ਭਾਰਤ ਸੁਰੱਖਿਅਤ ਹੱਥਾਂ ''ਚ ਹੈ- ਗੌਤਮ ਗੰਭੀਰ ਨੂੰ ਕੋਚ ਬਣਾਉਣ ''ਤੇ ਬੋਲੇ ਬ੍ਰੇਟ ਲੀ
Tuesday, Jul 16, 2024 - 10:40 AM (IST)
![](https://static.jagbani.com/multimedia/2024_7image_10_40_27924235824.jpg)
ਸਪੋਰਟਸ ਡੈਸਕ—ਮਹਾਨ ਆਸਟ੍ਰੇਲੀਆਈ ਕ੍ਰਿਕਟਰ ਬ੍ਰੈਟ ਲੀ ਦਾ ਮੰਨਣਾ ਹੈ ਕਿ ਗੌਤਮ ਗੰਭੀਰ ਨੂੰ ਕੋਚ ਨਿਯੁਕਤ ਕਰਨ ਨਾਲ ਭਾਰਤੀ ਕ੍ਰਿਕਟ ਟੀਮ ਦਾ ਭਵਿੱਖ ਸੁਰੱਖਿਅਤ ਹੱਥਾਂ 'ਚ ਹੋਵੇਗਾ। ਭਾਰਤੀ ਕ੍ਰਿਕਟ ਕੰਟਰੋਲ ਬੋਰਡ (ਬੀਸੀਸੀਆਈ) ਦੇ ਸਕੱਤਰ ਜੈ ਸ਼ਾਹ ਨੇ ਹਾਲ ਹੀ ਵਿੱਚ ਗੰਭੀਰ ਨੂੰ ਭਾਰਤ ਦਾ ਮੁੱਖ ਕੋਚ ਨਿਯੁਕਤ ਕੀਤਾ ਸੀ। ਗੰਭੀਰ ਸ਼੍ਰੀਲੰਕਾ ਖਿਲਾਫ ਹੋਣ ਵਾਲੇ ਵਨਡੇ ਅਤੇ ਟੀ-20 ਸੀਰੀਜ਼ ਲਈ ਟੀਮ ਨਾਲ ਜੁੜ ਜਾਣਗੇ। ਹਾਲਾਂਕਿ ਗੰਭੀਰ ਨੇ ਅਧਿਕਾਰਤ ਤੌਰ 'ਤੇ ਪ੍ਰਤੀਯੋਗੀ ਕ੍ਰਿਕਟ ਵਿੱਚ ਕਿਸੇ ਵੀ ਟੀਮ ਨੂੰ ਕੋਚਿੰਗ ਨਹੀਂ ਦਿੱਤੀ ਹੈ ਪਰ ਉਹ ਸਾਲ 2022 ਅਤੇ 2023 ਸੀਜ਼ਨ ਵਿੱਚ ਲਖਨਊ ਸੁਪਰ ਜਾਇੰਟਸ (ਐੱਲਐੱਸਜੀ) ਅਤੇ 2024 ਸੀਜ਼ਨ ਵਿੱਚ ਕੇਕੇਆਰ ਦੇ ਮੈਂਟਰ ਸਨ। ਕੇਕੇਆਰ ਤਾਂ ਇਸ ਸਾਲ ਖਿਤਾਬ ਜਿੱਤਣ ਵਿਚ ਵੀ ਸਫਲ ਰਹੀ ਸੀ।
ਲੀ ਨੇ ਕਿਹਾ ਕਿ ਜਦੋਂ ਵੀ ਉਨ੍ਹਾਂ (ਗੌਤਮ ਗੰਭੀਰ) ਨੂੰ ਮੌਕਾ ਮਿਲਿਆ, ਉਨ੍ਹਾਂ ਨੇ ਵਧੀਆ ਕੰਮ ਕੀਤਾ। ਕੇਕੇਆਰ ਦੇ ਨਾਲ ਇੰਡੀਅਨ ਪ੍ਰੀਮੀਅਰ ਲੀਗ ਦਾ ਖਿਤਾਬ ਇਸ ਦੀ ਸਭ ਤੋਂ ਵਧੀਆ ਉਦਾਹਰਣ ਹੈ। ਉਹ ਹਮੇਸ਼ਾ ਆਪਣੀ ਖੇਡ ਦੇ ਸਿਖਰ 'ਤੇ ਰਹੇ ਹਨ। ਉਹ ਆਪਣੇ ਖਿਡਾਰੀਆਂ ਨੂੰ ਇਕੱਠਾ ਕਰਨ ਅਤੇ ਆਪਣੀ ਟੀਮ ਨੂੰ ਇਕਜੁੱਟ ਕਰਨ ਦਾ ਤਰੀਕਾ ਲੱਭਦੇ ਹਨ। ਇਹ ਇੱਕ ਠੋਸ ਬਣਤਰ ਬਣਾਉਂਦਾ ਹੈ। ਉਹ ਇਕ ਸ਼ਾਨਦਾਰ ਖਿਡਾਰੀ ਰਹੇ ਹਨ ਅਤੇ ਉਨ੍ਹਾਂ ਦੇ ਹਮਲਾਵਰ ਅਤੇ ਜਿੱਤਣ ਵਾਲੇ ਰਵੱਈਏ ਨਾਲ ਭਾਰਤ ਨੂੰ ਮਦਦ ਮਿਲੇਗੀ। ਉਹ ਅੰਤਰਰਾਸ਼ਟਰੀ ਪੱਧਰ 'ਤੇ ਇਕ ਖਿਡਾਰੀ ਵਜੋਂ ਚਮਕੇ ਹਨ। ਗੌਤਮ ਗੰਭੀਰ ਦੇ ਕੋਚ ਵਜੋਂ ਭਾਰਤ ਸੁਰੱਖਿਅਤ ਹੱਥਾਂ ਵਿੱਚ ਹੈ।
ਇਸ ਤੋਂ ਪਹਿਲਾਂ ਸ਼੍ਰੀਲੰਕਾ ਕ੍ਰਿਕਟ ਨੇ ਪੁਸ਼ਟੀ ਕੀਤੀ ਸੀ ਕਿ ਭਾਰਤ ਅਤੇ ਮੇਜ਼ਬਾਨ ਸ਼੍ਰੀਲੰਕਾ ਦੇ ਵਿਚਾਲੇ ਛੇ ਮੈਚਾਂ ਦੀ ਸਫੇਦ ਗੇਂਦ ਸੀਰੀਜ਼ 'ਚ ਇੱਕ ਦਿਨ ਦੀ ਦੇਰੀ ਹੋ ਗਈ ਹੈ। ਟੀ-20 ਅਤੇ ਵਨ ਡੇ ਸੀਰੀਜ਼ ਲਈ ਭਾਰਤ 22 ਜੁਲਾਈ ਨੂੰ ਸ਼੍ਰੀਲੰਕਾ ਪਹੁੰਚੇਗਾ। ਤਿੰਨੋਂ ਟੀ-20 ਮੈਚ ਪੱਲੇਕੇਲੇ 'ਚ ਖੇਡੇ ਜਾਣਗੇ। ਕੋਲੰਬੋ ਦਾ ਪ੍ਰੇਮਦਾਸਾ ਸਟੇਡੀਅਮ ਅਗਸਤ 'ਚ ਦੋਵਾਂ ਟੀਮਾਂ ਵਿਚਾਲੇ ਹੋਣ ਵਾਲੀ ਪੂਰੀ ਵਨਡੇ ਸੀਰੀਜ਼ ਦੀ ਮੇਜ਼ਬਾਨੀ ਕਰੇਗਾ।