ਆਰ. ਆਈ. ਐੱਮ. ਸੀ. ਦਾਖ਼ਲਾ ਪ੍ਰੀਖਿਆ ਲਈ ਸਮਾਂ-ਸੂਚੀ ਦਾ ਐਲਾਨ

ਚੰਡੀਗੜ੍ਹ : ਜਨਵਰੀ, 2023 ਦੀ ਮਿਆਦ ਲਈ ਰਾਸ਼ਟਰੀ ਭਾਰਤੀ ਮਿਲਟਰੀ ਕਾਲਜ (ਆਰ. ਆਈ. ਐੱਮ. ਸੀ.), ਦੇਹਰਾਦੂਨ (ਉੱਤਰਾਖੰਡ) ਵਿੱਚ ਦਾਖ਼ਲੇ ਲਈ ਲਿਖ਼ਤੀ ਦਾਖ਼ਲਾ ਪ੍ਰੀਖਿਆ 4 ਜੂਨ, 2022 (ਸ਼ਨੀਵਾਰ) ਨੂੰ ਲਾਲਾ ਲਾਜਪਤ ਰਾਏ ਭਵਨ, ਸੈਕਟਰ-15, ਚੰਡੀਗੜ੍ਹ ਵਿਖੇ ਕਰਵਾਈ ਜਾਵੇਗੀ। ਰੱਖਿਆ ਸੇਵਾਵਾਂ ਭਲਾਈ ਵਿਭਾਗ ਦੇ ਬੁਲਾਰੇ ਅਨੁਸਾਰ ਮੁਕੰਮਲ ਕੀਤੀਆਂ ਅਰਜ਼ੀਆਂ 25 ਅਪ੍ਰੈਲ, 2022 ਜਾਂ ਇਸ ਤੋਂ ਪਹਿਲਾਂ ਡਾਇਰੈਕਟੋਰੈਟ ਆਫ਼ ਡਿਫੈਂਸ ਸਰਵਿਸਿਜ਼ ਵੈੱਲਫੇਅਰ, ਪੰਜਾਬ, ਸੈਨਿਕ ਭਵਨ, ਸੈਕਟਰ 21-ਡੀ, ਚੰਡੀਗੜ੍ਹ ਵਿਖੇ ਪਹੁੰਚਾ ਦਿੱਤੀਆਂ ਜਾਣ। 25 ਅਪ੍ਰੈਲ, 2022 ਤੋਂ ਬਾਅਦ ਪ੍ਰਾਪਤ ਹੋਈਆਂ ਅਰਜ਼ੀਆਂ 'ਤੇ ਵਿਚਾਰ ਨਹੀਂ ਕੀਤਾ ਜਾਵੇਗਾ। ਬੁਲਾਰੇ ਨੇ ਅੱਗੇ ਦੱਸਿਆ ਕਿ ਲੜਕੇ ਅਤੇ ਲੜਕੀਆਂ ਦੋਵੇਂ ਆਰ. ਆਈ. ਐੱਮ. ਸੀ., ਦੇਹਰਾਦੂਨ ਵਿੱਚ ਦਾਖ਼ਲੇ ਲਈ ਅਪਲਾਈ ਕਰਨ ਯੋਗ ਹਨ।

ਉਪਰੋਕਤ ਇਮਤਿਹਾਨ ਵਿੱਚ ਸ਼ਾਮਲ ਹੋਣ ਵਾਲੇ ਉਮੀਦਵਾਰਾਂ ਦੀ ਉਮਰ 11½ ਸਾਲ ਤੋਂ ਘੱਟ ਨਹੀਂ ਹੋਣੀ ਚਾਹੀਦੀ ਪਰ ਉਨ੍ਹਾਂ ਦੀ ਉਮਰ 01 ਜਨਵਰੀ, 2023 ਨੂੰ 13 ਸਾਲ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ, ਭਾਵ ਉਨ੍ਹਾਂ ਦਾ ਜਨਮ 02 ਜਨਵਰੀ, 2010 ਤੋਂ ਪਹਿਲਾਂ ਅਤੇ 01 ਜੁਲਾਈ, 2011 ਤੋਂ ਬਾਅਦ ਨਹੀਂ ਹੋਣਾ ਚਾਹੀਦਾ। ਉਹ ਆਰ. ਆਈ. ਐੱਮ. ਸੀ. ਵਿੱਚ ਦਾਖ਼ਲੇ ਸਮੇਂ ਭਾਵ 1 ਜਨਵਰੀ, 2023 ਨੂੰ ਕਿਸੇ ਮਾਨਤਾ ਪ੍ਰਾਪਤ ਸਕੂਲ ਤੋਂ ਜਮਾਤ VII ਵਿੱਚ ਪੜ੍ਹ ਰਹੇ ਹੋਣ ਜਾਂ ਜਮਾਤ VII ਪਾਸ ਕੀਤੀ ਹੋਵੇ। ਚੁਣੇ ਗਏ ਉਮੀਦਵਾਰਾਂ ਨੂੰ ਜਮਾਤ VIII ਵਿੱਚ ਦਾਖ਼ਲਾ ਦਿੱਤਾ ਜਾਵੇਗਾ। ਇਮਤਿਹਾਨ ਦੇ ਲਿਖ਼ਤੀ ਹਿੱਸੇ ਵਿੱਚ ਤਿੰਨ ਪੇਪਰ ਅਰਥਾਤ ਅੰਗਰੇਜ਼ੀ, ਗਣਿਤ ਅਤੇ ਆਮ ਗਿਆਨ ਸ਼ਾਮਲ ਹੋਣਗੇ। ਇੰਟਰਵਿਊ ਸਮੇਤ ਹਰੇਕ ਪੇਪਰ ਵਿੱਚ ਘੱਟੋ-ਘੱਟ ਪਾਸ ਅੰਕ 50 ਫ਼ੀਸਦੀ ਹੋਣਗੇ। ਵਾਈਵਾ-ਵਾਈਸ ਟੈਸਟ ਸਿਰਫ਼ ਉਨ੍ਹਾਂ ਉਮੀਦਵਾਰਾਂ ਲਈ ਹੋਵੇਗਾ, ਜੋ ਲਿਖ਼ਤੀ ਪ੍ਰੀਖਿਆ ਪਾਸ ਕਰ ਸਕਣਗੇ ਅਤੇ ਵਾਈਵਾ-ਵਾਈਸ ਟੈਸਟ ਦੀ ਮਿਤੀ ਬਾਅਦ ਵਿੱਚ ਦੱਸੀ ਜਾਵੇਗੀ।

ਬੁਲਾਰੇ ਨੇ ਅੱਗੇ ਦੱਸਿਆ ਕਿ ਪੁਰਾਣੇ ਪ੍ਰਸ਼ਨ ਪੱਤਰਾਂ ਦੇ ਪ੍ਰਾਸਪੈਕਟਸ ਅਤੇ ਕਿਤਾਬਚੇ ਦੇ ਨਾਲ ਬਿਨੈ-ਪੱਤਰ ਜਨਰਲ ਉਮੀਦਵਾਰ 600 ਰੁਪਏ ਅਤੇ ਅਨੁਸੂਚਿਤ ਜਾਤੀ/ਜਨਜਾਤੀ ਉਮੀਦਵਾਰ 555 ਰੁਪਏ ਆਨਲਾਈਨ ਭੁਗਤਾਨ ਕਰਕੇ ਆਰ. ਆਈ. ਐੱਮ. ਸੀ. ਦੀ ਵੈੱਬਸਾਈਟ www.rimc.gov ਤੋਂ ਪ੍ਰਾਪਤ ਕਰ ਸਕਦੇ ਹਨ (ਰਾਸ਼ੀ ਪ੍ਰਾਪਤ ਹੋਣ 'ਤੇ, ਪ੍ਰਾਸਪੈਕਟਸ-ਕਮ-ਅਰਜ਼ੀ ਫਾਰਮ ਅਤੇ ਪੁਰਾਣੇ ਪ੍ਰਸ਼ਨ-ਪੱਤਰਾਂ ਦਾ ਕਿਤਾਬਚਾ ਸਪੀਡ ਪੋਸਟ ਰਾਹੀਂ ਭੇਜਿਆ ਜਾਵੇਗਾ)। ਬੁਲਾਰੇ ਨੇ ਇਹ ਵੀ ਦੱਸਿਆ ਕਿ ਦ ਕਮਾਂਡੈਂਟ ਆਰ. ਆਈ. ਐੱਮ. ਸੀ., ਦੇਹਰਾਦੂਨ, ਐਸ. ਬੀ. ਆਈ., ਟੇਲ ਭਵਨ (ਕੋਡ-01576) ਉੱਤਰਾਖੰਡ ਵਿਖੇ ਆਮ ਉਮੀਦਵਾਰਾਂ ਲਈ 600 ਰੁਪਏ ਅਤੇ ਅਨੁਸੂਚਿਤ ਜਾਤੀ/ਅਨੁਸੂਚਿਤ ਕਬੀਲੇ ਨਾਲ ਸਬੰਧਿਤ ਉਮੀਦਵਾਰਾਂ ਲਈ 555 ਰੁਪਏ (ਜਾਤੀ ਸਰਟੀਫਿਕੇਟ ਨਾਲ) ਦੇ ਨਾਮ ‘ਤੇ ਬਣਵਾਏ ਡਿਮਾਂਡ ਡਰਾਫਟ ਦੇ ਨਾਲ ਹੀ ਲਿਖ਼ਤੀ ਬੇਨਤੀ ਭੇਜ ਕੇ ਸੰਭਾਵੀ-ਕਮ-ਅਰਜ਼ੀ ਫਾਰਮ ਅਤੇ ਪੁਰਾਣੇ ਪ੍ਰਸ਼ਨ ਪੱਤਰਾਂ ਦੀ ਕਿਤਾਬਚਾ ਵੀ ਪ੍ਰਾਪਤ ਕੀਤਾ ਜਾ ਸਕਦਾ ਹੈ। ਪਤਾ, ਪਿੰਨ ਕੋਡ ਅਤੇ ਸੰਪਰਕ ਨੰਬਰ ਦੇ ਨਾਲ ਵੱਡੇ ਅੱਖਰਾਂ ਵਿੱਚ ਸਪੱਸ਼ਟ ਤੌਰ 'ਤੇ ਟਾਈਪ ਕੀਤਾ/ਲਿਖਿਆ ਹੋਣਾ ਚਾਹੀਦਾ ਹੈ। ਆਰ. ਆਈ. ਐੱਮ. ਸੀ. ਪੜ੍ਹੇ ਨਾ ਜਾ ਸਕਣ ਵਾਲੇ ਜਾਂ ਅਧੂਰੇ ਪਤੇ ਕਾਰਨ ਪ੍ਰਾਸਪੈਕਟਸ ਦੇਰੀ ਲਈ ਜ਼ਿੰਮੇਵਾਰ ਨਹੀਂ ਹੋਵੇਗਾ।