ਫੀਡੇ ਨੇ ਵਿਸ਼ਵ ਸ਼ਤਰੰਜ ਗ੍ਰਾਂ ਪ੍ਰੀ ਦਾ ਫਾਰਮੈਟ ਬਦਲਿਆ, ਹੰਪੀ ਨੇ ਪ੍ਰਗਟਾਈ ਖੁਸ਼ੀ

ਨਵੀਂ ਦਿੱਲੀ (ਨਿਕਲੇਸ਼ ਜੈਨ)- ਵਿਸ਼ਵ ਸ਼ਤਰੰਜ ਮਹਾਸੰਘ ਨੇ ਆਉਣ ਵਾਲੇ ਸਾਲ ਤੋਂ ਇਕ ਵਾਰ ਫਿਰ ਫੀਡੇ ਮਹਿਲਾ ਗ੍ਰਾਂ ਪ੍ਰੀ ਸ਼ਤਰੰਜ ਦੇ ਫਾਰਮੈਟ ਨੂੰ ਰਾਊਂਡ ਰੌਬਿਨ ਵਿਚ ਬਦਲ ਦਿੱਤਾ ਹੈ। ਇਸ ਤੋਂ ਪਹਿਲਾਂ ਇਹ ਟੂਰਨਾਮੈਂਟ ਨਾਕ ਆਊਟ ਦੇ ਆਧਾਰ 'ਤੇ ਕਰਵਾਇਆ ਜਾ ਰਿਹਾ ਸੀ, ਜਿਸ 'ਤੇ ਕਈ ਚੋਟੀ ਦੇ ਖਿਡਾਰੀਆਂ ਨੇ ਆਪਣੀ ਨਾਖੁਸ਼ੀ ਜ਼ਾਹਰ ਕੀਤੀ ਸੀ। 

ਇਹ ਵੀ ਪੜ੍ਹੋ : ਏਸ਼ੀਅਨ ਪੈਰਾ ਗੇਮਜ਼ : ਪੁਰਸ਼ਾਂ ਦੀ ਉੱਚੀ ਛਾਲ ਵਿੱਚ ਨਿਸ਼ਾਦ ਕੁਮਾਰ ਨੇ ਜਿੱਤਿਆ ਸੋਨ ਤਮਗ਼ਾ

ਇਸ ਤੋਂ ਇਲਾਵਾ ਇਸ ਵਿੱਚ ਕਈ ਬਦਲਾਅ ਕੀਤੇ ਗਏ ਹਨ ਜਿਵੇਂ ਕਿ ਹੁਣ ਗ੍ਰਾਂ ਪ੍ਰੀ ਦੀ ਗਿਣਤੀ 4 ਤੋਂ ਵਧਾ ਕੇ ਛੇ ਕਰ ਦਿੱਤੀ ਗਈ ਹੈ, ਪਰ ਕੋਈ ਵੀ ਮਹਿਲਾ ਖਿਡਾਰੀ ਵੱਧ ਤੋਂ ਵੱਧ ਤਿੰਨ ਟੂਰਨਾਮੈਂਟ ਚੁਣ ਸਕਦੀ ਹੈ, ਇਨਾਮੀ ਰਾਸ਼ੀ 80,000 ਯੂਰੋ ਤੋਂ 50% ਵਧਾ ਦਿੱਤੀ ਗਈ ਹੈ। ਹੁਣ ਇਸ ਨੂੰ ਇੱਕ ਲੱਖ ਵੀਹ ਹਜ਼ਾਰ ਯੂਰੋ ਕਰ ਦਿੱਤਾ ਗਿਆ ਹੈ। ਖਿਡਾਰੀਆਂ ਦੀ ਗਿਣਤੀ ਵੀ 16 ਤੋਂ ਵਧਾ ਕੇ 20 ਕਰ ਦਿੱਤੀ ਗਈ ਹੈ। ਹਾਲਾਂਕਿ, ਹਮੇਸ਼ਾ ਦੀ ਤਰ੍ਹਾਂ, ਸਾਰੇ ਗ੍ਰਾਂ ਪ੍ਰੀ ਟੂਰਨਾਮੈਂਟਾਂ ਤੋਂ ਬਾਅਦ ਸਿਰਫ ਚੋਟੀ ਦੇ ਦੋ ਖਿਡਾਰੀ ਹੀ FIDE ਉਮੀਦਵਾਰਾਂ ਦੀ ਸੂਚੀ ਵਿੱਚ ਦਾਖਲ ਹੋਣਗੇ।

ਇਹ ਵੀ ਪੜ੍ਹੋ : ਏਸ਼ੀਆਈ ਪੈਰਾ ਖੇਡ : ਪ੍ਰਾਚੀ ਯਾਦਵ ਨੇ ਪੈਰਾ ਕੈਨੋ 'ਚ ਜਿੱਤਿਆ ਸੋਨ ਤਮਗਾ

ਵਿਸ਼ਵ ਦੀ ਚੌਥੇ ਨੰਬਰ ਦੀ ਭਾਰਤ ਦੀ ਕੋਨੇਰੂ ਹੰਪੀ ਰਾਊਂਡ-ਰੋਬਿਨ ਦੇ ਹੱਕ ਵਿੱਚ ਸੀ : ਉਸਨੇ ਕਿਹਾ, "ਮੈਂ ਰਾਊਂਡ-ਰੋਬਿਨ ਫਾਰਮੈਟ ਨਾਲ ਜੁੜੇ ਰਹਿਣ ਲਈ ਵੋਟ ਦਿੱਤੀ ਕਿਉਂਕਿ ਇਹ ਸਭ ਤੋਂ ਵਧੀਆ ਖਿਡਾਰੀ ਨੂੰ ਜਿੱਤਣ ਦਾ ਮੌਕਾ ਦਿੰਦਾ ਹੈ"।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:- 
https://play.google.com/store/apps/details?id=com.jagbani&hl=en&pli=1

For IOS:- 
https://apps.apple.com/in/app/id538323711

ਨੋਟ : ਇਸ ਖ਼ਬਰ ਬਾਰੇ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦਿਓ ਜਵਾਬ