Asia Cup:ਰੌਂਦੇ ਬੱਚੇ ਨੂੰ ਭੁਵਨੇਸ਼ਵਰ ਕੁਮਾਰ ਨੇ ਦਿੱਤਾ ਇਹ ਖਾਸ ਤੋਹਫਾ

ਨਵੀਂ ਦਿੱਲੀ—ਏਸ਼ੀਆ ਕੱਪ ਦੇ ਸੁਪਰ-4 ਮੁਕਾਬਲੇ 'ਚ ਅਫਗਾਨਿਸਤਾਨ ਖਿਲਾਫ ਟੀਮ ਇੰਡੀਆ ਜਿੱਤ ਹਾਸਲ ਨਹੀਂ ਕਰ ਪਾਈ ਸੀ। ਭਾਰਤ ਅਤੇ ਅਫਗਾਨਿਸਤਾਨ ਦਾ ਇਹ ਮੈਚ ਟਾਈ ਰਿਹਾ ਸੀ। ਰਾਸ਼ਿਦ ਖਾਨ ਨੇ ਜਡੇਜਾ ਨੂੰ ਆਊਟ ਕਰ ਕੇ ਭਾਰਤ ਦੇ ਹੱਥਾਂ ਤੋਂ ਜਿੱਤ ਖੋਹ ਲਈ ਸੀ ਜਿਸ ਤੋਂ ਬਾਅਦ ਮੈਦਾਨ 'ਤੇ ਬੈਠਾ ਇਕ ਬੱਚਾ ਰੋਣ ਲੱਗਾ ਸੀ।

Koi na putt Rona Nahi hai final aapa jittange 🇮🇳🇮🇳😘 pic.twitter.com/fjI0DWeBoy

— Harbhajan Turbanator (@harbhajan_singh) September 25, 2018

ਇਹ ਬੱਚਾ ਜਡੇਜਾ ਦੇ ਆਊਟ ਹੋਣ ਤੋਂ ਬਾਅਦ ਇੰਨਾ ਨਿਰਾਸ਼ ਹੋ ਗਿਆ ਕਿ ਉਸਦੇ ਹੰਝੂ ਨਿਕਲ ਆਏ, ਹਾਲਾਂਕਿ ਇਸਦੇ ਬਾਅਦ ਟੀਮ ਇੰਡੀਆ ਦੇ ਤੇਜ਼ ਗੇਂਦਬਾਜ਼ ਭੁਵਨੇਸ਼ਵਰ ਕੁਮਾਰ ਨੇ ਇਸ ਬੱਚੇ ਨੂੰ ਬਹੁਤ ਖਾਸ ਗਿਫਟ ਦਿੱਤਾ। ਭੁਵਨੇਸ਼ਵਰ ਕੁਮਾਰ ਨੇ ਮੈਚ ਤੋਂ ਬਾਅਦ ਇਸ ਬੱਚੇ ਦੇ ਪਿਤਾ ਅਮਰਪ੍ਰੀਤ ਸਿੰਘ ਨੂੰ ਫੋਨ ਕੀਤਾ ਅਤੇ ਬੱਚੇ ਨਾਲ ਵੀ ਗੱਲ ਕੀਤੀ। ਭੁਵਨੇਸ਼ਵਰ ਕੁਮਾਰ ਨੇ ਬੱਚੇ ਨੂੰ ਚੁੱਪ ਕਰਾਉਂਦੇ ਹੋਏ ਉਸ ਨੂੰ ਚੈਂਪੀਅਨਜ਼ ਬਣਾਉਣ ਦਾ ਵਾਅਦਾ ਕੀਤਾ। ਭੁਵਨੇਸ਼ਵਰ ਦੀ ਕਾਲ ਤੋਂ ਬਾਅਦ ਇਹ ਬੱਚਾ ਬਹੁਤ ਖੁਸ਼ ਹੋ ਗਿਆ। ਇਸਦਾ ਵੀਡੀਓ ਅਤੇ ਤਸਵੀਰਾਂ ਬੱਚੇ ਦੇ ਪਿਤਾ ਅਮਰਪ੍ਰੀਤ ਸਿੰਘ ਨੇ ਟਵੀਟ ਵੀ ਕੀਤੀਆਂ ਹਨ।

Koi na putt Rona Nahi hai final aapa jittange 🇮🇳🇮🇳😘 pic.twitter.com/fjI0DWeBoy

— Harbhajan Turbanator (@harbhajan_singh) September 25, 2018

ਸਿਰਫ ਭੁਵਨੇਸ਼ਵਰ ਹੀ ਨਹੀਂ ਬਲਕਿ ਟੀਮ ਇੰਡੀਆ ਦੇ ਸਾਬਕਾ ਆਫ ਸਪਿਨਰ ਹਰਭਜਨ ਸਿੰਘ ਨੇ ਵੀ ਬੱਚੇ ਨੂੰ ਚੁੱਪ ਕਰਾਉਂਦੇ ਹੋਏ ਟੀਮ ਇੰਡੀਆ ਦੇ ਚੈਂਪੀਅਨਜ਼ ਬਣਾਉਣ ਦਾ ਦਿਲਾਸਾ ਦਿੱਤਾ। ਇਹੀ ਨਹੀਂ ਵਿਰੋਧੀ ਟੀਮ ਦੇ ਖਿਡਾਰੀ ਰਾਸ਼ਿਦ ਖਾਨ ਅਤੇ ਮੁਹੰਮਦ ਸ਼ਾਹਜਾਦ ਨੇ ਵੀ ਬੱਚੇ ਨਾਲ ਮੁਲਾਕਾਤ ਕੀਤੀ ਅਤੇ ਉਸਦੇ ਨਾਲ ਫੋਟੋ ਖਿਚਵਾਈ।

One of the reason I love this Afghanistan team👏🙏🙏👏#Afghanistan #INDvAFG #AsiaCup2018 pic.twitter.com/nLgg9Y8KgK

— CricfreakZ (@cricfreakz) September 26, 2018

ਦੱਸ ਦਈਏ ਕਿ ਏਸ਼ੀਆ ਕੱਪ 'ਚ ਹੁਣ ਭਾਰਤ ਅਤੇ ਬੰਗਲਾਦੇਸ਼ ਵਿਚਕਾਰ ਖਿਤਾਬੀ ਭਿੜਤ ਹੋਣੀ ਹੈ। ਮੁਕਾਬਲਾ ਸ਼ੁੱਕਰਵਾਰ ਨੂੰ ਸ਼ਾਮ 5 ਵਜੇ ਦੁਬਈ ਇੰਟਰਨੈਸ਼ਨਲ ਸਟੇਡੀਅਮ 'ਚ ਹੋਵੇਗਾ। ਬੰਗਲਾਦੇਸ਼ ਨੇ ਪਾਕਿਸਤਾਨ ਨੂੰ 37 ਦੌੜਾਂ ਨਾਲ ਹਰਾ ਕੇ ਫਾਈਨਲ 'ਚ ਜਗ੍ਹਾ ਬਣਾਈ ਹੈ। ਉਹ ਤੀਜੀ ਵਾਰ ਏਸ਼ੀਆ ਕੱਪ ਦੇ ਫਾਈਨਲ 'ਚ ਪਹੁੰਚੀ ਹੈ।