ਸੋਹਣੀਆਂ ਮੁਟਿਆਰਾਂ ਦੇ ਕਾਲੇ ਕਾਰਨਾਮੇ, ਵਟਸਐਪ ’ਤੇ ਚੱਲਦੇ ਇਸ ਧੰਦੇ ਬਾਰੇ ਜਾਣ ਉੱਡਣਗੇ ਹੋਸ਼

ਬਠਿੰਡਾ (ਵਰਮਾ) : ਸਾਈਬਰ ਕ੍ਰਾਈਮ ਦੀ ਮਦਦ ਨਾਲ ਅਪਰਾਧੀ ਵਟਸਐਪ ਕਾਲ ’ਤੇ ਅਸ਼ਲੀਲ ਤਸਵੀਰਾਂ ਖਿੱਚ ਕੇ ਲੜਕਿਆਂ ਨੂੰ ਬਲੈਕਮੇਲ ਕਰ ਰਹੇ ਹਨ। ਲੜਕੀ ਨੇ ਪਹਿਲਾਂ ਵਟਸਐਪ ’ਤੇ ਅਣਪਛਾਤੀ ਕਾਲ ਕਰ ਕੇ ਦਿੱਤੀ ਮਿਸ ਕਾਲ ਦੁਬਾਰਾ ਕਾਲ ਮਿਲਣ ’ਤੇ ਉਸ ਨੇ ਲੜਕਿਆਂ ਨੂੰ ਫਸਾ ਲਿਆ। ਇਕ ਵਟਸਐਪ ਕਾਲ ਰਾਹੀਂ, ਉਹ ਆਪਣੇ ਸਰੀਰ ਦੇ ਅੰਗ ਦਿਖਾ ਕੇ ਅਸ਼ਲੀਲਤਾ ਦਿਖਾਉਂਦੀ ਹੈ ਅਤੇ ਲੜਕੇ ਨੂੰ ਆਪਣੇ ਕੱਪੜੇ ਉਤਾਰਨ ਲਈ ਕਹਿੰਦੀ ਹੈ। ਇਸ ਦੇ ਨਾਲ ਹੀ ਅਪਰਾਧੀ ਉਕਤ ਨੌਜਵਾਨ ਨੂੰ ਸਕ੍ਰੀਨ ਸ਼ਾਟ ਲੈ ਕੇ ਬਲੈਕਮੇਲ ਕਰਦੇ ਹਨ। ਜਿਵੇਂ ਹੀ ਫੋਨ ਕਰਨ ਵਾਲੇ ਦੀ ਤਸਵੀਰ ਸਕ੍ਰੀਨ ਸ਼ਾਟ ਰਾਹੀਂ ਮੋਬਾਇਲ ’ਚ ਕੈਦ ਹੁੰਦੀ ਹੈ, ਅਪਰਾਧੀ ਉਸ ਤਸਵੀਰ ਨੂੰ ਲੜਕੀ ਨਾਲ ਜੋੜ ਕੇ ਅਸ਼ਲੀਲ ਵੀਡੀਓ ਤਿਆਰ ਕਰਦੇ ਹਨ, ਫਿਰ ਬਲੈਕਮੇਲ ਦਾ ਗੰਦਾ ਧੰਦਾ ਸ਼ੁਰੂ ਹੋ ਜਾਂਦਾ ਹੈ। ਪਤਾ ਨਹੀਂ ਕਿੰਨੇ ਲੋਕ ਇਨ੍ਹਾਂ ਅਪਰਾਧਿਕ ਅਨਸਰਾਂ ਦਾ ਸ਼ਿਕਾਰ ਹੋ ਚੁੱਕੇ ਹਨ, ਪੁਲਸ ਕੋਲ ਸ਼ਿਕਾਇਤਾਂ ਦੇ ਵੀ ਢੇਰ ਲੱਗ ਰਹੇ ਹਨ ਪਰ ਲੋਕ ਕਾਰਵਾਈ ਕਰਨ ਤੋਂ ਡਰਦੇ ਹਨ।

ਇਹ ਵੀ ਪੜ੍ਹੋ : ਗੁਰਦੁਆਰਾ ਦੂਖ ਨਿਵਾਰਨ ਸਾਹਿਬ ’ਚ ਸ਼ਰਾਬ ਪੀਣ ਵਾਲੀ ਜਨਾਨੀ ਦੀ ਹੋਈ ਅਸਲ ਸ਼ਨਾਖਤ, ਪਰਿਵਾਰ ਆਇਆ ਸਾਹਮਣੇ

ਅਜਿਹਾ ਹੀ ਮਾਮਲਾ ਇਕ 35 ਸਾਲਾ ਮਜ਼ਦੂਰ ਨਾਲ ਵਾਪਰਿਆ, ਜੋ ਮੁਸ਼ਕਿਲ ਨਾਲ ਬਚਿਆ। ਉਸ ਨੇ ਦੱਸਿਆ ਕਿ ਉਸ ਨੂੰ ਫੋਨ ’ਤੇ ਇਕ ਲੜਕੀ ਦੀ ਕਾਲ ਆਈ, ਜਦੋਂ ਉਸ ਨੇ ਚੁੱਕਿਆ ਤਾਂ ਉਸ ਨੂੰ ਵਟਸਐਪ ’ਤੇ ਕਾਲ ਕਰਨ ਲਈ ਕਿਹਾ ਗਿਆ। ਜਿਵੇਂ ਹੀ ਉਸ ਨੇ ਲੜਕੀ ਨੂੰ ਦੇਖ ਕੇ ਫੋਨ ਕੀਤਾ ਤਾਂ ਲੜਕੀ ਨਗਨ ਦਿਖਾਈ ਦਿੱਤੀ ਅਤੇ ਲੜਕੇ ਨੂੰ ਭੜਕਾਉਣ ਲੱਗੀ। ਲੜਕੇ ਨੇ ਲੜਕੀ ਦੇ ਕਹੇ ਅਨੁਸਾਰ ਕੀਤਾ ਅਤੇ ਆਪਣੇ ਕੱਪੜੇ ਵੀ ਉਤਾਰ ਦਿੱਤੇ। ਅਗਲੇ ਦਿਨ ਕਿਸੇ ਅਣਪਛਾਤੇ ਨੰਬਰ ਤੋਂ ਕਾਲ ਆਈ ਅਤੇ ਕਿਹਾ ਕਿ ਉਸ ਕੋਲ ਉਸ ਦੀ ਅਸ਼ਲੀਲ ਵੀਡੀਓ ਹੈ, ਜੋ ਸੋਸ਼ਲ ਮੀਡੀਆ ’ਤੇ ਪਾ ਦਿੱਤੀ ਜਾਵੇਗੀ ਨਹੀਂ ਤਾਂ 50 ਹਜ਼ਾਰ ਰੁਪਏ ਭੇਜ ਦਿਓ। ਲੜਕਾ ਗਰੀਬ ਸੀ, ਜੋ ਪੈਸੇ ਨਹੀਂ ਭੇਜ ਸਕਦਾ ਸੀ ਅਤੇ ਪੁਲਸ ਕੋਲ ਜਾਣ ਤੋਂ ਵੀ ਡਰਦਾ ਸੀ। ਮੁਲਜ਼ਮਾਂ ਨੇ ਫੇਸਬੁੱਕ ਰਾਹੀਂ ਉਸ ਦੇ ਸਾਰੇ ਦੋਸਤਾਂ ਅਤੇ ਪਰਿਵਾਰਕ ਮੈਂਬਰਾਂ ਦੇ ਨੰਬਰ ਟਰੇਸ ਕਰ ਲਏ ਅਤੇ ਉਹ ਲਗਾਤਾਰ ਪਰਿਵਾਰਕ ਮੈਂਬਰਾਂ ਨੂੰ ਫੋਨ ਕਰ ਕੇ ਪੈਸਿਆਂ ਦੀ ਮੰਗ ਕੀਤੀ ਗਈ। ਲੜਕੇ ਨੇ ਦੱਸਿਆ ਕਿ ਉਸ ਨੇ ਆਪਣਾ ਨੰਬਰ ਵੀ ਬੰਦ ਕਰ ਦਿੱਤਾ ਹੈ। ਹੁਣ ਉਸ ਦੇ ਰਿਸ਼ਤੇਦਾਰਾਂ ਦੇ ਫੋਨ ਆ ਰਹੇ ਹਨ, ਜਿਨ੍ਹਾਂ ਤੋਂ ਲੱਖਾਂ ਦੀ ਮੰਗ ਕੀਤੀ ਜਾ ਰਹੀ ਹੈ। ਪਤਾ ਨਹੀਂ ਕਿ ਕਿੰਨੇ ਅਜਿਹੇ ਕੇਸ ਪੁਲਸ ਦੀ ਫਾਈਲਾਂ ’ਚ ਦੱਬੇ ਪਏ ਹਨ।

ਇਹ ਵੀ ਪੜ੍ਹੋ : ਅਮਰੀਕਾ ਜਾਣ ਲਈ ਜਹਾਜ਼ੇ ਚੜ੍ਹੇ ਮੁੰਡੇ ਦੇ ਟੁੱਟੇ ਸੁਫ਼ਨੇ, ਜੋ ਹੋਇਆ ਸੁਣ ਨਹੀਂ ਹੋਵੇਗਾ ਯਕੀਨ

ਇਕ ਹੋਰ ਕਾਰੋਬਾਰੀ ਨੇ ਵੀ ਅਜਿਹੀ ਹੀ ਇਕ ਘਟਨਾ ਦਾ ਜ਼ਿਕਰ ਕਰਦਿਆਂ ਦੱਸਿਆ ਕਿ ਉਸ ਨੇ 5 ਲੱਖ ਰੁਪਏ ਦੇ ਕੇ ਆਪਣੀ ਇੱਜ਼ਤ ਬਚਾਈ। ਨਾਮ ਨਾ ਛਾਪਣ ਦੀ ਸੂਰਤ ਵਿਚ ਉਕਤ ਕਾਰੋਬਾਰੀ ਨੇ ਸਾਰੀ ਕਹਾਣੀ ਬਿਆਨ ਕਰ ਦਿੱਤੀ ਅਤੇ ਬਦਨਾਮੀ ਦੇ ਡਰੋਂ ਉਸ ਅੱਗੇ ਸਿਰ ਝੁਕਾਇਆ। ਉਕਤ ਕਾਰੋਬਾਰੀ ਵੀ ਇਸ ਮਾਮਲੇ ਨੂੰ ਲੈ ਕੇ ਮਾਨਸਿਕ ਤਣਾਅ ’ਚ ਆ ਗਿਆ। ਅਜਿਹੀਆਂ ਕਈ ਘਟਨਾਵਾਂ ਸਾਹਮਣੇ ਆ ਰਹੀਆਂ ਹਨ। ਪੁਲਸ ਵੱਲੋਂ ਅਜਿਹੇ ਸਾਈਬਰ ਕ੍ਰਾਈਮ ਨੂੰ ਰੋਕਣ ਲਈ ਉਪਰਾਲੇ ਕੀਤੇ ਜਾ ਰਹੇ ਹਨ ਅਤੇ ਅਣਜਾਣ ਫੋਨ ਕਾਲਾਂ ਨਾ ਚੁੱਕਣ ਦੀ ਅਪੀਲ ਵੀ ਕੀਤੀ ਜਾ ਰਹੀ ਹੈ। ਜੇਕਰ ਕੋਈ ਲੜਕੀ ਕਾਲ ਰਿਸੀਵ ਕਰਨ ’ਤੇ ਫਸਾਉਣ ਦੀ ਕੋਸ਼ਿਸ਼ ਕਰਦੀ ਹੈ ਤਾਂ ਉਸ ਤੋਂ ਬਚਣਾ ਚਾਹੀਦਾ ਹੈ। 

ਇਹ ਵੀ ਪੜ੍ਹੋ : ਗੁਰਦੁਆਰਾ ਦੂਖ ਨਿਵਾਰਣ ਸਾਹਿਬ ਵਿਖੇ ਹੋਏ ਜਨਾਨੀ ਦੇ ਕਤਲ ’ਚ ਐੱਸ. ਐੱਸ. ਪੀ. ਦਾ ਸਨਸਨੀਖੇਜ਼ ਖ਼ੁਲਾਸਾ

ਪੁਲਸ ਦਾ ਮੰਨਣਾ ਹੈ ਕਿ ਵੱਖ-ਵੱਖ ਸੂਬਿਆਂ ’ਚ ਅਜਿਹੇ ਕਈ ਗਿਰੋਹ ਸਰਗਰਮ ਹਨ, ਜੋ ਇਸ ਗੰਦੇ ਧੰਦੇ ’ਚ ਸ਼ਾਮਲ ਹਨ। ਉਨ੍ਹਾਂ ਦਾ ਮੰਨਣਾ ਹੈ ਕਿ ਬਲੈਕਮੇਲ ਕਰਨ ਵਾਲੇ ਵਿਅਕਤੀ ਨੂੰ ਇਕ ਵਾਰ ਨਹੀਂ ਬਖਸ਼ਦੇ, ਉਹ ਵਾਰ-ਵਾਰ ਪੈਸੇ ਦੀ ਮੰਗ ਕਰਦੇ ਹਨ। ਇਸ ਤੋਂ ਪਹਿਲਾਂ ਵੀ ਪੁਲਸ ਅਜਿਹੇ ਕਈ ਗਿਰੋਹ ਫੜ ਕੇ ਜੇਲ ’ਚ ਭੇਜ ਚੁੱਕੀ ਹੈ ਪਰ ਕੁਝ ਸਮੇਂ ਬਾਅਦ ਉਹ ਜ਼ਮਾਨਤ ’ਤੇ ਬਾਹਰ ਆ ਕੇ ਮੁੜ ਆਪਣਾ ਕਾਰੋਬਾਰ ਸ਼ੁਰੂ ਕਰ ਲੈਂਦੇ ਹਨ। ਬਰਨਾਲਾ ’ਚ ਵੀ ਪੁਲਸ ਵੱਲੋਂ ਇਕ ਅਜਿਹਾ ਗਿਰੋਹ ਫੜਿਆ ਗਿਆ ਸੀ, ਜਿਸ ’ਚ ਸੜਕ ਕਿਨਾਰੇ ਖੜ੍ਹੀਆਂ ਲੜਕੀਆਂ ਭਾਰੀ ਵਾਹਨਾਂ ਨੂੰ ਫੜ ਕੇ ਡਰਾਈਵਰ ਤੇ ਉਸ ਦੇ ਸਾਥੀਆਂ ਨੂੰ ਆਪਣਾ ਸ਼ਿਕਾਰ ਬਣਾਉਂਦੀਆਂ ਸਨ। ਰਾਮਪੁਰਾ ’ਚ ਵੀ ਪੁਲਸ ਨੇ ਅਜਿਹਾ ਹੀ ਇਕ ਗਿਰੋਹ ਫੜਿਆ ਸੀ, ਜੋ ਬਾਅਦ ’ਚ ਜ਼ਮਾਨਤ ’ਤੇ ਰਿਹਾਅ ਹੋ ਗਿਆ ਸੀ।

ਇਹ ਵੀ ਪੜ੍ਹੋ : ਪੰਜਾਬ ’ਚ ਮਹਿੰਗੀ ਹੋਈ ਬਿਜਲੀ, ਨਵੀਂਆਂ ਦਰਾਂ ਕੀਤੀਆਂ ਗਈਆਂ ਜਾਰੀ

ਨੋਟ - ਇਸ ਖ਼ਬਰ ਸੰਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ।

ਪੰਜਾਬ ਅਤੇ ਦੇਸ਼ ਦੁਨੀਆਂ ਦੀਆਂ ਖ਼ਬਰਾਂ ਟੈਲੀਗ੍ਰਾਮ ’ਤੇ ਵੀ ਪੜ੍ਹਨ ਲਈ ਇਸ ਲਿੰਕ ’ਤੇ ਕਲਿੱਕ ਕਰੋ https://t.me/onlinejagbani