀ ਹੋ ਜਾਂਦੀ ਹੈ ਤੱਦ ਟੀਮ 'ਚ ਕਲਾਈ ਦੇ ਦੋ ਸਪਿਨਰਾਂ ਦਾ ਹੋਣਾ ਕੀ ਠੀਕ ਹੈ? ਭਾਰਤ ਵਲੋਂ ਟੈਸਟ ਅਤੇ ਵਨ-ਡੇ 'ਚ ਸਭ ਤੋਂ ਜ਼ਿਆਦਾ ਵਿਕਟ ਲੈਣ ਵਾਲੇ ਇਸ ਖਿਡਾਰੀ ਨੇ ਕਿਹਾ, 'ਇਹ ਕਾਫ਼ੀ ਜਰੂਰੀ ਹੈ ਕਿ ਤੁਸੀਂ ਵਿਕਟ ਲੈਣ ਵਾਲੇ ਆਪਸ਼ਨ ਦੀ ਤਲਾਸ਼ ਕਰੋ। ਟੀਮ ਹਰਫਨਮੌਲਾ ਖਿਡਾਰੀ ਨੂੰ ਖੋਜ਼ ਰਹੀ ਹੈ ਪਰ ਤੁਹਾਨੂੰ ਅਜਿਹੇ ਤੇਜ ਗੇਂਦਬਾਜ਼ਾਂ ਨੂੰ ਰੱਖਣਾ ਹੋਵੇਗਾ ਜੋ ਵਿਕੇਟ ਲੈ ਸਕਣ।  ਮੈਨੂੰ ਲੱਗਦਾ ਹੈ ਕਿ ਇਹ ਕਾਫ਼ੀ ਮੁਸ਼ਕਲ ਹਾਲਾਤ ਹਨ।

ਆਸਟਰੇਲੀਆ ਦੀਆਂ ਪਿੱਚਾਂ 'ਤੇ ਖੇਡਣ ਵਾਲੇ ਖਿਡਾਰੀਆਂ ਦੀ ਕਰਨੀ ਹੋਵੇਗੀ ਪਛਾਣ
ਕੁੰਬਲੇ ਮੁਤਾਬਕ ਇਹ ਪਹਿਚਾਣ ਕਰਨੀ ਅਹਿਮ ਹੋਵੇਗੀ ਕਿ ਆਸਟਰੇਲੀਆ ਦੇ ਹਾਲਤਾਂ 'ਚ ਕੌਣ-ਕੌਣ ਚੰਗਾ ਕਰ ਸਕਦਾ ਹੈ। ਉਨ੍ਹਾਂ ਨੇ ਕਿਹਾ, 'ਭਾਰਤ ਲਈ ਇਹ ਸੋਚਣਾ ਕਾਫ਼ੀ ਅਹਿਮ ਹੋਵੇਗਾ ਕਿ ਆਸਟਰੇਲਿਆ ਦੇ ਹਾਲਾਤਾਂ 'ਚ ਕੌਣ ਪ੍ਰਦਰਸ਼ਨ ਕਰੇਗਾ ਅਤੇ ਕਿਹੜੇ ਅਜਿਹੇ ਗੇਂਦਬਾਜ਼ ਹਨ ਜੋ ਵਿਕਟ ਲੈਣ ਦੀ ਸਮਰੱਥਾ ਰੱਖਦੇ ਹਨ ।  ਕਿਉਂਕਿ ਇਸ ਨਾਲ ਵਿਰੋਧੀ ਟੀਮ 'ਤੇ ਦਬਾਅ ਬਣੇਗਾ। ਭਾਰਤੀ ਟੀਮ ਜਿਸ ਆਪਸ਼ਨਾਂ ਦੇ ਬਾਰੇ 'ਚ ਵੀ ਸੋਚ ਰਹੀ ਹੈ, ਮੈਨੂੰ ਲੱਗਦਾ ਹੈ ਕਿ ਵਿਸ਼ਵ ਕੱਪ ਤੋਂ ਘੱਟ ਤੋਂ ਘੱਟ 10 -12 ਮੈਚ ਪਹਿਲਾਂ ਉਸ ਨੂੰ ਪੱਕਾ ਕਰ ਲੈਣਾ ਚਾਹੀਦਾ ਹੈ। ਕੁੰਬਲੇ ਮੁਤਾਬਕ ਰੋਹਿਤ ਸ਼ਰਮਾ 2019  ਦੇ ਸਭ ਤੋਂ ਸਰਵਸ਼੍ਰੇਸ਼ਠ ਬੱਲੇਬਾਜ਼ ਹਨ ਜਿਨ੍ਹਾਂ ਨੇ ਹਰ ਫਾਰਮੈਟ 'ਚ ਦੌੜਾਂ ਬਣਾਈਆਂ ਅਤੇ ਟੈਸਟ 'ਚ ਸਲਾਮੀ ਬੱਲੇਬਾਜ਼ ਦੇ ਤੌਰ 'ਤੇ ਸ਼ਾਨਦਾਰ ਪ੍ਰਦਰਸ਼ਨ ਪ੍ਰਦਰਸ਼ਨ ਕੀਤਾ। ਉਨ੍ਹਾਂ ਮੁਤਾਬਕ ਮਯੰਕ ਅਗਰਵਾਲ ਸਾਲ ਦੇ ਸਭ ਤੋਂ ਸਰਵਸ਼੍ਰੇਸ਼ਠ ਨੌਜਵਾਨ ਕ੍ਰਿਕਟਰ ਰਹੇ।