Asian Games 2023 : ਸਿੱਧੇ ਕੁਆਰਟਰ ਫਾਈਨਲ ਖੇਡੇਗੀ ਭਾਰਤ ਦੀ ਪੁਰਸ਼ ਅਤੇ ਮਹਿਲਾ ਕ੍ਰਿਕਟ ਟੀਮ, ਜਾਣੋ ਕਿਵੇਂ

ਸਪੋਰਟਸ ਡੈਸਕ- ਭਾਰਤ ਦੀਆਂ ਪੁਰਸ਼ ਅਤੇ ਮਹਿਲਾ ਕ੍ਰਿਕਟ ਟੀਮਾਂ ਆਗਾਮੀ ਏਸ਼ੀਆਈ ਖੇਡਾਂ 2023 'ਚ ਸਿੱਧੇ ਕੁਆਰਟਰ ਫਾਈਨਲ 'ਚ ਖੇਡਦੀਆਂ ਨਜ਼ਰ ਆਉਣ ਵਾਲੀਆਂ ਹਨ। ਭਾਰਤੀ ਮਹਿਲਾ ਟੀਮ ਦੀ ਕਪਤਾਨ ਹਰਮਨਪ੍ਰੀਤ ਕੌਰ ਏਸ਼ਿਆਈ ਖੇਡਾਂ 'ਚ ਤਾਂ ਹੀ ਖੇਡ ਸਕੇਗੀ ਜੇਕਰ ਟੀਮ ਹਾਂਗਜ਼ੂ 'ਚ 23 ਸਤੰਬਰ ਤੋਂ ਸ਼ੁਰੂ ਹੋ ਰਹੀਆਂ ਮਹਾਂਦੀਪੀ ਖੇਡਾਂ ਦੇ ਫਾਈਨਲ 'ਚ ਪਹੁੰਚਦੀ ਹੈ। ਪੁਰਸ਼ ਅਤੇ ਮਹਿਲਾ ਦੋਵਾਂ ਮੁਕਾਬਲਿਆਂ 'ਚ ਚਾਰ ਟੀਮਾਂ 1 ਜੂਨ ਨੂੰ ਆਈਸੀਸੀ ਟੀ-20 ਅੰਤਰਰਾਸ਼ਟਰੀ ਰੈਂਕਿੰਗ ਦੇ ਆਧਾਰ 'ਤੇ ਆਖਰੀ ਅੱਠ ਪੜਾਅ ਤੋਂ ਸਿੱਧੇ ਭਾਰਤ, ਪਾਕਿਸਤਾਨ, ਸ੍ਰੀਲੰਕਾ ਅਤੇ ਬੰਗਲਾਦੇਸ਼ ਨਾਲ ਖੇਡਣਗੀਆਂ। ਸਾਰੇ ਮੈਚਾਂ ਦਾ ਅਧਿਕਾਰਤ ਟੀ-20 ਅੰਤਰਰਾਸ਼ਟਰੀ ਦਰਜਾ ਹੋਵੇਗਾ। ਹਰਮਨਪ੍ਰੀਤ 'ਤੇ ਹਾਲ ਹੀ 'ਚ ਬੰਗਲਾਦੇਸ਼ ਖ਼ਿਲਾਫ਼ ਵਨਡੇ ਮੈਚ 'ਚ ਅੰਪਾਇਰਿੰਗ ਦੀ ਜਨਤਕ ਤੌਰ 'ਤੇ ਆਲੋਚਨਾ ਕਰਨ 'ਤੇ ਦੋ ਮੈਚਾਂ ਦੀ ਪਾਬੰਦੀ ਲਗਾਈ ਗਈ ਸੀ। ਉਹ ਕੁਆਰਟਰ ਫਾਈਨਲ 'ਚ ਨਹੀਂ ਖੇਡ ਸਕੇਗੀ ਜੋ ਯਕੀਨੀ ਤੌਰ 'ਤੇ ਕਿਸੇ ਐਸੋਸੀਏਟ ਦੇਸ਼ ਦੇ ਖ਼ਿਲਾਫ਼ ਹੋਵੇਗਾ ਅਤੇ ਫਿਰ ਉਹ ਪੂਰੇ ਮੈਂਬਰ ਦੇਸ਼ ਦੇ ਖ਼ਿਲਾਫ਼ ਸੈਮੀਫਾਈਨਲ 'ਚ ਨਹੀਂ ਖੇਡ ਸਕੇਗੀ।

ਇਹ ਵੀ ਪੜ੍ਹੋ- T20 World Cup 2024 : ਟੂਰਨਾਮੈਂਟ ਸ਼ੁਰੂ ਹੋਣ ਦੀ ਤਾਰੀਖ਼ ਆਈ ਸਾਹਮਣੇ, 30 ਜੂਨ ਨੂੰ ਖੇਡਿਆ ਜਾਵੇਗਾ ਫਾਈਨਲ
ਇਥੇ ਤੱਕ ਕਿ ਰੂਤੁਰਾਜ ਗਾਇਕਵਾੜ ਦੀ ਅਗਵਾਈ ਵਾਲੀ ਪੁਰਸ਼ ਟੀਮ ਨੇ ਵੀ 1 ਜੂਨ ਤੱਕ ਆਈਸੀਸੀ ਟੀ-20 ਰੈਂਕਿੰਗ ਦੇ ਆਧਾਰ 'ਤੇ ਕੁਆਰਟਰ ਫਾਈਨਲ 'ਚ ਸਿੱਧੀ ਐਂਟਰੀ ਕਰ ਲਈ ਹੈ। ਪੁਰਸ਼ ਵਰਗ 'ਚ 18 ਟੀਮਾਂ ਜਦਕਿ ਮਹਿਲਾ ਵਰਗ 'ਚ 14 ਟੀਮਾਂ ਹਿੱਸਾ ਲੈਣਗੀਆਂ। ਔਰਤਾਂ ਦੇ ਮੁਕਾਬਲੇ 19 ਸਤੰਬਰ ਨੂੰ ਸ਼ੁਰੂ ਹੋਣਗੇ ਅਤੇ 26 ਸਤੰਬਰ ਨੂੰ ਸੋਨ ਅਤੇ ਕਾਂਸੀ ਦੇ ਤਗਮੇ ਦੇ ਮੈਚਾਂ ਨਾਲ ਸਮਾਪਤ ਹੋਣਗੇ। ਪੁਰਸ਼ ਟੂਰਨਾਮੈਂਟ 28 ਸਤੰਬਰ ਨੂੰ ਸ਼ੁਰੂ ਹੋਵੇਗਾ ਅਤੇ ਫਾਈਨਲ 7 ਅਕਤੂਬਰ ਨੂੰ ਅਹਿਮਦਾਬਾਦ 'ਚ ਪੁਰਸ਼ ਆਈਸੀਸੀ 50 ਓਵਰਾਂ ਦੇ ਵਿਸ਼ਵ ਕੱਪ ਦੀ ਸ਼ੁਰੂਆਤ ਤੋਂ ਇੱਕ ਦਿਨ ਬਾਅਦ ਖੇਡਿਆ ਜਾਵੇਗਾ। ਜੇਕਰ ਭਾਰਤੀ ਕ੍ਰਿਕਟ ਟੀਮ ਫਾਈਨਲ ਲਈ ਕੁਆਲੀਫਾਈ ਕਰ ਲੈਂਦੀ ਹੈ, ਤਾਂ ਉਸ ਨੂੰ ਲਗਾਤਾਰ ਤਿੰਨ ਦਿਨ- 5 ਅਕਤੂਬਰ (ਕੁਆਰਟਰ ਫਾਈਨਲ), 6 ਅਕਤੂਬਰ (ਸੈਮੀਫਾਈਨਲ) ਅਤੇ 7 ਅਕਤੂਬਰ (ਫਾਈਨਲ) ਖੇਡਣਾ ਹੋਵੇਗਾ।

ਇਹ ਵੀ ਪੜ੍ਹੋ- Asia cup : ਅਗਸਤ 'ਚ ਵਿਕਣਗੀਆਂ ਟਿਕਟਾਂ, INA vs PAK ਮੈਚ ਲਈ ਖ਼ਾਸ ਪ੍ਰਬੰਧ
ਇਸ ਗੱਲ ਦੀ ਪੂਰੀ ਸੰਭਾਵਨਾ ਹੈ ਕਿ ਭਾਰਤ ਦਾ ਕੁਆਰਟਰ ਫਾਈਨਲ ਅਫਗਾਨਿਸਤਾਨ ਜਾਂ ਬੰਗਲਾਦੇਸ਼ ਦੀ ਦੂਜੀ ਸ਼੍ਰੇਣੀ ਦੀ ਟੀਮ ਨਾਲ ਹੋਵੇਗਾ ਕਿਉਂਕਿ ਉਸ ਸਮੇਂ ਭਾਰਤ 'ਚ ਚੱਲ ਰਹੇ ਵਿਸ਼ਵ ਕੱਪ 'ਚ ਦੋਵਾਂ ਦੇਸ਼ਾਂ ਦੀਆਂ ਮੁੱਖ ਟੀਮਾਂ ਹੋਣਗੀਆਂ। ਪੂਰੀ ਸੰਭਾਵਨਾ ਹੈ ਕਿ ਪੁਰਸ਼ ਟੀਮ ਉਦਘਾਟਨ ਸਮਾਰੋਹ ਸ਼ੁਰੂ ਹੋਣ ਤੋਂ ਪਹਿਲਾਂ ਖੇਡ ਪਿੰਡ ਪਹੁੰਚ ਜਾਵੇਗੀ ਕਿਉਂਕਿ ਉਨ੍ਹਾਂ ਦੀ ਮੁਹਿੰਮ ਸ਼ੁਰੂ ਹੋਣ 'ਚ ਲਗਭਗ ਦੋ ਹਫ਼ਤੇ ਦਾ ਸਮਾਂ ਹੋਵੇਗਾ। ਨਾਲ ਹੀ ਬੀਸੀਸੀਆਈ (ਭਾਰਤੀ ਕ੍ਰਿਕਟ ਬੋਰਡ) ਨੇ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਹੈ ਕਿ ਕ੍ਰਿਕਟ ਟੀਮ ਖੇਡ ਪਿੰਡ ਜਾਂ ਸ਼ਹਿਰ ਦੇ ਕਿਸੇ ਪੰਜ ਸਿਤਾਰਾ ਹੋਟਲ 'ਚ ਰੁਕੇਗੀ। ਹਾਂਗਜ਼ੂ ਖੇਡਾਂ 'ਚ ਪੁਰਸ਼ ਅਤੇ ਔਰਤ ਮੁਕਾਬਲਿਆਂ 'ਚ ਕੁੱਲ 32 ਮੈਚ ਹੋਣਗੇ। ਜਿਨ੍ਹਾਂ 'ਚ 18 ਪੁਰਸ਼ ਅਤੇ 14 ਔਰਤਾਂ ਦੇ ਮੈਚ ਹੋਣਗੇ ਜੇਕਰ ਭਾਰਤੀ ਟੀਮ ਫਾਈਨਲ ਤੱਕ ਖੇਡਦੀ ਹੈ ਤਾਂ ਉਸ ਨੂੰ ਭਾਰਤੀ ਸਮੇਂ ਅਨੁਸਾਰ ਦੁਪਹਿਰ 12 ਵਜੇ (ਸਥਾਨਕ ਸਮੇਂ ਅਨੁਸਾਰ 2:30 ਵਜੇ) ਤੋਂ ਮੈਚ ਖੇਡਣੇ ਹੋਣਗੇ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8