FIFA 2022 : ਜਰਮਨੀ ਨਾਲ ਡਰਾਅ ਖੇਡ ਕੇ ਗਰੁੱਪ ''ਚ ਸਿਖ਼ਰ ''ਤੇ ਪੁੱਜਾ ਸਪੇਨ

ਸਪੋਰਟਸ ਡੈਸਕ : ਫੀਫਾ ਵਿਸ਼ਵ ਕੱਪ ਦੇ ਗਰੁੱਪ-ਈ 'ਚ ਸੋਮਵਾਰ ਨੂੰ ਜਰਮਨੀ ਅਤੇ ਸਪੇਨ ਦਾ ਮੁਕਾਬਲਾ 1-1 ਨਾਲ ਡਰਾਅ ਰਿਹਾ। ਇਸ ਨਾਲ ਸਪੇਨ ਆਪਣੇ ਗਰੁੱਪ ਵਿੱਚ ਇੱਕ ਜਿੱਤ ਅਤੇ ਇੱਕ ਡਰਾਅ ਨਾਲ 4 ਅੰਕਾਂ ਨਾਲ ਤਾਲਿਕਾ ਵਿੱਚ ਸਿਖਰ ’ਤੇ ਪਹੁੰਚ ਗਿਆ ਹੈ। ਦੂਜੇ ਪਾਸੇ ਜਰਮਨੀ ਇਕ ਡਰਾਅ ਅਤੇ ਇਕ ਹਾਰ ਨਾਲ ਇਕ ਅੰਕ ਨਾਲ ਗਰੁੱਪ ਵਿਚ ਸਭ ਤੋਂ ਹੇਠਲੇ ਸਥਾਨ 'ਤੇ ਹੈ। ਜਰਮਨੀ ਲਈ ਇਹ ਪਹਿਲਾ ਵਿਸ਼ਵ ਕੱਪ ਹੈ ਜਿਸ ਵਿੱਚ ਉਹ ਗਰੁੱਪ ਗੇੜ ਦੇ ਪਹਿਲੇ ਦੋ ਮੈਚਾਂ ਵਿੱਚੋਂ ਕੋਈ ਵੀ ਜਿੱਤਣ ਵਿੱਚ ਕਾਮਯਾਬ ਨਹੀਂ ਹੋ ਸਕਿਆ ਹੈ। 

ਇਹ ਵੀ ਪੜ੍ਹੋ : FIFA 2022 : ਕ੍ਰੈਮਾਰਿਚ ਦੇ 2 ਗੋਲਾਂ ਦੀ ਮਦਦ ਨਾਲ ਕ੍ਰੋਏਸ਼ੀਆ ਨੇ ਕੈਨੇਡਾ ਨੂੰ 4-1 ਨਾਲ ਹਰਾਇਆ

ਮੈਚ ਦੇ ਪਹਿਲੇ ਹਾਫ਼ ਵਿੱਚ ਦੋਵੇਂ ਟੀਮਾਂ ਇੱਕ ਵੀ ਗੋਲ ਨਹੀਂ ਕਰ ਸਕੀਆਂ ਪਰ ਦੂਜੇ ਹਾਫ ਵਿੱਚ ਅਲਵਾਰੋ ਮੋਰਾਟਾ ਨੇ 62ਵੇਂ ਮਿੰਟ ਵਿੱਚ ਮੈਚ ਦਾ ਸ਼ੁਰੂਆਤੀ ਗੋਲ ਕਰਕੇ ਸਪੇਨ ਨੂੰ 1-0 ਦੀ ਬੜ੍ਹਤ ਦਿਵਾਈ। ਗੋਲ ਕਰਨ ਤੋਂ ਬਾਅਦ ਜਰਮਨੀ ਦੀ ਟੀਮ ਥੋੜ੍ਹਾ ਦਬਾਅ ਮਹਿਸੂਸ ਕਰ ਰਹੀ ਸੀ ਕਿਉਂਕਿ ਜੇਕਰ ਟੀਮ ਇਹ ਮੈਚ ਹਾਰ ਜਾਂਦੀ ਹੈ ਤਾਂ ਟੀਮ ਦਾ ਨਾਕਆਊਟ ਪੜਾਅ ਤੱਕ ਪਹੁੰਚਣ ਦਾ ਸੁਪਨਾ ਚਕਨਾਚੂਰ ਹੋ ਜਾਂਦਾ। ਹਾਲਾਂਕਿ ਜਰਮਨੀ ਦੀਆਂ ਉਮੀਦਾਂ 'ਤੇ ਪਾਣੀ ਫਿਰ ਗਿਆ ਜਦੋਂ ਮੈਚ ਦੇ ਅਖੀਰਲੇ ਪਲਾਂ 'ਚ ਨਿਕਲਾਸ ਫੁਲਕਰਗ ਨੇ ਗੋਲ ਕੀਤਾ। ਉਸ ਨੇ ਇਹ ਗੋਲ ਮੈਚ ਦੇ 83ਵੇਂ ਮਿੰਟ ਵਿੱਚ ਕੀਤਾ।

ਇਹ ਵੀ ਪੜ੍ਹੋ : ਬੈਲਜੀਅਮ ਨੂੰ ਹਰਾ ਕੇ ਮੋਰਾਕੋ ਨੇ 24 ਸਾਲਾਂ ਬਾਅਦ ਵਿਸ਼ਵ ਕੱਪ 'ਚ ਜਿੱਤ ਕੀਤੀ ਹਾਸਲ

ਇਸ ਤੋਂ ਬਾਅਦ ਮੈਚ ਦੇ ਆਖਰੀ ਸਮੇਂ ਤੋਂ ਬਾਅਦ ਵਾਧੂ ਇੰਜਰੀ ਟਾਈਮ ਵਿੱਚ ਵੀ ਦੋਵੇਂ ਟੀਮਾਂ ਗੋਲ ਨਹੀਂ ਕਰ ਸਕੀਆਂ। ਇਸ ਦੌਰਾਨ ਜਰਮਨੀ ਨੇ ਮੈਚ ਡਰਾਅ ਕਰਕੇ ਆਪਣੀ ਨਾਕਆਊਟ ਦੀਆਂ ਉਮੀਦਾਂ ਨੂੰ ਬਰਕਰਾਰ ਰੱਖਿਆ। ਜਰਮਨੀ ਆਪਣਾ ਪਹਿਲਾ ਮੈਚ ਜਾਪਾਨ ਤੋਂ 2-1 ਨਾਲ ਹਾਰ ਗਿਆ ਸੀ, ਜਦਕਿ ਜਰਮਨੀ ਨੂੰ ਕੋਸਟਾ ਰੀਕਾ ਖਿਲਾਫ ਆਪਣਾ ਆਖਰੀ ਮੈਚ ਜਿੱਤਣਾ ਜ਼ਰੂਰੀ ਹੋ ਗਿਆ ਹੈ। ਸਪੇਨ ਇੱਥੇ ਗਰੁੱਪ ਈ ਵਿਚ ਸਿਖਰ 'ਤੇ ਬਰਕਰਾਰ ਹੈ, ਜਦਕਿ ਜਾਪਾਨ ਇਕ ਜਿੱਤ ਅਤੇ ਇਕ ਹਾਰ ਨਾਲ ਤਿੰਨ ਅੰਕਾਂ ਨਾਲ ਦੂਜੇ ਸਥਾਨ 'ਤੇ ਹੈ, ਜਦਕਿ ਕੋਸਟਾ ਰੀਕਾ ਵੀ ਇਕ ਜਿੱਤ ਅਤੇ ਇਕ ਹਾਰ ਨਾਲ ਤਿੰਨ ਅੰਕਾਂ ਨਾਲ ਤੀਜੇ ਸਥਾਨ 'ਤੇ ਹੈ। ਕੋਸਟਾ ਰੀਕਾ ਚਾਰ ਵਾਰ ਦੇ ਵਿਸ਼ਵ ਕੱਪ ਜੇਤੂ ਜਰਮਨੀ ਦੇ ਖਿਲਾਫ ਵਾਪਸੀ ਕਰਨ ਦੀ ਕੋਸ਼ਿਸ਼ ਕਰੇਗੀ।