ਬਸਤੀ ਸ਼ੇਖ ''ਚ ਸ਼ੱਕੀ ਹਾਲਾਤ ''ਚ ਔਰਤ ਹੋਈ ਲਾਪਤਾ

ਜਲੰਧਰ (ਮ੍ਰਿਦੁਲ ਸ਼ਰਮਾ)— ਬਸਤੀ ਸ਼ੇਖ ਦੀ ਨੀਲਮ ਰਾਣੀ ਨੇ ਥਾਣਾ 5 ਵਿਚ ਆਪਣੀ ਨੂੰਹ ਨਿਸ਼ਾ ਦੇ ਸ਼ੱਕੀ ਹਾਲਾਤ ਵਿਚ ਲਾਪਤਾ ਹੋਣ ਕਾਰਨ ਸ਼ਿਕਾਇਤ ਦਿੱਤੀ ਹੈ। ਸ਼ਿਕਾਇਤ ਮੁਤਾਬਕ ਉਨ੍ਹਾਂ ਦੀ ਨੂੰਹ ਨਿਸ਼ਾ ਇਕ ਫੈਕਟਰੀ ਵਿਚ ਕੰਮ ਕਰਦੀ ਹੈ। ਬੁੱਧਵਾਰ ਨੂੰ ਉਹ ਸਵੇਰੇ ਰੋਜ਼ ਦੀ ਤਰ੍ਹਾਂ ਕੰਮ 'ਤੇ ਗਈ ਸੀ ਪਰ ਸ਼ਾਮ ਤੱਕ ਵਾਪਸ ਨਹੀਂ ਆਈ। ਜਦੋਂ ਉਸ ਨੂੰ ਲੱਭਣ ਲਈ ਫੈਕਟਰੀ ਗਏ ਤਾਂ ਉਥੇ ਉਸ ਦਾ ਪਰਸ ਅਤੇ ਟਿਫਨ ਪਿਆ ਸੀ ਪਰ ਉਹ ਬਿਨਾਂ ਦੱਸੇ ਕਿਤੇ ਚੱਲੀ ਗਈ। 
ਉਨ੍ਹਾਂ ਨੂੰ ਦੱਸਿਆ ਕਿ ਇਸ ਬਾਰੇ ਉਨ੍ਹਾਂ ਨੇ ਥਾਣਾ 5 ਦੀ ਪੁਲਸ ਨੂੰ ਸ਼ਿਕਾਇਤ ਦਿੱਤੀ ਹੈ ਪਰ ਪੁਲਸ ਹੁਣ ਤੱਕ ਉਸ ਦੀ ਨੂੰਹ ਨੂੰ ਲੱਭ ਨਹੀਂ ਸਕੀ। ਜਦੋਂ ਥਾਣਾ 5 ਦੇ ਐੱਸ. ਐੱਚ. ਓ. ਸੁਖਜੀਤ ਸਿੰਘ ਨਾਲ ਗੱਲ ਕੀਤੀ ਗਈ ਤਾਂ ਉਨ੍ਹਾਂ ਕਿਹਾ ਕਿ ਜਾਂਚ ਕੀਤੀ ਜਾ ਰਹੀ ਹੈ। ਨੂੰਹ ਦੀ ਫੋਟੋ ਰੇਲਵੇ ਸਟੇਸ਼ਨ, ਬੱਸ ਸਟੈਂਡ ਪੁਲਸ ਨੂੰ ਭੇਜ ਦਿੱਤੀ ਗਈ ਹੈ।