ਬਾਰਸੀਲੋਨਾ ਨੇ ਬੋਰੂਸੀਆ ਡੋਰਟਮੰਡ ਨੂੰ ਬਰਾਬਰੀ ''ਤੇ ਰੋਕਿਆ
09/19/2019 12:47:24 AM
ਡੋਰਟਮੰਡ— ਸੱਟ ਤੋਂ ਬਾਅਦ ਵਾਪਸੀ ਕਰ ਰਿਹਾ ਲਿਓਨਿਲ ਮੇਸੀ ਮੌਜੂਦਾ ਸੈਸ਼ਨ ਵਿਚ ਪਹਿਲੀ ਵਾਰ ਬਾਰਸੀਲੋਨਾ ਵੱਲੋਂ ਮੈਦਾਨ 'ਤੇ ਉਤਰਿਆ ਪਰ ਚੈਂਪੀਅਨਸ ਲੀਗ ਦੇ ਪਹਿਲੇ ਮੈਚ ਵਿਚ ਬੋਰੂਸੀਆ ਡੋਰਟਮੰਡ ਨੇ ਟੀਮ ਨੂੰ ਗੋਲ-ਰਹਿਤ ਡਰਾਅ 'ਤੇ ਰੋਕ ਦਿੱਤਾ। ਮੇਸੀ ਸੱਟ ਕਾਰਨ ਸੈਸ਼ਨ ਦੇ ਸ਼ੁਰੂਆਤੀ ਮੈਚਾਂ 'ਚੋਂ ਬਾਹਰ ਰਿਹਾ ਸੀ।
ਬਾਰਸੀਲੋਨਾ ਦੀ ਟੀਮ ਹਾਲਾਂਕਿ ਕਿਸਮਤ ਵਾਲੀ ਰਹੀ ਕਿ ਡੋਰਟਮੰਡ ਦੀ ਟੀਮ ਜਿੱਤ ਹਾਸਲ ਨਹੀਂ ਕਰ ਸਕੀ। ਡੋਰਟਮੰਡ ਦੇ ਕਪਤਾਨ ਮਾਰਕੋ ਕਿਊਸ ਨੇ ਪੈਨਲਟੀ 'ਤੇ ਗੋਲ ਕਰਨ ਦਾ ਮੌਕਾ ਗੁਆਇਆ, ਜਦਕਿ ਦੂਸਰੇ ਹਾਫ ਵਿਚ ਵੀ ਟੀਮ ਕਈ ਮੌਕਿਆਂ ਦਾ ਫਾਇਦਾ ਚੁੱਕਣ ਵਿਚ ਫੇਲ ਰਹੀ। ਇਸ ਡਰਾਅ ਤੋਂ ਬਾਅਦ ਗਰੁੱਪ-ਐੱਫ ਵਿਚ ਸਾਰੀਆਂ 4 ਟੀਮਾਂ ਦੇ 4-4 ਅੰਕ ਹਨ।
