ਤਾਇਆ ਬਣਿਆ ਹੈਵਾਨ, ਭਤੀਜੀ ਨੂੰ ਘਰ ਛੱਡਣ ਬਹਾਨੇ ਕੀਤਾ ਜਬਰ-ਜ਼ਿਨਾਹ

ਲੁਧਿਆਣਾ(ਗੌਤਮ)-ਭਤੀਜੀ ਨੂੰ ਘਰ ਛੱਡਣ ਬਹਾਨੇ ਹੋਟਲ ਦੇ ਦਫ਼ਤਰ ’ਚ ਲਿਜਾ ਕੇ ਜਬਰ-ਜ਼ਨਾਹ ਕਰਨ ਦੇ ਦੋਸ਼ ’ਚ ਥਾਣਾ ਕੋਤਵਾਲੀ ਨੇ ਪੀੜਤਾ ਦੇ ਤਾਏ ਦੇ ਖ਼ਿਲਾਫ਼ ਕੇਸ ਦਰਜ ਕੀਤਾ ਹੈ। ਪੁਲਸ ਨੇ ਪੀੜਤਾ ਦੇ ਬਿਆਨ ’ਤੇ ਉਸ ਦੇ ਤਾਏ ਹੋਟਲ ਮਾਲਕ ਚਮਨ ਲਾਲ ਖ਼ਿਲਾਫ ਜਬਰ-ਜ਼ਿਨਾਹ ਦੇ ਦੋਸ਼ ’ਚ ਕੇਸ ਦਰਜ ਕੀਤਾ ਹੈ। ਪੁਲਸ ਨੂੰ ਦਿੱਤੇ ਬਿਆਨ ’ਚ ਪੀੜਤਾ ਨੇ ਦੱਸਿਆ ਕਿ ਉਹ 10 ਅਕਤੂਬਰ ਨੂੰ ਸਿਵਲ ਕੇਸ ਦੇ ਮਾਮਲੇ ’ਚ ਗਵਾਹੀ ਦੇ ਸਬੰਧ ’ਚ ਉਸ ਦੇ ਤਾਏ ਨੇ ਉਸ ਨੂੰ ਅਦਾਲਤ ਕੰਪਲੈਕਸ ’ਚ ਬੁਲਾਇਆ ਸੀ।

ਇਹ ਵੀ ਪੜ੍ਹੋ-  ਸੱਚਖੰਡ ਸ੍ਰੀ ਦਰਬਾਰ ਸਾਹਿਬ ਦੇ ਸਰੋਵਰ 'ਚ ਵਿਅਕਤੀ ਨੇ ਮਾਰੀ ਛਾਲ

ਕੋਰਟ ਕੰਪਲੈਕਸ ’ਚ ਉਸ ਦਾ ਤਾਇਆ ਪਹਿਲਾਂ ਹੀ ਮੌਜੂਦ ਸੀ। ਕੇਸ ਦੀ ਅਗਲੀ ਤਰੀਕ ਮਿਲਣ ਤੋਂ ਬਾਅਦ ਉਸ ਦਾ ਤਾਇਆ ਉਸ ਨੂੰ ਘਰ ਛੱਡਣ ਬਹਾਨੇ ਰੇਲਵੇ ਸਟੇਸ਼ਨ ’ਤੇ ਸਥਿਤ ਆਪਣੇ ਹੋਟਲ ਘਈ ’ਚ ਲੈ ਗਿਆ। ਉਥੇ ਆਪਣੇ ਹੋਟਲ ’ਚ ਉਹ ਵਿਵਾਦ ਕਰਦੇ ਹੋਏ ਗਾਲੀ-ਗਲੋਚ ਕਰਨ ਲੱਗਾ ਅਤੇ ਧਮਕੀਆ ਦੇਣ ਲੱਗਾ ਕਿ ਜੇਕਰ ਉਸ ਨੇ ਕੇਸ ’ਚ ਉਸ ਦੇ ਕਹਿਣ ਦੇ ਮੁਤਾਬਕ ਗਵਾਹੀ ਨਾ ਦਿੱਤੀ ਤਾਂ ਉਹ ਉਸ ਕੋਲ ਪਏ ਚੈੱਕ ਬਾਊਂਸ ਕਰਵਾ ਕੇ ਉਸ ’ਤੇ ਕੇਸ ਦਰਜ ਕਰਵਾ ਦੇਵੇਗਾ।

ਇਹ ਵੀ ਪੜ੍ਹੋ- ਵਿਦੇਸ਼ ਦੀ ਧਰਤੀ 'ਤੇ ਇਕ ਹੋਰ ਪੰਜਾਬੀ ਨੌਜਵਾਨ ਦੀ ਮੌਤ, ਪੂਰੇ ਇਲਾਕੇ 'ਚ ਪਸਰਿਆ ਸੋਗ

ਉਸ ਤੋਂ ਬਾਅਦ ਧਮਕਾਉਂਦੇ ਹੋਏ ਉਸ ਦੇ ਤਾਏ ਨੇ ਆਪਣੇ ਦਫ਼ਤਰ ’ਚ ਉਸ ਦੀ ਸਹਿਮਤੀ ਤੋਂ ਬਿਨਾਂ ਜ਼ਬਰਦਸਤੀ ਉਸ ਦੇ ਨਾਲ ਸਰੀਰਕ ਸਬੰਧ ਬਣਾਏ। ਸਬ–ਇੰਸਪੈਕਟਰ ਸੁਖਵਿੰਦਰ ਸਿੰਘ ਨੇ ਦੱਸਿਆ ਕਿ ਮਾਮਲੇ ਸਬੰਧੀ ਕਾਰਵਾਈ ਕੀਤੀ ਜਾ ਰਹੀ ਹੈ। ਪੀੜਤਾ ਦਾ ਮੈਡੀਕਲ ਕਰਵਾਇਆ ਗਿਆ ਹੈ। ਮੁਲਜ਼ਮ ਨੂੰ ਫੜਨ ਲਈ ਪੁਲਸ ਪਾਰਟੀ ਬਣਾਈ ਗਈ ਹੈ।

ਇਹ ਵੀ ਪੜ੍ਹੋ- ਅੰਮ੍ਰਿਤਸਰ : ਹੈਰੀਟੇਜ ਸਟਰੀਟ 'ਤੇ ਖੜ੍ਹਾ ਹੋਇਆ ਵੱਡਾ ਵਿਵਾਦ, ਨਿਹੰਗ ਸਿੰਘਾਂ ਨੇ ਦਿੱਤੀ ਚਿਤਾਵਨੀ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8