ਐਂਡਰਿਊ ਮੈਕਡੋਨਾਲਡ ਕੋਰੋਨਾ ਪਾਜ਼ੀਟਿਵ, ਸ਼੍ਰੀਲੰਕਾ ਦੌਰੇ ਦੇ ਸ਼ੁਰੂਆਤੀ ਹਿੱਸੇ ਤੋਂ ਬਾਹਰ

06/01/2022 2:59:03 PM

ਮੈਲਬੋਰਨ (ਏਜੰਸੀ)- ਆਸਟਰੇਲੀਆ ਦੇ ਮੁੱਖ ਕੋਚ ਐਂਡਰਿਊ ਮੈਕਡੋਨਾਲਡ ਕੋਰੋਨਾ ਪਾਜ਼ੇਟਿਵ ਪਾਏ ਗਏ ਹਨ ਅਤੇ ਉਹ ਸ਼੍ਰੀਲੰਕਾ ਦੌਰੇ ਦੇ ਪਹਿਲੇ ਹਿੱਸੇ ਤੋਂ ਬਾਹਰ ਰਹਿਣਗੇ। ਆਸਟਰੇਲੀਆਈ ਟੀਮ ਦੇ ਸ਼੍ਰੀਲੰਕਾ ਲਈ ਰਵਾਨਾ ਹੋਣ ਤੋਂ ਪਹਿਲਾਂ ਬੁੱਧਵਾਰ ਨੂੰ ਕਰਵਾਏ ਗਏ ਟੈਸਟ ਵਿੱਚ ਮੈਕਡੋਨਾਲਡਜ (ਉਮਰ 40 ਸਾਲ) ਸਕਾਰਾਤਮਕ ਪਾਏ ਗਏ। ਉਹ ਇੱਕ ਹਫ਼ਤੇ ਲਈ ਮੈਲਬੋਰਨ ਵਿੱਚ ਆਈਸੋਲੇਸ਼ਨ ਵਿੱਚ ਰਹਿਣਗੇ ਅਤੇ 8 ਜੂਨ ਨੂੰ ਦੂਜੇ ਟੀ-20 ਤੋਂ ਪਹਿਲਾਂ ਕੋਲੰਬੋ ਵਿੱਚ ਟੀਮ ਨਾਲ ਜੁੜਣਗੇ।

ਕ੍ਰਿਕਟ ਆਸਟ੍ਰੇਲੀਆ ਨੇ ਬੁੱਧਵਾਰ ਨੂੰ ਕਿਹਾ, 'ਆਸਟ੍ਰੇਲੀਆਈ ਪੁਰਸ਼ ਟੀਮ ਦੇ ਮੁੱਖ ਕੋਚ ਐਂਡਰਿਊ ਮੈਕਡੋਨਾਲਡ ਕੋਰੋਨਾ ਪਾਜ਼ੀਟਿਵ ਪਾਏ ਗਏ ਹਨ ਅਤੇ ਉਹ ਬਾਅਦ 'ਚ ਸ਼੍ਰੀਲੰਕਾ ਦੀ ਯਾਤਰਾ ਕਰਨਗੇ।' ਉਨ੍ਹਾਂ ਦੀ ਗੈਰ-ਮੌਜੂਦਗੀ 'ਚ ਸਹਾਇਕ ਕੋਚ ਮਾਈਕਲ ਡੀ ਵੇਨੂਟੋ ਟੀਮ ਦਾ ਮਾਰਗਦਰਸ਼ਨ ਕਰਨਗੇ। ਆਸਟਰੇਲੀਆ ਅਤੇ ਸ਼੍ਰੀਲੰਕਾ ਤਿੰਨ ਟੀ-20 ਅਤੇ ਪੰਜ ਵਨਡੇ ਮੈਚ ਖੇਡਣਗੇ। ਇਸ ਤੋਂ ਬਾਅਦ ਗਾਲੇ 'ਚ ਦੋ ਟੈਸਟ ਮੈਚ ਖੇਡੇ ਜਾਣੇ ਹਨ।
 


cherry

Content Editor

Related News