ਇਗਾ ਸਵਿਆਤੇਕ ਆਸਾਨ ਜਿੱਤ ਨਾਲ ਅਗਲੇ ਦੌਰ ''ਚ

ਇੰਡੀਅਨ ਵੇਲਜ਼ (ਅਮਰੀਕਾ): ਵਿਸ਼ਵ ਦੀ ਨੰਬਰ ਇਕ ਖਿਡਾਰਨ ਇਗਾ ਸਵਿਆਤੇਕ ਨੇ ਆਪਣਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਰੱਖਦਿਆਂ ਅਮਰੀਕਾ ਦੀ ਡੇਨੀਏਲ ਕੋਲਿਨਸ ਨੂੰ ਸਿੱਧੇ ਸੈੱਟਾਂ ਵਿੱਚ ਹਰਾ ਕੇ ਬੀਐੱਨਪੀ ਪਰਿਬਾਸ ਇੰਡੀਅਨ ਵੇਲਜ਼ ਟੈਨਿਸ ਟੂਰਨਾਮੈਂਟ ਦੇ ਅਗਲੇ ਦੌਰ ਵਿੱਚ ਪ੍ਰਵੇਸ਼ ਕਰ ਲਿਆ ਹੈ।
ਸਵਿਆਤੇਕ ਨੇ ਕੋਲਿਨਸ ਨੂੰ 6-3, 6-0 ਨਾਲ ਹਰਾਇਆ, ਜੋ ਅਮਰੀਕਾ ਦੇ ਖਿਲਾਫ ਉਸਦੀ ਲਗਾਤਾਰ ਪੰਜਵੀਂ ਜਿੱਤ ਹੈ। ਸਵਿਆਤੇਕ ਦੀ ਇਸ ਸੀਜ਼ਨ ਵਿੱਚ ਇਹ 15ਵੀਂ ਜਿੱਤ ਹੈ।
ਮਹਿਲਾ ਵਰਗ ਦੇ ਇੱਕ ਹੋਰ ਮੈਚ ਵਿੱਚ ਐਂਜਲਿਕ ਕਰਬਰ ਨੇ ਜੇਲੇਨਾ ਓਸਤਾਪੇਂਕੋ ਨੂੰ 5-7, 6-3, 6-3 ਨਾਲ ਹਰਾਇਆ।
ਪੁਰਸ਼ ਵਰਗ ਵਿੱਚ ਆਸਟ੍ਰੇਲੀਅਨ ਓਪਨ ਚੈਂਪੀਅਨ ਯਾਨਿਕ ਸਿੰਨਰ ਨੇ ਥਾਨਾਸੀ ਕੋਕਿਨਾਕਿਸ ਨੂੰ 6-3, 6-0 ਨਾਲ ਹਰਾਇਆ ਜਦਕਿ ਆਂਦਰੇ ਰੁਬਲੇਵ ਨੇ ਐਂਡੀ ਮਰੇ ਨੂੰ 7-6 (3), 6-1 ਨਾਲ ਹਰਾਇਆ।
ਅਲੇਜੈਂਡਰੋ ਟੈਬਿਲੋ, ਅਲੈਗਜ਼ੈਂਡਰ ਜ਼ਵੇਰੇਵ, ਸਟੇਫਾਨੋਸ ਸਿਟਸਿਪਾਸ ਅਤੇ ਅਲੈਕਸ ਡੀ ਮਿਨੌਰ ਨੇ ਵੀ ਸਿੱਧੇ ਸੈੱਟਾਂ ਵਿੱਚ ਜਿੱਤ ਦਰਜ ਕੀਤੀ।