IPL 2024: ਵਿਰਾਟ ਕੋਹਲੀ ਦੀਆਂ ਨਜ਼ਰਾਂ ਵੱਡੇ ਰਿਕਾਰਡ ''ਤੇ, ਅਜਿਹਾ ਕਰਨ ਵਾਲੇ ਪਹਿਲੇ ਖਿਡਾਰੀ ਬਣਨਗੇ

ਜੈਪੁਰ : ਰਾਇਲ ਚੈਲੰਜਰਜ਼ ਬੈਂਗਲੁਰੂ (ਆਰ. ਸੀ. ਬੀ.) ਸ਼ਨੀਵਾਰ ਨੂੰ ਜੈਪੁਰ ਦੇ ਸਵਾਈ ਮਾਨਸਿੰਘ ਸਟੇਡੀਅਮ ਵਿੱਚ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ 19ਵੇਂ ਮੈਚ ਵਿੱਚ ਰਾਜਸਥਾਨ ਰਾਇਲਜ਼ (ਆਰਆਰ) ਨਾਲ ਭਿੜੇਗੀ। RCB ਦੇ ਆਗਾਮੀ ਮੈਚ ਦੌਰਾਨ, ਸਟਾਰ ਬੱਲੇਬਾਜ਼ ਵਿਰਾਟ ਕੋਹਲੀ ਕੋਲ ਟੀ-20 ਫਾਰਮੈਟ ਵਿੱਚ ਇੱਕ ਟੀਮ ਲਈ 8000+ ਦੌੜਾਂ ਬਣਾਉਣ ਵਾਲਾ ਪਹਿਲਾ ਖਿਡਾਰੀ ਬਣਨ ਦਾ ਮੌਕਾ ਹੋਵੇਗਾ। ਇਸ ਉਪਲੱਬਧੀ ਨੂੰ ਹਾਸਲ ਕਰਨ ਲਈ ਆਰਸੀਬੀ ਦੇ ਸਾਬਕਾ ਕਪਤਾਨ ਨੂੰ ਸ਼ਨੀਵਾਰ ਨੂੰ ਰਾਜਸਥਾਨ ਸਥਿਤ ਫ੍ਰੈਂਚਾਇਜ਼ੀ ਖਿਲਾਫ 110 ਦੌੜਾਂ ਬਣਾਉਣੀਆਂ ਹੋਣਗੀਆਂ।

ਹੁਣ ਤੱਕ, 35 ਸਾਲਾ ਖਿਡਾਰੀ ਨੇ RCB ਲਈ 256 ਮੈਚ ਅਤੇ 247 ਪਾਰੀਆਂ ਖੇਡੀਆਂ ਹਨ, ਜਿੱਥੇ ਉਸ ਨੇ 131.23 ਦੀ ਸਟ੍ਰਾਈਕ ਰੇਟ ਨਾਲ 7890 ਦੌੜਾਂ ਬਣਾਈਆਂ ਹਨ। ਬੈਂਗਲੁਰੂ ਸਥਿਤ ਫਰੈਂਚਾਇਜ਼ੀ ਲਈ ਉਸ ਦੇ ਨਾਂ 7 ਸੈਂਕੜੇ ਅਤੇ 54 ਅਰਧ ਸੈਂਕੜੇ ਹਨ। ਆਈਪੀਐਲ 2024 ਦੇ ਮੌਜੂਦਾ ਸੀਜ਼ਨ ਵਿੱਚ, ਕੋਹਲੀ 4 ਮੈਚਾਂ ਵਿੱਚ 140.97 ਦੀ ਸਟ੍ਰਾਈਕ ਰੇਟ ਨਾਲ 203 ਦੌੜਾਂ ਬਣਾ ਕੇ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੇ ਬੱਲੇਬਾਜ਼ ਹਨ।

ਇਸ ਦੌਰਾਨ, ਬੈਂਗਲੁਰੂ ਟੂਰਨਾਮੈਂਟ ਦੇ 17ਵੇਂ ਸੀਜ਼ਨ ਵਿੱਚ ਆਪਣੀ ਨਿਰੰਤਰਤਾ ਬਣਾਈ ਰੱਖਣ ਵਿੱਚ ਅਸਫਲ ਰਿਹਾ। ਉਹ ਲਖਨਊ ਸੁਪਰ ਜਾਇੰਟਸ (ਐੱਲ. ਐੱਸ. ਜੀ.) ਖਿਲਾਫ 28 ਦੌੜਾਂ ਨਾਲ ਹਾਰ ਸਵੀਕਾਰ ਕਰਨ ਤੋਂ ਬਾਅਦ ਮੈਚ 'ਚ ਉਤਰ ਰਹੇ ਹਨ। ਕੋਹਲੀ ਦੀ ਟੀਮ ਸਿਰਫ ਦੋ ਅੰਕਾਂ ਨਾਲ ਰੈਂਕਿੰਗ 'ਚ ਅੱਠਵੇਂ ਸਥਾਨ 'ਤੇ ਹੈ।

ਸੰਭਾਵਿਤ ਪਲੇਇੰਗ 11

ਰਾਇਲ ਚੈਲੰਜਰਜ਼ ਬੰਗਲੁਰੂ : ਵਿਰਾਟ ਕੋਹਲੀ, ਫਾਫ ਡੂ ਪਲੇਸਿਸ (ਕਪਤਾਨ), ਅਨੁਜ ਰਾਵਤ, ਗਲੇਨ ਮੈਕਸਵੈੱਲ, ਮਹੀਪਾਲ ਲੋਮਰੋਰ, ਦਿਨੇਸ਼ ਕਾਰਤਿਕ (ਵਿਕਟਕੀਪਰ), ਮਾਈਕਲ ਬ੍ਰੇਸਵੈੱਲ, ਵੇਨ ਪਾਰਨੇਲ, ਕਰਨ ਸ਼ਰਮਾ, ਹਰਸ਼ਲ ਪਟੇਲ, ਮੁਹੰਮਦ ਸਿਰਾਜ।