ਕੈਡੇਟ ਪਹਿਲਵਾਨਾਂ ਨੇ ਜਿੱਤੇ ਤਿੰਨ ਸੋਨ ਸਮੇਤ 23 ਤਮਗੇ

ਨਵੀਂ ਦਿਲੀ— ਭਾਰਤੀ ਕੈਡੇਟ ਪਹਿਲਵਾਨਾਂ ਨੇ ਕਜ਼ਾਕਿਸਤਾਨ ਦੇ ਨੂਰ ਸੁਲਤਾਨ 'ਚ ਆਯੋਜਿਤ ਕੈਡੇਟ ਏਸ਼ੀਆ ਕੁਸ਼ਤੀ ਪ੍ਰਤੀਯੋਗਤਾ ਵਿਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦੇ ਹੋਏ ਤਿੰਨ ਸੋਨ, 11 ਚਾਂਦੀ ਅਤੇ 9 ਕਾਂਸੀ ਤਮਗੇ ਜਿੱਤੇ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਗ੍ਰੀਕੋ ਰੋਮਨ ਪਹਿਲਵਾਨਾਂ ਨੇ 6 ਚਾਂਦੀ ਅਤੇ 1 ਕਾਂਸੀ ਤਮਗਾ, ਮਹਿਲਾ ਪਹਿਲਵਾਨਾਂ ਨੇ 1 ਸੋਨ, 3 ਚਾਂਦੀ ਤੇ 4 ਕਾਂਸੀ ਤਮਗੇ ਜਿੱਤੇ ਅਤੇ ਫ੍ਰੀ ਸਟਾਈਲ ਪਹਿਲਵਾਨਾਂ ਨੇ 2 ਸੋਨ, 2 ਚਾਂਦੀ ਤੇ 4 ਕਾਂਸੀ ਤਮਗੇ ਜਿੱਤੇ।
ਗ੍ਰੀਕੋ ਰੋਮਨ ਪਹਿਲਵਾਨਾਂ ਨੇ ਕੁਲ 7, ਮਹਿਲਾ ਪਹਿਲਵਾਨਾਂ ਨੇ ਕੁਲ 8 ਅਤੇ ਫ੍ਰੀ ਸਟਾਈਲ ਪਹਿਲਵਾਨਾਂ ਨੇ ਕੁਲ 8 ਤਮਗੇ ਜਿੱਤੇ। ਫ੍ਰੀ ਸਟਾਈਲ ਅਤੇ ਮਹਿਲਾ ਪਹਿਲਵਾਨਾਂ ਨੇ ਆਪਣੇ-ਆਪਣੇ ਵਰਗਾਂ ਵਿਚ ਉਪ-ਜੇਤੂ ਟਰਾਫੀ ਜਿੱਤੀ, ਜਦਕਿ ਗ੍ਰੀਕੋ ਰੋਮਨ ਪਹਿਲਵਾਨ ਚੌਥੇ ਸਥਾਨ 'ਤੇ ਰਹੇ।